Read BORANA BIBLE – KITAABA WAAQA Qaabacha Seera 2 Bible Online

Qaabacha Seera 2 - BORANA BIBLE – KITAABA WAAQA bible

Qaabacha Seera 2

¹Nu kaane lafa aloo keesa qajeele galaana Diimati iti d'aabanne, akuma AABBO Waaqi nuuni jed'e, haga guyya heddu nu lafa gaareeni ta Edomu keesa godaanne.

²Jennaani AABBO Waaqi waan jed'e,

³Isani ya lafa gaareeni tana keesati turtani, tanaafi amma mirga godaanu maltani.

⁴Duuba gaafasi dubbi tana worrati himi naani jed'e: Isani amma ya lafa gaareeni Edomu ta fago ta fiit'aani teesani ilmaani Esau keesa teetuti godaanu geetani.

⁵Worri isani sodaata, ammo isani worrani woli had'u himmalle, wonti akanatiifi anini lafa worra fulla tokole isani inkennu. Anini lafa Edomu yayu d'aloota Esauti kenne.

⁶Sagale nyaatanifi bisaani d'uddanile iraa bitad'a.

⁷Qaabad'a aka AABBO Waaqi keesani waan isani tolchitani ch'ufa keesa isani eebise. Inni yayu godaana isani lafa aloo ballo tana keesa godaantanile isani qorqorate. Inni ya ganna afurtama kana isani woliini tae, isanileeni ya waan feetani ch'ufa argatani.

⁸Jennaani nu oboleyaani teenna ilmaani Esau, ta lafa Seiru teetu, biraa godaanne kara Araba ka Elathifi Esion-Geberi bahu gula qajeele, duuba eege lafa aloo ta Moabuti gorre.

⁹Ammalle AABBO Waaqi waan naani jed'e, worra Moabu ka d'aloota Lutu ingaargalchina yokhaani woli inhad'ina, wonti akanatiifi anini dira Ari yayu d'aala worraati kenne lafa worraa fulla tokole isanii inkennu.

¹⁰Worri Emi suni ka duri achi tau worra jajaba, gugurda d'ed'eera aka worra gosa Anaki.

¹¹Akuma worra Anaki suni worraleeni Refemu jed'ani; ammo worri Moabu worrani Emi jed'e.

¹²Worri Hori duri lafa Edomu keesa taa ammo eege d'alooti Esau worra achi achi keesaa gusse balleese, ufi achi qubate, akuma worri Israeli nyaapa worra lafa AABBO Waaqi kenneefi keesaa gusse.

¹³Duuba akuma AABBO Waaqi nuuni jed'e, nu kaane galaana Zeredi taakine.

¹⁴Gaafi kunini ganna sodomi saddeeteesoti, haga nu Kadesh-Barnea baane, akuma AABBO Waaqi jed'e kaani, nami duula d'aqu dandau ka d'aloota suni ch'ufti hobae.

¹⁵AABBO Waaqi nyaapa worraati tahe worra ch'ufa hobaase

¹⁶Eegi worri ch'ufti due

¹⁷AABBO Waaqi waan nuuni jed'e,

¹⁸Isani arra kara dira Aritiini lafa Moabu keesa dabartani,

¹⁹lafa Amori ta d'aloota Lututi d'iaatani. Yo achiini baatani worra haatani yokhaani ingaargalchina, wonti akanatiifi anini lafa worra kenna suni tokole isani inkennu.

²⁰(Lafa tanale Refoimu jed'ani, maqa worra duri achi keesa tau gula; worri Amori worrani Zamzuni jed'a.

²¹Worrileeni akuma worra Anaki d'ed'eera. Worri heddu, ammalle d'aloota jajaba. Ammo AABBO Waaqi worra balleese, worri Amori lafa worra fud'ate keesa tae.

²²AABBO Waaqi worra Edomu, ka d'aloota Esaule, ka lafa gaareeni ta Edomu keesa taau, ya akasuma tolcheefi. Inni worra Hori balleese jennaani worri Edomu lafa worraa fud'ate, keesa tae, fulla worri arrale jiru.

²³Lafa afaani Baariini Gudda, worra lafa bisaani jiddu jirtu, ta Kreti jed'ani keesaa d'ufeti qubate. Worri worra Avimu, ka qara lafa suni keesa tau, balleese, lafa worraa haga bitaa dira Gazaa fud'ate.)

²⁴Eegi nu Moabu keesa dabarre, AABBO Waaqi waan nuuni jed'e Amma kaa, galaana Arnoni taaka. Anini Sioni, hayyu Amori, ka Heshboni jed'anifi lafa isale harka keesaniti kenna. Isaa had'a, lafa isaa fud'ad'a, iti qubad'a.

²⁵Arraa achi anini nama ch'ufa isani sodaachisa. Nami ch'ufti yo maqa keesani ka d'ahani d'agaye, mudame holata.

²⁶Jennaani anini ergattu lafa aloo ta Kedemothi keesa hayyu Heshboni ka Sioni jed'ani d'aamsa nagaya kanaani erge waan jed'e:

²⁷Lafa tante tana keesa, ka kara iraa ingore, qajeele dabarraa nu gad'iisi.

²⁸Nu sagale nyaanufi bisaani d'unnule sii baamna. Wonti nu feenu lafa tante ta keesa dabarru ch'alla,

²⁹haga nu galaana Yordani taakine lafa AABBO Waaqi nu kennuni baanuti. D'alooti Esau ka Edomu taufi worri Moabu ka Ari tauleeni ya lafa worraa keesa nu dabarse.

³⁰Ammo hayyuuni Sioni jed'ani aka lafa isaa keesa dabarru nu gadi ind'iimne. Wonti akanatiifi AABBO Waaqi, keesani ya garaa isa jabeese, nama woi didu isa tolche, aka akasiini isa dabsanne lafa isaa fud'anne iti qubannu.

³¹Jennaani AABBO Waaqi waan naani jed'e, Ilaali, anini yayu hayyu Sioni jed'anifi lafa isale isani durati irre d'owe, lafa isaa fud'ad'a, iti qubad'a.

³²Sihonini nama isaa ka lola ch'ufa fud'ate, d'aatu dira Yahesa nu had'u d'ufe.

³³Ammo AABBO Waaqi keenna isaa harka keenna keesa kaye, nu isaafi ilmaani isaatiifi nama isaa ch'ufa hobaamne.

³⁴Hojuma suni dira ch'ufa qamne balleesine, ammalle nama ch'ufa, d'iira, nad'eeni, ijoollele ch'ufa hobaamne, nama tokole inhambimne.

³⁵Nu looni fud'anne dira saamne bombeesine.

³⁶Dira worra ch'ufa AABBO Waaqi, keenna haga Aroeri ka afaani bale Arnoniti fuud'e, dira wod'aka, bale jirtu d'aabe, haga Gileadi ch'ufa nu dabsachiise. Diri tokoleeni ka naaboni isaa jabaatte nu ch'absu dad'amne injiru.

³⁷Ammo nu lafa Amoriti yokhaani afaani galaana Yaboki yokhaani dira lafa gaareeni yokhaani lafa d'ibi ta AABBO Waaqi ind'aqina nuni jed'e tokole iti ind'iaanne.