Read BORANA BIBLE – KITAABA WAAQA Qaabacha Seera 18 Bible Online

Qaabacha Seera 18 - BORANA BIBLE – KITAABA WAAQA bible

Qaabacha Seera 18

¹Gochiti Lawi, ta qaalole, qooda lafa tokole worra Israeli keesa inargaatiini, ammo sorio gubani AABBO Waaqa baasanifi sorioni d'ibileeni ha jiraatuuti.

²Worri d'aala d'ibi oboleyaani Isaani keesa inargatiini. D'aalti worra AABBO Waaqa, akuma inni kakhate.

³Hojja loonifi ree sorio qalani, qaaloleeni balleensufi d'amnafi garaachale ha fud'aatuti.

⁴Ammalle qooda qara ka mid'aanifiti ka daad'itiifi ka dabassa hooliye ha fud'ataniti.

⁵AABBO Waaqi keesani gosa teesani ch'ufa keesa gosa Lawi fohate, aka haga jiru jireenna qaallu tahani isaa hojattani.

⁶Nami gosa Lawi ka fed'u, ha dira Israeli ka taatefu keesaa bahe, fulla AABBO Waaqi fohateeti d'ufe,

⁷achiti qaallu tahe AABBO Waaqa ufiti hojattu, akuma worra gosa Lawi ka qara achiti AABBO Waaqa hojattu kaani.

⁸Inni sagale haga qaaloleeni taani fud'attu ha fud'atuti sagale worri isaa isaa ergu male.

⁹Hojja isani lafa AABBO Waaqi keesani isanii kennuti d'uftani, aada hamtu, gochiti qara achi jirtu sunini tolfatu, barattani gula indeemina.

¹⁰Ijoolle teesani waan sorio irati baasani irati gubdani sorio imbaasina, ammalle worra keesani yuuba, nama daayyani wohimu, nama wofagu, nama murma baafatu,

¹¹falfaltu, nama ayyaana kad'atu, nama ekhera kad'atu tahu d'owa.

¹²Wonti akanatiifi AABBO Waaqi keesani nama waan hamtu akana kana tolchu ch'ufa injibba; maro waan sunitifi gosa suni ch'ufa lafa isaani keesa isani duraa gussa.

¹³AABBO Waaqa keesani dura wollaala male yaa.

¹⁴Jennaani Musani waan jed'e, Lafa isani amma tana fud'attani iti qubachu geetani tana keesa worri duri achi tau worra waan yuubatifi nama daayyani wohimu gula yau, ammo AABBO Waaqi ya waan akana kana ch'ufa ira isani seere.

¹⁵Fulla suni, inni raaga aka kiyya kana isanuma keesaa isanii, baasa; isaa ch'aqasu maltani.

¹⁶Gaafa isani fulla gaara Sinaiti wolti baatani Waaqa kad'attani, waan jettani, Nu qonqo AABBO Waaqa keenna deebine ind'agayiini, yokhaani ibida gudda akana kana deebine inargini; wonti isani akasi jettanifi, duu sodaattani.

¹⁷Duuba AABBO Waaqi waan naani jed'e, wonti worri jed'e d'uga.

¹⁸Tanaafi anini raaga aka kanketi worruma keesaa worraa baasa: anini waan inni jed'u ch'ufa iti hime, duuba inni waan anini isani jed'e biyyati hima.

¹⁹Inni maqa kiyyaani dubbata, aninileeni nama isa ch'aqasu didu dubbi iraa qaba.

²⁰Ammo hojja raagi tokoleeni waan anini himi injed'ini, Waaqati jed'e jed'e, maqa kiyyaani hime, ha duuti; ammalle raagi maqa waaqa d'ibiini wohimuleeni ha duuti.

²¹Yo isani garaa keesani keesa dubbi AABBO Waaqi injed'ini, Nu akamiini beenna jettani, aki isani beettanini kana:

²²Yo raagi maqa AABBO Waaqatini dubbate, dubbini isaa d'ugaa intahini, dubbini sunini ta AABBO Waaqatiiniti raagi sunini matuma ufiitini dubbate, tanaafi isa insodaatina.