Read BORANA BIBLE – KITAABA WAAQA Matayo 2 Bible Online

Matayo 2 - BORANA BIBLE – KITAABA WAAQA bible

Matayo 2

¹ Gaafa Herodeni hayyu Yahudi, Yesoni dira Bethlehemu ka lafa Yahudi keesati d'alate. Hojuma suni ato inturinu jari waan urji beekhu toko gara ilaboruti Yerusalemu d'ufe, waan jed'e, Daimi hayyu Yahudi tahu ka d'alate me? Urji, isaa ilaboruti agarre isa guddisu d'umne.

³Waan kana d'ageennaani, Herodefi nami Yerusalemu ch'ufti rifate.

⁴Inni qaalole gugurdofi jara Seera beekhu wolti yaame fulla Kristoni sila iti d'alatu gaafate.

⁵Worri waan jed'eeni, Dira Bethlehemu ka lafa Yuda keesa jiru. Wonti akanatiifi raagi t'aafe waan jed'e,

⁶Ee Bethlehemu, ta lafa Yuda keesa, atini maand'aniti hayyoota Yuda keesa; si keesaa nama gosa tiyya Israeli fiduti baha.

⁷Jennaani Herodeni jara ilaboruti d'ufe kaani d'ossaani wolti yaame, hojja urjiini mullate iraa hubate.

⁸Gara Bethlehemu worra erge waan jed'eeni, Beena, gurba aka dansaa barbaada, yo agartani qonqo nati erga, aka anileeni d'aqe isa guddisu.

⁹Hayyuuni woldubbatani jennaani kaani kara qabatani, urjiini worri ilaboruti arge taani worra dura deemte, fulla gurbaani jiru gubbati ejatte.

¹⁰Urji arginaani guddo gammadani qilit'amani!

¹¹Mana seenani gurbafi Mariamu haad'a isaa argani, isa durati jigani isa guddisani. Subba ufi banani worqifi hit'anafi qayya kennanifi.

¹²Oobju keesa Waaqi, Herodeti indachaiina worraani jennaani kaani, kara d'ibiini lafa ufiti galani.

¹³Eegi worri yae, malaikaani Aabbo oobjuuni Yusufuti d'ufte waan jetteeni, Kai, gurbafi haad'a fuud'i, lafa Misiri d'aqi, haga anini siti himuti achuma tai. Herodeni gurba barbaade ijeesu fed'a jette.

¹⁴Jennaani Yusufuni kae gurbafi haad'a isaa halkaniini fuud'e lafa Misiriti baqate, haga Herodeni dueti achi tae.

¹⁵ Wonti kunini aka dubbini Aabbooni afaani raagatiini duri fage, ta anini lafa Misiri keesa yayu ilma kiyya yaame jettu guutamtufi taate.

¹⁶Herodeni aka jari ilaboru d'ufe kaani isa sobe arginaani guddo dalane, nama erge ijoolle d'iira ta Bethlehemu keesa jirtuufi ta reera suni keesaa, ta ganna lama asi fit'a jed'e, aka ganna jara mirga d'ufe iraa hubate gula.

¹⁷Duuba akanaani wonti raagi Yeremiani jed'e guutamte:

¹⁸ Qonqo Rama keesati d'agayani, ta laalafi boa guddo. Rahelini ilmaani ufiiti boote, iraa hafu dad'abde, waan isiini ch'ufa raawatteefi.

¹⁹Eegi Herodeni due, malaikaani Aabbo lafa Misiri keesati oobjuuni Yusufuti mullatte

²⁰waan jetteeni, Kai, gurbafi haad'a fuud'i, lafa Israeliti gali; worri gurba ijeesu fed'e namu ya due.

²¹Jennaani Yusufuni kae gurbafi haad'a fuud'e lafa Israeliti gale.

²²Ammo Yusufuni aka Arkeloni fulla abba ufi Herode lafa Yudea fidu d'ageennaani achi d'aqu sodaate. Oobjuuni iti himnaani gara lafa Galilaya gore,

²³ deeme dira Nazareti jed'aniti qubate, aka wonti duri raagooti jette guutamtu, ta isaani nama Nazarayo jed'ani jettu.