Read BORANA BIBLE – KITAABA WAAQA Qaabacha Seera 4 Bible Online

Qaabacha Seera 4 - BORANA BIBLE – KITAABA WAAQA bible

Qaabacha Seera 4

¹Jennaani Musani waan biyyaani jed'e, seerafi waan anini isaani barsiise ch'ufa jabeesa guuta, aka lafa AABBO Waaqi, ababoota teesaniini, isanii kennu fud'attani.

²Waan anini isani barsiise waan d'ibi iti indarina, ammalle womale keesaa imbaasina. Seera AABBO Waaqaa keesani, ka anini isaanii kenne, jabeesa guuta.

³Isani waan AABBO Waaqi gaara Baal-Peoriti tolche yayu gartani. Inni nama artiti Baal-Peori kad'ate ch'ufa imballeese,

⁴ammo isaani ka AABBO Waaqa keesani d'ugeefattani gula yaatani arrale inuma jirtani.

⁵Anini akuma AABBO Waaqi kiyya naani jed'e ya seera ch'ufa isani barsiise. Lafa amma isani diquma fud'attani iti inqubatini suni keesaleti, seera kana jabeesa guuta.

⁶Garaa tokooni jabeesa guuta, gula deema, aka akanaani gochiti d'ibileeni aka isani qaroo beetu. Hojja seera kana ch'ufa d'ageetani, gochiti tunini, akami qaroomafi hubacha akana tana qabdi? jette wolgaafati.

⁷Gochiti tokoleeni ta, ato haga feetu jabdu taatele, waaqa aka AABBO Waaqa keenna jiru, ka hojja isiini gaargala qabdu worrati gadi d'iaate qarqaaru qabdu injirtu. Inni hojja nu qarqaarsa isa kad'annu ch'ufa, nu d'agaya.

⁸Gochiti tokoleeni ta ato aka feetu jabaatele, seera d'uga aka anini arra isani barsiise kana qabdu injirtu.

⁹Kurfefad'a, eega! Aka dansaa mid'aafad'a, aka waan ilaani gartani kana haga jirtani indeene. Ilmaani teesaniifi ilmaani ilmaani teesanile,

¹⁰waan guyya isani AABBO Waaqa keesani gaara Sinaiti dura ejitani iti hima. Inni gaafasi waan naani jed'e, Biyya wolti baasi, anini worra waan anini jed'uuni d'agayu fed'a, aka worri waan anini jed'uuni kana barate, jabeese, ilmaani worrale aka isiini na sodaatu barsiisu.

¹¹Ilmaani teesani iti hima, aka isani duri d'at'ani hunda gaara aarii dumansa d'osse bobai ibida waaqati eje jala ejaanjitani.

¹²Ammalle aka AABBO Waaqi ibida keesa isaaniini dubbate, ammo ka isani, dubbi isaa male waan isa fakaata tokole inarginile ch'ufa iti hima.

¹³Inni aka isani wold'aqisa inni isani woliini tolfate kaani jabeesitani ya isaniti hime — isani Seera kud'annaani inni d'akha lamaani hahafalicha kaani irati t'aafe jabeesitani guutuu maltani.

¹⁴AABBO Waaqati seera ch'ufa ka isani lafa isani amma fud'atani iti qubachu geetani tana keesati guutu maltani worra barsiisi naani jed'e.

¹⁵Gaafa AABBO Waaqi ibida keesa gaara Sinai irati isaniini dubbate, isani waan isa fakaata tokole ingarre. Tanaafi ira jirti teesaniifi aka dansaa mid'aafad'aa hubad'a,

¹⁶aka isani waan boch'ani kad'attani d'iira yokhaani nad'eeni

¹⁷yokhaani bineensafi, simpirre,

¹⁸waan garaani lafa ira loatifi qurt'umi, mid'aafatani ch'ubbu intolchine.

¹⁹Ufi eegad'a aka ilaalacha keesa seentani waan gubbati gartani adu jia, yokhaani Urjiifa guddiftani kad'atani inhojanneefi. AABBO Waaqi keesani yayu waan kana biyya taani d'ibii kenne, aka worri kad'atu.

²⁰Ammo isani worra inni lafa Misiri ta aka boola ibida keesaa baase, haga arrale nama ufi isani tolfate.

²¹Maro teesanifi AABBO Waaqi keesani naati dallane kakhate atini galaana Yordani taakite lafa anini worra Israeliti kennu inseentu naani jed'e,

²²Anini galaana gama intaaku, lafuma tana keesati dua, ammo isaani taakitani lafa gabbo suniti ya qubachu geettani.

²³Jabaad'a, aka wold'aqisa AABBO Waaqaani woliini tolfatani kaani indeene. Jecha isaa jabeesa, aka waan boch'ani kad'atani tokole ufii imid'aafanne.

²⁴Wonti akanatiifi AABBO Waaqi keesani aka bobaa ibida jira; inni nama isaani morku inoobsu.

²⁵Ato lafa suni keesati turtani ilmaanifi akhakhotale d'altani waan boch'ani kad'atani mid'aafattani inch'ubbamiina. wonti akanatiifi fuula AABBO Waaqa durati wonti kunini waan hamtu, ammalle isa dallansiifti.

²⁶Lafafi gubbaleeni arra d'uga tiyya aka, hojja isani na d'ugefachu diddani, lafa ira hobaatani. Lafa Yordanini gama, ta isani diquma iti inqubatini taanile guddo keesa inteetani keesa isani balleesani.

²⁷AABBO Waaqi gosa ch'ufa keesa gargari isani firfirse, aka fiigi keesani nama tatake tahu.

²⁸Achiti isani waaqoota heddu harki namaa mid'aase, waaqa mukhatifi ka d'akha, ka wo arge yokhaani ind'ageenne ka wo nyaate yokhaani insuumne kad'attani hojattani.

²⁹Achiti isani AABBO Waaqa keesani barbaaddani duuba yo isani garaa tokooni barbaaddani, inuma gartani.

³⁰Yo wonti hedduuni isaniti buute, gaargali isani qabate, isani eege AABBO Waaqa keesaniti deebitani d'ugeefatani.

³¹Inni Waaqa naasuti, isani lakise imballeesu, ammalle wold'aqisa inni abbooti teesani woliini tolfate kaani inded'u.

³²Waan dabre, ka gaafa isani ind'alatini, ka haga gaafa Waaqi nama lafati uume asi, lafa ch'ufa ke yaa, barbaada, laala. Wonti guddooni akana taka yayu taate? Nami tokoleeni taka waan akana kana yayu d'agaye?

³³Nami tokoleeni, ka Waaqa ibida keesa dubbate, aka isani d'ageetani kana d'agaye lubbu bulle injira?

³⁴Waaqi tokoleeni, ka taka deeme nama lafa d'ibi keesaa fuud'e nama ufii tolfate, aka AABBO Waaqi keesani isani lafa Misiri keesaa fuud'e injira? Ila teesani durati inni irre isaatiifi jabeenna isaatini gaargala lolaatiini d'ufe, waan taka nami arge ind'agayinifi waan mama tolche, waan nama sodaachisa heddu tolche.

³⁵Wonti AABBO Waaqi waan kana ch'ufa isani garsiisefi, aka, isa male, waaqi d'ibiini injirre, isani garsiisa.

³⁶Inni qonqo isaa gubbaa isani d'ageesise, aka akasiini woi isaniti himu, lafa tana iraleti ibida isaa qulqullo isani garsiise ammalle ibida suni keesaa isaniini dubbate.

³⁷Waan ababoota teesani jaalateefi inni isani fohate jabeenna isa guddaani lafa Misiri keesaa isani baase.

³⁸Ato isani ga d'uftanu inni gosa jabdu irre qabdu taani jabeenna isaatini lafa tana keesaa isani duraa gusse, lafa isaani arrale teetani tana.

³⁹Tanaafi arra inded'ina qaabad'a AABBO Waaqi Waaqa gubbatiifi lafale, isa male kad'ibini injiru.

⁴⁰Aadaafi seera isaa, ka anini arra isanii kenne kana ch'ufa d'ugeefad'a, duuba isanifi ilmaani teesanileeni nagayaani teetani. Ammalle isani lafa AABBO Waaqi keesani isani kennu tana haga jiru jireenna keesa teetani.

⁴¹Jennaani Musani dira sadi ka Yordanini ilaboru kobaa baase,

⁴²aka nami nama nyaapa isaa intahini danu ijeese iti baqate nagayaani achi tau. Nami sunini dandae dira kana tokoti baaqata, aka inijeemne.

⁴³Gosa Reubeni, dira Bizeri ka gooro lafa aloo gubba jiru, kennaniifi; gosa Gadi, dira Ramothi, ka lafa Gileadi keesa jiru, kennaniifi gosa Manasele, dira Golani, ka lafa Bashani keesa jiru, kennaniifi.

⁴⁴Musani Seera Waaqatifi barsiisa isaa gumi Israeliti kenne.

⁴⁵Gaafi inni seera kana kenneefi sunileeni eegi worri lafa Misiri keesaa bahe, bale galaana Yordanitini ilaboru jirtu, ta dira Beth-Peoritini gama jiru. Fullaani suni lafa hayyu Sioni, jed'ani ka gosa Amori ka dira Heshboni ke jirti. Hayyuuni suni ka duri Musafi gumiini Israeli, gaafa lafa Misiriti d'ufte dabsate.

⁴⁶

⁴⁷Worri lafa isatifi lafa Ogu, hayyu Bashani, ka gosa Amori ta Yordanini ilaboru jirtu fud'ate.

⁴⁸Lafti tunini haga dira Aroeri, ka afaani galaana Arnoni iraa baate, mirga, gaara Sirioni ka maqaani d'ibiini Amoriti ejite.

⁴⁹Ammalle lafti galaana Yordanitini ilaboru haga bitaa galaana sooda, ammalle ilaboru gula, haga hunda gaara Pisga ch'ufti, lafa sunini takaa.