Read BORANA BIBLE – KITAABA WAAQA Huji Ergattu 1 Bible Online

Huji Ergattu 1 - BORANA BIBLE – KITAABA WAAQA bible

Huji Ergattu 1

¹Ee Theofilo kitaaba qara keesati anini waan Yesoni tolcheefi, waan inni barsiise ya sii t'aafe, haga inni huji ufi iti keyate asi,

²haga inni gubbati oldeebie. Ato gubbati oliindeebiini, inni jabeenna Lubbu Qulqullotiini jara qara fohate ergattu tolfateti d'aame.

³Inni eegi due guyya afurtama maro heddu ergattu ufiiti mullate aka aka jiru worra ufi agarsiisu, aka nami dandae ind'aarefanne, worri isa arge inni waan Finna Waaqa worrati hasae.

⁴Worri woli woldeennaani, inni seera ufi worrati kenne waan jed'eeni, Yerusalemu keesaa imbahiina, ammo qarqaarsa Aabbooni isanii kennu, ka anini qara isaniti hime eegad'a.

⁵Yohanani bisaaniini isani batise, ammo eegi bulti diqo toko isani Lubbu Qulqullooni batifamtani.

⁶Ergattuuni wolwoldeete waan Yesoni jette Aabbo, atini ammatana guddinna lafa tana Israeliti deebifta?

⁷Yesoni waan worraani jed'e, Guyyafi ganni ka Aabbooni fohate harka isaa ke jira, waan isani beekhu himmalini.

⁸Ammo eegi Lubbuuni Qulqullooni isani ira buute jabeenna argattani, Yerusalemufi Yudeafi Samaria keesafi haga muumme lafale ch'ufa na d'ugeesitani.

⁹Eegi inni dubbi tana dubbate, ato worri ilaalu, inni gubbati oldeebie, dumansi isaani dura isa d'osse.

¹⁰Ato worri ammalle tae gubba ilaalu, jari lamaani toko, ka woya adaadi qabu, worra bira ejaanje.

¹¹Jari kaani waan jed'e, D'iiro, worra Galilaya, isani maafi ejaanjitani gubba ilaaltani? Yesoni kuni, ka isani bira gubbati oldeebie, akanuma eegi tana deebia, aka isani isa gubba deemu argitani kana.

¹²Jennaani ergattuuni gaara ejersa, ka d'aatu dira Yerusalemu, biraa yaate kaate dirati dachaate.

¹³Achini baanaani, Petrofi Yakobofi Yohanafi Andareafi Filipofi Tomasofi Bartholomayofi Matayofi Yakobo ilma Alfayofi Simoni Zelotefi Yudani ilmi Yakobo d'aqani mana qara kee taani kaaniti dachaani.

¹⁴Worri kunini ch'ufti nad'eenifi Mariamu haad'a Yesotiifi oboleyaani isaa woliini garaa tokooni Waaqa kad'ate.

¹⁵Eegi bulti diqo, Petroni jiddu oboleyaani keesa olejate (ka worri ch'ufti wolti nama d'ibba tokofi diddama) waan jed'eeni,

¹⁶Oboleyaani tiyya t'aafiini tuni ta Lubbuuni Qulqullooni, afaani Dauditini waan Yuda ka worra Yeso qabe Yesotiini d'ufe fadde guutamu malte.

¹⁷Wonti akanatiifi Yudani qara namuma keenna ka nu huji taka woliini hojanne.

¹⁸(Yudani hori inni dabaani argate kaaniini eegi oobru bitate, lafati jige, garaani tarsae, marumaani ch'ufti keesaa buani.

¹⁹Nami Yerusalemu jiru ch'ufti waan kana d'agaye, afaani worratiini oobru suni maqa Akeldama iti baasani, akasi jechaani oobru d'iiga jecha.)

²⁰Wonti akanatiifi kitaaba Faaru keesati t'aafani waan jettu, Mani isaa ha ona tahu, nami tokoleeni iti ingaliini. Ammalle nami d'ibiini ha huji isaa fud'atu jed'ani.

²¹Tanaafi nami toko goli teenna tahu male, aka inni kaisa Aabbo Yeso nu woliini d'ugeesu, nami suni nama bara nu Aabbo woliini teenne nu woliini jiru tahu male, haga Yohana nama batisutifi haga Yesoni nu bira gubbati olgale.

²³Duuba worri nama lama maqa d'ae; toko Yusufu, ka Barsaba jed'ani, ka maqaani lameeso Yusto; ka lameeso Mathiya.

²⁴Jennaani Waaqa kad'atani waan jed'ani, Aabbo, atini garaa nama ch'ufa imbeeta. Nama atini fohatte, jara lamaani kana keesa nu garsiisi,

²⁵aka inni huji tana keesa qooda argate ergattu tahu ta Yudani lakise fulla isaa malte biraa deeme.

²⁶Jennaani hit'a buusani, hit'aani Mathiya ira bue, inni ergattu kud'ani tokoti darame.