Read BORANA BIBLE – KITAABA WAAQA Luka 6 Bible Online

Luka 6 - BORANA BIBLE – KITAABA WAAQA bible

Luka 6

¹Guyya Sabato, ato Yesoni oobru keesa deemu, jari isaa mid'aani harkaani t'ururate sukumate nyaate.

²Farisayooni gari waan worraani jette, Isani maalifi waan Seeri keenna d'owu guyya Sabato tolchitani?

³Yesoni waan jed'eeni, Waan Daudifi waheli isaa gaafa beelaani tahani isani insoomne?

⁴Inni Mana Waaqa oli seene, qit'a Waaqaa baasani fud'ate nyaate wahela ufiti qoode, ka sila qaalole male nami tokoleeni nyaachu himmalini.

⁵Inni waan worraani jed'e, Ilmi Nama abba Sabatooti.

⁶Guyya Sabato d'ibi Yesoni mana Waaqa iti kad'atani keesa seene barsiise. Nama toko ka harki mirgichi rifateti achi jira.

⁷Jara Seera beekhufi Farisayooleeni isa eegani aka sila inni guyya Sabato nama fayyisu, aka akasiini waan himataniini isa ira argatani.

⁸Ammo inni herega worraa beekhe, nama harki rifate kaaniini waan jed'e, Kooti, arma ejad'u. Namichi kae achiti ejate.

⁹Yesoni waan worraani jed'e, Dubbi toko anini isani gaafad'a: Guyya Sabato waan dansa mo waan hamtu tolchani? Lubbu baasani mo inijeesani?

¹⁰Worra mimillate waan nama kaaniini jed'e, Harka kanke diriirfad'u Namicha harka diriirfate jennaani fayye.

¹¹Ammo worri kaani guddo dalane waan Yeso sila tolchani woldubbatani.

¹²Gaafasuma Yesoni gaara toko kore aka Waaqa kad'atu, halkani toko ch'ufa Waaqa kad'acha bule.

¹³Lafti bariinaani jara ufi yaame, nama kud'ani lama keesaa fohate maqa ergattu baase:

¹⁴Simoni (ka inni Petro jed'eeni), Andarea oboleesa isaa, Yakobofi Yohana, Filipofi Bartholomayo,

¹⁵Matayofi Tomaso, Yakobo ilma Alfayofi Simoni ka nama lafa ufi jabeesu jed'ani,

¹⁶Yuda ilma Yakobotifi Yuda Iskariote ka Yeso gurgure.

¹⁷Jennaani inni worra woliini gabue ballinna lafa keesa jara ufi heddu woliini eje. Ammalle gumi guddo ta Yerusalemutiifi ta lafa afaani galaana Tirotiifi Sidoniti d'ufte, aka dubbi isaa d'ageete d'ukuba fayyituti isa woliini jira.

¹⁸Nami jinniini gaargalchiteleeni imfaye.

¹⁹Ammalle waan jabeenni isa keesaa bahe worra ch'ufa fayyiseefi gumiini ch'ufti isa tuqu feete.

²⁰Yesoni jara ufi millate waan jed'e, Ayyaana keesani hiyyeeyi: Finni Waaqa keesani!

²¹Ayyaana keesani ka amma beela qabu: isani qufsani! Ayyaana keesani ka amma bootani: eegi tana inuma kofaltani.

²²Ayyaana keesani hojja nami isani jibbe gusse arabse, maqa keesani aka waan hamtu alati gatu, maro Ilma Namatiifi!

²³Guyya suni gammada, qilit'ama olch'ech'ea; wonti akanatiifi waan guddo gubbaa argattani. Ababooti worraleeni akasuma duri raagoota tolchite.

²⁴Ammo gaargala keesani dureeyi: qooda keesani ka gammada la argattani.

²⁵Gaargala keesani ka amma quuftani: eegi tana imbeeloftani. Gaargala keesani ka amma kofaltani: eegi tana laalefattani bootani.

²⁶Gaargala keesani hojja nami ch'ufti isani saadu; wonti akanatiifi ababooti worraa akasuma raagoota d'ara saade.

²⁷Ammo waan anini isani ka d'ageetaniini jed'u, Nyaapa keesani jaalad'a, nama isani jibbu waan dansa tolcha,

²⁸nama isani abaarule eebisa, ka isaniti jallatele kad'ad'a.

²⁹Nama boqo toko si d'abanaasu tale dura qabad'u; nama woya tante sira fud'atu kootile ind'owiini.

³⁰Nama woi si kad'atu ch'ufaa kenni, ammalle nama wo sira fud'atu ira imbarbaadiini.

³¹Akuma aka nami waan dansa isani tolchu feetani, akasuma namale waan dansa tolcha.

³²Yo nama isani jaalatu jaalattani eeba tami argattani? Nami hamamaleeni nama worra jaalatu jaalata.

³³Yo nama waan dansa isani tolche waan dansa tolchitani eeba tami argattani? Nami daba qabuleeni akasuma tolcha.

³⁴Ammalle yo isani nama iraa woi argachaani seetani ch'allaa woi ergiftani, eeba tami argattani? Ee, nami dabaleeni woli wo ergisa, aka waan akasi argatu.

³⁵Ammo nyaapa keesani jaalad'a, waan dansa tolchaafi; ergisaafi, ammo woma iraa ineegatiina. Duuba waan guddo argattani, ilmaani Waaqa Gubba Jiru taatani. Wonti akanatiifi inni worra galata imbeenneefi worra dabale inahafi.

³⁶Aka Abbaani keesani ka gubbaleeni namaa nahu isanileeni namaa naha.

³⁷Waan nama inqorina, Waaqileeni waan keesani inqoru; wollaala namati imuriina, Waaqileeni wollaala isaniti imuru; namaa araarama, Waaqileeni isanii araarama.

³⁸Wa namaa kenna, Waaqileeni isanii kenna: waan gamiich'ani, ka humnaani, ka iraani dambalaa, harka keesaniti naqani. Akuma isani namaa biimitani akasuma isanii biimani.

³⁹Yesoni ammalle mammaasa worrati hime waan jed'eeni, Ballaani dandae ballaani deema? Worri lachu boola keesati injigu?

⁴⁰Nami barsiisani nama isa barsiisu ira injiru. Ammo nami ch'ufti gaafa wo barate qit'e nama isa barsiise taha.

⁴¹Atini maalifi huba ila oboleesa kanke keesa jiru ilaalta, ka ufiiftu jirma ila tante keesa jiru inargine?

⁴²Yokhaani akami dandeete oboleesa kanketiini, Aadda, eegi, huba ila tante keesaa fuud'a jetta, ka ufiiftu jirma ila tante keesa jiru inargine? D'articha, qara jirma ila tante keesaa fuud'i, yoosi aka dansa huba ila oboleesa kanketi keesa jiru argite keesaa fuuta.

⁴³Mukhi dansaani mid'aani hamo imbaasu, yokhaani mukhi hamaani mid'aani dansa imbaasu.

⁴⁴Mukha ch'ufa mid'aani isaatiini beekhani; mid'aani oda waachu iraa inguurani, yokhaani mid'aani zabibu makanisa iraa inguurani.

⁴⁵Nami dansaani dansooma garaa ufi keesa jiru keesaa waan dansa baasa; nami hamaleeni hameenna garaa ufi keesa jiru keesaa waan hamtu baasa. Wonti akanatiifi waan garaa jira arabi dubbata.

⁴⁶Isani maalifi, Aabbo, Aabbo naani jettani ammo waan anini jed'u inguunne?

⁴⁷Nama nati d'ufe dubbi tiyya d'agaye tolchu ch'ufa waan inni fakaatu isani agarsiisa.

⁴⁸Inni nama mana ijaare, lafa qote, gadi fageese, d'akha gubbati yayabe fakaata. Bokai guddaani lolaase d'awaani mana suni d'omnaani chochou dide, maro aka dansa ijaaraniifi.

⁴⁹Ammo nami dubbi tiyya d'agaye inguunne nama fulla biyye laaftuti, ato yayaba inkayiini, mana ijaare fakaata; d'awaani mana suni guddo irreeni d'oofte jennaani hojuma suni jige — jigansi mana suni waan gudda.