Read BORANA BIBLE – KITAABA WAAQA Matayo 28 Bible Online

Matayo 28 - BORANA BIBLE – KITAABA WAAQA bible

Matayo 28

¹Eegi guyyaani Sabato dabre, guyya qara ka torbaani suni, lafti bariinaani Mariamu Magdalenefi Mariamuni taani awaala ilaalu d'aqani.

²Jennaani maro tokotu lafti chochote, malaikaani Aabbo toko gubba gadi buute, d'akha gangalchite gubba teete.

³Fuuli isii aka angaasu ifse, woyaani isii aka ch'aama adaatte.

⁴Askartiini aka taka inargiini sodaatte, aka waan doote taate.

⁵Malaikaani waan nad'eeni taaniini jette, Insodaatiina; anini imbeekha, isani Yeso maskaliti fannisani barbaaddani.

⁶Inni arma injiru, yayu kaasani, akuma inni jed'e. Koota, fulla isa ch'iifsisani ilaala.

⁷Hurrisa, deema jara isaati hima: Yayu duisa keesaa kaasani, amma ya Galilayati isani dura dabre; achiti isa argitani jed'a. D'aamsa kiyya kana inded'ina.

⁸Jennaani hurrisani kaani, awaala kaani biraa yaani, guddo sodaatani, ammo gammada qabani, utaalani jara Yesoti himani.

⁹Yesoni tassa worrati gadi bahe waan jed'eeni, Bultiini isani nagaya? Iti d'iaatani, miila isaa qabatani isa guddisani.

¹⁰Yesoni waan jed'eeni, Insodaatiina, d'aqa oboleyaani tiyyaani, Galilaya d'aqa achiti na argani jed'a jed'e.

¹¹Nad'eeni iti d'aabannaani, askartiini hagi gari ta awaala eeddu dira d'at'e, waan ch'ufa qaalole gugurdoti himte.

¹²Qaalole gugurdofi jaaroleeni woliwoldeete mariatte, hori gudda askartiti kennite

¹³waan jetteeni, Jara isati halkani, ato nu rafu jirru, d'ufe reefa isa hate jed'a.

¹⁴Yo hayyuuni waan kana d'agaye, nuti iti hima, woma tokole insodaatiina jed'ani.

¹⁵Askartiini taani hori fud'atte, waan tolcha jed'aniini tolchite. Yahudiini arrale dubbuma tana d'ageete d'ugefatti.

¹⁶Jari kud'ani toko gara gaara lafa Galilaya keesa, ka Yesoni worrati hime d'aqe.

¹⁷Isa arginaani guddisani, ato nami gari d'arefatele.

¹⁸Yesoni worrati d'iaate waan jed'eeni: Jabeenna ch'ufa, ka lafafi gubbale, ya nati kennani.

¹⁹Tanaafi fulla ch'ufa yaa, gosa ch'ufa nama kiyya tolcha: maqa Abbaatiifi ka ilmaatiifi ka Lubbu Qulqullotini aada batiso namaa kenna,

²⁰waan anini isani barsiise ch'ufa guuta worraani jed'a. Beekha, haga guyya muummele anini isani woliini jira.