Read BORANA BIBLE – KITAABA WAAQA Matayo 22 Bible Online

Matayo 22 - BORANA BIBLE – KITAABA WAAQA bible

Matayo 22

¹Yesoni ammalle mammaasaani biyyati dubbate waan jed'e,

²Finni gubba hayyu ilma ufi dubra fuusise,

³tissele keessuma yaamtu erge, ammo keessumaani d'ufu didde fakaata.

⁴Tanaafi hayyuuni kaani tissele d'ibi erge waan jed'eeni, Amma mirgoolefi jiboota tiyya yayu qalani, wonti ch'ufti ya kurfoofte, keessumaani jila fuud'a, Koota jed'aani.

⁵Ammo keessumaani ch'ufti jalaa didde; toko oobru ufi d'aqe, tokoleeni daldala ufi d'aqe;

⁶ta gari tissele guurte d'aante fitt'e.

⁷Hayyuuni guddo dalane, askarti ufi erge, worra nama ijeese suni ch'ufa fit'e dira worrale gube.

⁸Jennaani tissele ufi gadi yaame waan jed'eeni, Jilti tiyya kurfo jirti, ammo worri anini yaame jilaa himmalle.

⁹Kara dira gula yaa, namuma gartani yaama.

¹⁰Tisseleeni kara gula yaate nama agarte ch'ufa dansaafi hamale yaamte, nami mana fuud'aa guute.

¹¹Hayyuuni mana fuud'aa olseene keessuma ilaale; nama toko ka woya fuud'a ufira inqamne arge,

¹²waan jed'eeni, Isii, abbo, atini akami woya fuud'a male arma seente? Ammo namichi kaani waan jed'u d'abe.

¹³Duuba hayyuuni waan tisseleeni jed'e, Harkafi miila wolti hid'a, alati baasa, ha achiti bohe ilkaani qaru.

¹⁴Wonti akanatiifi nami yaamani heddu, ammo ka fohatani diqa.

¹⁵Farisayooni yaate aka Yeso afaani fuutu wolmariatte.

¹⁶Jara worraatiifi jara Herode woliini Yesoti ergani waan jed'ani, Aabbo, nu imbeenna aka atini nama d'uga, atini waan Waaqi nama ira fed'u akuma d'uga barsiifta; waan nami jed'ule iyaaltu.

¹⁷Me, herega kanke nuti himi. Aki gibira hayyu Rumiti baasani fullaa mo fullaaniti?

¹⁸Yesoni ch'ubbu worra beennaani waan jed'e, Isani kiyyibdoole! Maanifu afaani na fuud'u feetani?

¹⁹Shilingi toko na agarsiisa jed'e. Worri shilingi toko agarsiise

²⁰jennaani inni waan jed'e, Matafi maqa eennu irati t'aafani?

²¹Ka hayyu Kaisari jed'ani. Jennaani Yesoni waan jed'eeni, Yoosi hayyu waan isaa male baasa, Waaqale waan maleefi baasa.

²²Waan kana d'ageennaani mamani, biraa yaani iti d'aabatani.

²³Guyyuma suni Sadukayoni gari fulla Yeso d'ufte. (Sadukayoni worra, Duisa keesaa kaisi injiru jed'u.)

²⁴Duuba isiini waan jette, Aabbo, waan Musani barsiise, Yo nami ilmaani male due, oboleesi isaa niiti isaa fuud'e, oboleesa ufiti ilmaani d'alu male jed'e.

²⁵Duuba oboleyaani torbaati ta woliini teetu jira, angafi dubra fuud'e ilme male due, Niiti taani oboleesi lameeso d'aale,

²⁶innileeni akasuma ilma male due ka sadeesoleeni isi fuud'e akasuma due, duuba eege oboleyaani hafte taaleni ch'ufti akasuma raawate.

²⁷Eege niitiini taleeni doote.

²⁸Gaafa worra due kaasani isiini niiti eennu taati? Worri torbaanu yayu isii fuud'e.

²⁹Yesoni waan worraani jed'e, Isani guddo wollaaltani, maro isani T'aafifi jabeenna Waaqa imbeenneefi.

³⁰Worri due, yo kaasani, aka malaika Waaqa jira, d'iirafi nad'eeni wolimfuud'ani.

³¹Ammo, waan kaisa worra due, waan Waaqi isaniini jed'e insoomne? Inni waan jed'e,

³²Anini Waaqa Abrahamutiifi Waaqa Isaaqotiifi Waaqa Yakoboti. Akasi jechuuni, inni Waaqa worra jiruuti, ka worra duetiiniti.

³³Gumiini waan kana d'ageennaani guddo waan barsiisa isaa mamte.

³⁴Farisayooni aka Yesoni Sadukayo ch'allisiise d'ageennaani wolti d'ufte,

³⁵jennaani qaallichi Seera toko aka isa ilaalatu wo isa gaafate waan jed'e,

³⁶Seeri Seera ch'ufa ira jaba kami kana?

³⁷Yesoni waan jed'e, Aabbo Waaqa kanke jaalad'u, garaa kanke ch'ufaani, lubbu tante ch'ufaani, qalbi tante ch'ufaani.

³⁸Seeri ch'ufa ira jaba ka qara kana.

³⁹Ka lameesotiini wolfakaata: Nama ch'ufa aka ufi jaalatu jaalad'u.

⁴⁰Seera Musatiifi barsiisani raaga ch'ufti seera kana lamaani ch'allaani guutamti.

⁴¹Farisayooni wolwoldeennaani, Yesoni waan jed'eeni,

⁴²Waan Kristo maani hereddani? Inni ilma eennu? Inni ilma Daudi jed'aniini.

⁴³Yesoni waan jed'e, Daudini, Lubbu Waaqa gula, maafi Aabbo isaani jed'e re? Wonti akanatiifi Daudini waan jed'e,

⁴⁴Aabbooni waan Abba kiyyaani jed'e: Mirga kiyya tai, haga anini nyaapa kanke miila kanke jalati deebisuti.

⁴⁵Yo Daudini Aabbo isaani jed'e, Kristoni akami ilma Daudi taha re?

⁴⁶Nami tokoleeni deebisu dad'abe, haga guyya suniti asi, nami tokoleeni woma isa gaafachu sodaate.