Read BORANA BIBLE – KITAABA WAAQA Qaabacha Seera 1 Bible Online

Qaabacha Seera 1 - BORANA BIBLE – KITAABA WAAQA bible

Qaabacha Seera 1

¹Tunini dubbi Musani worra Israeli ch'ufa gaafa worri lafa aloo, ta galaana Yordanitini ilaboru jiru jed'eeni. Worri gaafasi bale Yordani keesa d'aatu sufu, ta dira Paranitifi, Tofelitifi, Labanitifi, Hazerothitifi, Dizahabu jiddu jirtu jira.

²Godaanti gaara Sinaitifi ta Kadesh-Barnea jiddu guyya kud'ani toko fud'atti, yo kara gaareeni ka lafa Edomutiini godaanani.

³Ammalle ganna afurtameeso guyya qara ka jia kud'ani tokeeso keesa, Musani eegi lafa Misiri keesa bahani waan AABBO Waaqi biyyati himi jed'eeni kaani ch'ufa worra Israeliti haasae.

⁴Tunini eegi AABBO Waaqi hayyu Sioni, ka gosa Amori, ka dira Heshbonitifi ammalle hayyu Ogu ka lafa Bashani, ka dira Ashtarothitifi Edrei dabsate.

⁵Gaafi Musani dubbi seera Waaqatifi barsiisa isaa biyyati hime gaafa biyyiti Yordanini ilaboru, lafa Moabu keesa, jirtu. Inni waan jed'e,

⁶Gaafa nu gaara Sinai jiru AABBO Waaqi keenna waan nuuni jed'e, Isani ya fulla gaara kana guddo teetani.

⁷Tanaafi amma faad'a durati godaana lafa gaareeni ta Amoritifi lafa d'aatu d'ibii: bale Yordani faa, lafa gaareeni ammalle lafa golbo, ta bitaa faa, ammalle lafa afaani baariini lafa Kanaanitiifi lafa gaara Lebanoni. Haga galaana gudda Efrati d'aqa.

⁸Lafti tunini ch'ufti lafa anini AABBO Waaqi ababoota teesani Abrahamufi Isaaqofi Yakobofi ilmaani worrale ch'ufa inkenna jed'e kakhad'e; d'aqaa iti qubad'a.

⁹Musani waan gumi Israelitini jed'e, Gaafa nu gaara Sinai jiru, Anini waan isaniini jed'e, Hujiini nama dura deemani tunini ya nati guddatte, anini dandae ufiti intolchu.

¹⁰AABBO Waaqi keesani yayu isaani daraarse, aka urji gubaa isani heddeese.

¹¹AABBO Waaqi, Waaqi ababoota teesani, hagasile ira maro kuma isani daraarse isani deebansinna, akuma inni intolcha jed'e kakhate!

¹²Ammo anini ch'allaani akami dandae huji jabdu dubbi qorani tana ufumati tolcha?

¹³Gosa ch'ufa keesa nama qaro, ka hubachafi beekha qabu filad'a, duuba anini jara suni gudda keesani tolcha.

¹⁴Isanileeni aka wonti kunini waan dansa, ka tolchuu malani ya ee jettani.

¹⁵Duuba anini worra qaro, beekhafi hubacha qabu, ka isani gosa teesani keesa filatani, mataa isani tolche worri hagi toko mataa nama kuma tahe hagiini ka nama shantama tahe, hagi tokoleeni ka nama kud'ani tahe. Ammalle anini nama gugurda d'ibi gosa keesaa fohad'e.

¹⁶Gaafasi anini iti hime waan jed'eeni, Dubbi wold'abisa ta nama keesani iraa d'uftu laala. Dubbi wold'abaa tana ch'ufa aka dansaa qoraa, ato isiini nama keesanifi keessuma isani keesa teetu iraa d'uftele.

¹⁷Nama tokole ira inch'iisina dubbi murtani keesa ato inni nama fed'e taatele, waan inni tahe gula wollaala iti mura. Nama tokole insodaatini, wonti akanatiifi wonti isani murtani Waaqa iraa d'ufti. Yo dubbini isani d'ibde natiini koota, nati mura.

¹⁸Ammalle artumati hojuma suni waan isani tolchuu maltanile isaniti hima.

¹⁹Nu waan AABBO Waaqi keenna tolcha nuuni jed'e, tolchine. Duuba gaafa gaareeni Amoriti godaane, gaara Sinaiti kaane lafa aloo ballo nama sodaachiftu keesa dabarre.

²⁰Anini waan jed'e isani amma yayu lafa gaareeni ta Amoritini baatani ta AABBO Waaqi keenna Waaqi ababoota teenna, nu kennuti jiru kuno suni, ilaala. Beena, aka inni jed'e iti qubad'a. Irinch'ich'ina yokhaani insodaatina.

²²Ammo isani nati d'uftani waan jettani, Nama ufi dura ergina ka lafa suni dooyatu, aka worri kara dansa nu gula godaanuufi dira dadansa achi jiru nuti himu.

²³Wonti kunini dansa arge jennaani nama kud'ani lama gosa ch'ufa keesaa toko toko, fohad'e.

²⁴Worri lafa gaareeniti iti d'aabate, haga bale Eshkoli ch'ufa dooyatani laalatani.

²⁵Worri mid'aani achi argateeni nuu gale waan jed'e, Lafti AABBO Waaqi nuu kennu lafa gabbo waan ch'ufa qabdu.

²⁶Ammo isani dubbi AABBO Waaqa keesani diddani, tanaafi lafa suni inseeniini.

²⁷Isani gungumtani waan jettani AABBO Waaqi nu jibba, tanaafi inni lafa Misiri keesaa nuu baase harka worra Amoriti nu kenne aka worri nu hobaasu.

²⁸Nu achi iyyaanu, insodaanna worri nu ergine waan nuni jed'e, worri lafa suni worra jajaba d'ed'eera, haga arba gagahu, ka dira worrale naabo isaa d'akhaani marsani waaqati d'aabani jaarani.

²⁹Ammo anini waan jed'e, Worra suni ind'eetina.

³⁰AABBO Waaqi keesani isani dura deeme, nyaapa isani dura had'a, akuma isani lafa Misiritiifi ta alooleti agartani kaani.

³¹Isani aka inni aka abbaani ilma baatu isani baate nagayumani armaani isaani baase ya argitani.

³²Ammo ato anini waan kana ch'ufa isaniini jed'ele isani AABBO Waaqa d'ugefachu diddani,

³³ato inni guyya ch'ufa isani dura deeme fulla isani iti qubatani isani garsiisele. Inni guyya aka baaldo dumansa isani dura deeme, halkani aka goola ibidaa isani dura deeme, kara isani garsiise.

³⁴AABBO Waaqi dubbi teesani d'agaye dallane, kakhate.

³⁵Waan jed'e, Isaniini tokoleeni, nami d'aloota ch'ubbu kana keesa jiru lafa gabbo dansa anini abbooti teesani kakhad'e inargattani.

³⁶Kalebu ilma Yefune male, isa ch'allati naa saalfate nama d'uga naa tahe, tanaafi anini isaafi ilmaani isaati lafa worri dooyate taani kennaafi.

³⁷Maro teesanifi AABBO Waaqi nati dallane, atinileeni, Musa lafa suni inseentu naani jed'e.

³⁸Ammo Yoshuani, ilmi Nuni ka amma isani dura deemu, lafa suni inseena. Isa garaa jabeesa; wonti akanatiifi isumati Israeli lafa suni d'aalchisa.

³⁹Duuba AABBO Waaqi waan nu ch'ufaani jed'e. Ilmaani didiqo waan hamtufi waan dansa gargari imbeenneti lafa suni seena, ilmaani isani Nyaapati qaqabe jettani taani. Anini lafa suni worraa kenne, worrileeni duuba ind'aala.

⁴⁰Ammo isani dachaa, lafa aloo ta qajeela galaana Diimati iti d'aabad'a.

⁴¹Jennaani isani waan naani jettani, Nu yayu AABBO Waaqa durati ch'ubbu tolchine, ammo amma iyyaana, akuma AABBO Waaqi keenna nuni jed'e. Ammalle isaani nami ch'ufti lafa gaareeni suni koritini laaftu jettani mart'ifatani miha keesani ka lola fud'attani iti d'aabattani.

⁴²Ammo Waaqi waan naani jed'e, Waan atini worraani jettu, nyaapa keesani inhad'ina, anini isani inqarqaaru, tanaafi nyaapi worraa worra dabsata.

⁴³Anini waan AABBO Waaqi jed'e isaniti hime, ammo isani inch'aqamne. Isani isa jalaa diddani, mata guddifattani, lafa gaareeniti iti d'aabatani.

⁴⁴Jennaani worri Amori, ka lafa gaaraa suni keesa tau, aka tuuta kinniisa isaniti baafate, haga lafa Horma isani reebe, ammalle lafa gaareeni taa Edomuti isani dabsate.

⁴⁵Duuba isani qarqaarsa AABBO Waaqati bootani, ammo inni isani ind'ageenne yokhaani inch'aqamne.

⁴⁶Duuba eegi nu guyya heddu Kadeshi keesa teenne.