Read BORANA BIBLE – KITAABA WAAQA Zekaria 3 Bible Online

Zekaria 3 - BORANA BIBLE – KITAABA WAAQA bible

Zekaria 3

¹ Daayya d'ibi keesa AABBO Waaqi qaallicha gudda, Yoshua jed'ani, ka malaika AABBO Waaqaa dura eju na agarsiise. Ammalle Yoshua d'aatu, gama mirga, Sheet'ana isa himatuti eja.

²Jennaani malaikaani AABBO Waaqaa waan Sheet'anani jette, AABBO Waaqi si balleesinna, Sheet'ana! AABBO Waaqi, ka Yerusalemu jaalatu, si balleesina! Nami kunini qoraani ibidaa, ka ibida keesaa fuud'aniniti?

³Duuba Yoshuani, ka woya t'uriti ufira qabu, arti eje.

⁴Malaikaani waan worra isa woliini hojatuni jette, Woya t'uriti nami kunini keeyatu tana iraa baasa. Jennaani isiini waan Yoshuani jette, Anini ch'ubbu tante ya siraa fuud'e, amma woya hareeti atini keeyattu sii kenna.

⁵Duuba isiini worra isi woliini hojatu kaaniini waan jette, Sure t'uri inqamne isaati mara. Duuba worri akuma suni tolche, woya hareetile, ato malaikaani AABBO Waaqa arti ejitu, iti uyise.

⁶Jennaani malaikaani AABBO Waaqaa waan Yoshuani jette,

⁷AABBO Waaqi Guddaani waan jed'u, Yo atini seera kiyya guutte huji anini sii kenne tolchite, atini Mana kiyyafi qaye isaa, akuma qara hojatte kaani, hojatta; ammalle anini kad'acha tante d'agaye, akuma anini kad'acha malaika na dura ejitu tana d'agayu.

⁸ Duuba Yoshua, qaallicha gudda ch'aqasi, ammalle qaalole wahela isaa isanileeni ch'aqasa, isani akheekha dansa milki ka d'ufu: anini hojattu tiyya ta Dame jed'aniini d'ufa!

⁹Anini Yoshua dura d'akha toko, ka moga torba qabu, kaya. Anini d'akha suni irati wo t'aafe, duuba guyya tokooni ch'ubbu lafa tana iraa fuud'a.

¹⁰Hojja guyyaani suni gahe, isani ch'ufti nama mana isaniti aanu yaamtani nagayaani zabibufi oda keesani jala woliini teetani.