Read BORANA BIBLE – KITAABA WAAQA Mariko 3 Bible Online

Mariko 3 - BORANA BIBLE – KITAABA WAAQA bible

Mariko 3

¹Yesoni ammalle mana Waaqa seennaani, nama toko ka harki kokotae achiti arge.

²Worra tokoti achi jira ka Yeso himachu fed'e tanaafi guyya Sabato aka inni isa fayyisu eegani.

³Yesoni nama harki kokotae kaaniini waan jed'e, Kooti, arma eji.

⁴Jennaani waan biyyaani jed'e, Guyya Sabato aki waan dansa tolchani fullaa mo fullaaniti? Lubbu baasani mo inijeesani? Ammo worri isa gula dubbachu dide ch'allise.

⁵Inni dalansuuni worra mimillate, aka garaani worra jabaate lalefannaani nama kaaniini, Harka diriirfad'u jed'e. Inni harka ufi diriirfannaani fayye.

⁶Farisayooni gadi yaate hojuma suni jara Herode woliini kora tolchite, aka Yeso ijeesani wolmariatani.

⁷Yesoni jara ufi woliini galaanati deebie. Gumiini guddooni ta Galilayatiifi ta Yudeatiifi ta

⁸Yerusalemutiifi ta Idumeatiifi ta Yordani gama sunitiifi ta dira Tirotiifi Sidonileeni wolti baate, waan inni tolche d'ageennaani isati d'ufte.

⁹Inni jara isaatiini, Hobolo toko na kurfeesa jed'e, aka gumiini guddooni isa indadarbine.

¹⁰Maro inni nama heddu fayyisefi nami d'ukuba qabu ch'ufti isa tuqu fed'e wold'id'ibe.

¹¹Yo jinniini isa argite ch'ufa, isa durati jidde iyite, Atini Ilma Waaqa jette.

¹²Ammo inni aka isiini nama isa imbeesimne jabeese iti seere.

¹³Jennaani Yesoni gaara toko kore, jara fed'u ufiti yaame worri isati d'ufe jennaani,

¹⁴Inni jara kud'ani lama fohate ergattu tolfate waan jed'eeni, Anini yayu isani fohad'e aka na woliini teetani. Ammalle isani erga aka yaatani biyya barsiiftani,

¹⁵ammalle humna jinniini nama keesa baaftanile isanii kenna.

¹⁶Nami kud'ani lama ka inni fohate kana: Simoni, ka inni maqa Petro baaseefi;

¹⁷Yakobo ilma Zebedayo, Yohana oboleesa Yakobo (ka worra lachu inni maqa Boanerge iti baase, akasi jechaani Ilmaani Mandiisu jecha),

¹⁸Andarea, Filipo, Bartholomayo, Matayo, Tomaso, Yakobo ilma Alfayo, Thadayo, Simoni nama lafa ufi jabeesu,

¹⁹Yuda Iskariote ka isa gurgurate.

²⁰Jennaani Yesoni worrati gale. Gumiini ammalle wolti baate, tanaafi Yesofi jari isaa sagalele nyaachu dad'abani.

²¹Waan kana d'ageennaani fiit'aani isaa isa fuud'u d'ufte, waan biyyiti, Inni ya maraate jetteefi.

²²Jari Seera beekhu ka gari ka Yerusalemu gadi bue waan jed'e, Beelzebuliti isa qabate, ammalle humna gudda jinnitiini jinni nama keesaa baasa jed'ani.

²³Duuba Yesoni biyya yaame, mammaasaani waan jed'eeni, Sheet'ani akami dandae Sheet'ana baasa?

²⁴Yo gochiti toko sila gargari baate, gochiti suni imbaddi.

²⁵Yo worri mana toko sila gargari bahe, worri suni imbada.

²⁶Ammalle yo Sheet'ani sila woldide, jabeenni isaa qoodame, inni dandae injabaatu; sunini muumme isaati.

²⁷Ammo nami injiru, ka mana nama jaba dandae ch'abse seene miha isa hatu, yo inni qara nama jaba suni hid'e male; yoosi mana suni dandae hata.

²⁸D'uguma, waan anini isaniini jed'u, Dabaafi araba nami jed'u ch'ufa Waaqi nama inaraarama,

²⁹ammo nami Lubbu Qulqullo arabsu araarama inargatu, haga hegeri daba qaba.

³⁰Wonti Yesoni akana jed'eefi, waan qara biyyiti, Inni jinni qaba jetteefi.

³¹Jennaani haad'afi oboleyaani Yeso d'ufani, ala ejaanjani, nama isati ergani yaamani.

³²Gumiini isa d'aatu teteetu waan jetteeni, Ilaali, haatetiifi oboleyaani tante ala ejaanjani si barbaadani.

³³Inni waan jed'eeni, Haad'a tiyyaafi oboleyaani tiyya eennu?

³⁴Biyya isa marsite ch'iiftu millate waan jed'e, Kuno, haad'afi oboleyaani tiyya tana.

³⁵Nami fed'i Waaqa guutu ch'ufti oboleesafi haad'a tiyya.