Read BORANA BIBLE – KITAABA WAAQA Malaki 2 Bible Online

Malaki 2 - BORANA BIBLE – KITAABA WAAQA bible

Malaki 2

¹AABBO Waaqi Guddaani waan jed'u, Ee qaalole, seeri kunini keesani.

²Isani waan tolchitani keesa na guddisu maltani. Yo waan anini isaniini jed'e d'agayu diddani, anini isani abaara. Ammalle waan isani nyaata d'ugaati ira argattani ch'ufa anini abaarsa keesa kaya. D'uguma anini qara ya abaare, waan isani dubbi tiyya womaatu indariiniifi.

³Anini ilmaani teesani gaargalche ch'uma hori isani sorio naa qaltani fuulati isani riga, duuba fulla kosi iti haraniti isani geesani.

⁴ Akanaani imbeetani, aka anini seera kana isanii kenne, ammalle aka wold'aqisi kiyyafi ka qaalole d'aloota Lawi imbanne.

⁵ Wold'aqisa kiyya keesa anini ya hormaatafi nagaya kakhad'eefi, ammalle waan kana la kenneefi, aka worri naa saalfatu. Bara suni worri naa saalfate na sodaate.

⁶Worri d'araniti, waan d'uga barsiise, nagayafi qajeelumaani na woliini tae. Worri ufi ch'alla waan d'ara illakimne ammo biyya hafte taanile hameenna iraa deebise.

⁷Aka Waaqa aka d'ugaa beekhani qaaloleeti nama barsiisu male. Biyyiti aka fed'i tiyya barattu ha gara worra yaatu; wonti akanatiifi worri ergattu AABBO Waaqa Gudda.

⁸Ammo amma isani qaaloleeni ya kara d'uga iraa gortani. Woni isani barsiiftanileeni ya nama heddu wollaalchifte. Isani ya wold'aqisa anini isani woliini tolfad'e balleesitani.

⁹Tanaafi anileeni gumi Israeli isani tufachiisa, waan isani fed'i tiyya guutu diddani, ammalle yo worra kiyya ka Israeli barsiiftani, nama ch'ufa aka taka fidu diddaniifi.

¹⁰Nu ch'ufa abbaani takani ind'alle? Waaqi takachi nu ch'ufa inuumne? Duuba nu maafi waan woli tolchina jenne guutu dinna, ammalle maafi wold'aqisa Waaqi ababooti teenna woliini tolfate tufanna?

¹¹Worri Yuda ya waan Waaqa tolchina jed'e tolchu dide, waan hamtu d'ibi Yerusalemufi lafa Israeli ch'ufa keesati tolche. Worri yayu Mana AABBO Waaqaa, ka inni jaalatu, t'ureese. D'iirti yayu dubra worra waaqoota d'ibi kad'atu fuute.

¹²AABBO Waaqi ha gumi Israeli keesaa nama waan kana tolcheefu baase, nami suni waan gochiti teenna AABBO Waaqa Guddaa baaftu deebie keesa inseeniini.

¹³Wonti d'ibiini isani tolchitani tana. Fulla sorio AABBO Waaqa iti baasani deemtani waatani imimaani bootani, wonti akanatiifi inni waan isani baaftanifi deebie imfud'atu.

¹⁴Duuba isani waan inni iti deebie waan isani baaftanifi imfud'anneefi gaafattani. Wonti inni dideefi, waan isani kakhu nad'eeni gaafa isani kaima fuutani kakhattaniifi ch'absitanifi. Nad'eeni suni teesani, ammo isani yayu kakhu worraati kakhattani ch'absitani, ato Waaqa durati, Aka dansaa isi finna jettanile.

¹⁵Waaqi isanifi worra nama taka intolchine? Inni maalifi akana isani tolche? Woni inni akana isani tolcheefi, aka isani ijoolle gumi Waaqaa ta d'uga taatu d'altani fed'a. Tanaafi isaniini tokoleeni kakhu nad'eeni teesaniti kakhattani inch'absina.

¹⁶AABBO Waaqi Israeli waan jed'u, Anini d'iirsafi niiti wollakiftu diqole imfed'u. Nama tokole ka nad'eeni dabse ufi jalaa baasu diqole indandau. Tanaafi ufi eegad'a, kakhu teesani inch'absina, nad'eeni teesani jabeesa fida.

¹⁷Isani ya AABBO Waaqa dubbi teesaniini dad'absiiftani. Ammo isani waan jettani, Nu akamiini isa dad'absiimne? Aki isani isa dad'absiiftaniini, aka isani AABBO Waaqi Guddaani nama hameenna tolchu ch'ufa dansa sehu jettani. Yokhaani, Waaqi d'ugaa beekhu me? jettani.