Read BORANA BIBLE – KITAABA WAAQA Matayo 3 Bible Online

Matayo 3 - BORANA BIBLE – KITAABA WAAQA bible

Matayo 3

¹Bara suni Yohanani nama batisu lafa aloo ta Yudea d'ufe nama barsiise waan jed'e.

² Daba iraa deebia, Finni gubba ya, d'iaate.

³Raagi Isayani waan Yohana dubbate waan jed'e, Qonqooni nama lafa aloo keesa iyu: Kara Aabbo kurfeesaa, daandi isaa qajeelchaa jetti.

⁴ Yohanani woya rifeensa gaala uyifate, gurda goga hid'ate, awaanisafi damma nyaate.

⁵Nama Yerusalemu jiruufi ka Yudeatiifi ka arda Yordani ch'ufti gara Yohana yae.

⁶Worri daba ufi himannaani inni galaana Yordani keesati worra batise.

⁷ Farisayoofi Sadukayoni hedduuni aada batiso fed'achu d'umnaani, Yohanani waan worraani jed'e, Isani ilmaani bofaati, eentu dalansu hegeri duraa baqad'a isaniini jed'e?

⁸Mid'aani daba iraa deebianiini baasa.

⁹Abbaani keenna Abrahamu ufiini injed'ina, wonti akanatiifi Waaqi d'akhaaye tana keesa ilmaani Abrahamu yaasu dandaa.

¹⁰ D'agara yayu hidda mukha jala kayani; mukha mid'aani dansa imbaamne ch'ufa muraniti ibida keesa buusani.

¹¹Anini bisaaniini isani batisa, aka akasiini isani daba iraa deebiti garsiiftani; ammo nami faana tiyya d'ufu nara jaba; seemsa kope isaa anini qabachu himmalle. Inni Lubbu Qulqullofi ibidaani isani batisa.

¹²Hafareeni isaa harka isaa keesa jirti. Oobdi ufi inqulqulleesa, dargaye wolti qabe khod'oti naqa, ammo qola ibida haga jiru ind'aamneti naqa.

¹³Jennaani Yesoni Galilaya bahe, Yordani d'ufe, gara Yohana d'aqe aka Yohanani isa batisu.

¹⁴Ammo Yohanani isa d'owu fed'e waan jed'e, Atini na batisu malte, akami gara kiyya d'ufte, Na batisi naani jetta?

¹⁵Ammo Yesoni waan jed'eeni, Amma ha taatu, kara kanaani waan Waaqi fed'u ch'ufa guunna. Jennaani Yohanani ee jed'eeni.

¹⁶Eegi Yesoni batiso argate, hojuma suni bisaani keesaa baanaani, gubbaani banamte, Lubbu Waaqa ta bifa sabaliisa qabdu, ta isa ira teetu arge.

¹⁷ Qonqooni gubba baate waan jette, Kunini Ilma kiyya ka anini jaalad'u, inni guddo na gammachiisa.