Read BORANA BIBLE – KITAABA WAAQA Huji Ergattu 19 Bible Online

Huji Ergattu 19 - BORANA BIBLE – KITAABA WAAQA bible

Huji Ergattu 19

¹Ato Apoloni Korintho ke jiru, Pauloni arda suni ch'ufa keesa deeme Efesoni bahe. Jara Yeso ka gari arginaani

²inni waan worraani jed'e, Isani gaafa d'ugefattani Lubbu Qulqullo argattani? Worri waan jed'eeni, Hiyyo, aka Lubbuuni Qulqullooni jirtule imbeennu.

³Inni duuba waan worraani jed'e, Batiso tamiini batifamtani re? Batiso Yohanatiini batifamne jed'aniini.

⁴ Jennaani Pauloni waan jed'e, Yohanani d'uguma batiso daba iraa deebianiini barsiise waan jed'e, Ka na gula d'ufu d'ugefachu maltani, nami suni Yeso.

⁵Worri waan kana d'ageennaani maqa Aabbo Yesotiini batifame.

⁶Pauloni harka worra ira keyanaani, Lubbuuni Qulqullooni worra ira buute afaani d'ibi dubbatani dubbi Waaqa hasani.

⁷Worri d'iira haga kud'ani lamati.

⁸Pauloni mana Waaqa iti kad'atani seene, haga jia sadi soda male dubbate, nama hedduuni wolmormani waan finna Waaqa nama barsiise.

⁹Ammo nami gari mata jabaate d'ugefachu dide, gumi durati hameenna kara Aabbo dubbate. Tanaafi Pauloni worra biraa deeme, jara Yeso guure guyya ch'ufa mana Tirano keesati barsiise.

¹⁰Inni haga ganna lama ch'ufa akasi tolche, tanaafi nami Asia keesa jiru ch'ufti, ka Yahuditiifi Grikileeni, dubbi Aabbo d'agaye.

¹¹Waaqi akheekha gugurda harka Paulotiini tolche.

¹²Yo bututufi woya isaa nama fayya inqamneti geesanile, hojuma suni fayyani jinniini keesaa baati.

¹³Yahudiini gari, ta lafa ch'ufa keesa yayaate jinni nama keesaa baafte, maqa Yeso Kristotiini jinni nama keesa yaasu iti gamte waan jette, Anini maqa Yeso, ka Pauloni barsiisuuni si abaara jed'ani.

¹⁴Ilmaani torbati jira, ta Qaallicha Yahudi Gudda, ka Skewa jed'ani, ta waan kana tolchite.

¹⁵Jinniini waan worraani jette, Anini Yeso imbeekha, Paulole imbeekha, ammo isani eennu kana?

¹⁶Namichi jinni qabu kaani worrati kae dabsate, mata d'od'oose woya ira tatarsaase, mana keesaa gusse.

¹⁷Yahudifi Grikiini Efeso keesa jirtu ch'ufti waan kana d'ageennaani guddo sodaatte, maqaani Aabbo Yesoleeni guddifame.

¹⁸Nami hedduuni ka qara d'ugefate d'ufe daba ufi himate, huji ufi diideese hime.

¹⁹Falfaltuuni hedduuni kitaaba ufi wolti guurte, nama ch'ufa durati ibidaani gubde. Gati waan gubani kaani ch'ufa heregani jennaani aka isiini qarsi kunki shantama taate argani.

²⁰Akanaani dubbini Aabbo jabaatte guddatte fulla ch'ufaa geete.

²¹Eegi waan kana Pauloni aka Makedoniafi Akaya keesa dabre Yerusalemu d'aqu kutate waan jed'e, Yo achi gahe, Rumile d'aqu male jed'e.

²²Tanaafi inni jara lama, Timotheofi Erasto, ka waan isaa qorqoratu, Makedoniati erge, ammo ufi Asia keesa diqo toko tae.

²³Eegi waan kana gaargali guddaani, maro Kara Aabbootiifi, lafati bue.

²⁴Ogeesi toko, ka Demetrio jed'ani, fakeenna mana Artemi iti kad'atani saldaqa tume, duuba hujiini tuni daldala guddo ogeeyi ch'ufaa d'ufteeni.

²⁵Inni ogeeyifi nama huji gosa suni tolchu ch'ufa wolti yaame waan jed'eeni, D'iiro, isani imbeetani, aka nu daldala kana keesa hori argannu.

²⁶Ammalle isani ya argitani d'ageettani, aka fulla Efeso ch'allaaniti, ammo fulla ch'ufa Asia keesa, Pauloni nama heddu sosobe qalbi worra garagalche, Wonti harkaani mid'aasani Waaqaaniti jed'u.

²⁷Wonti nu sodaannu aka huji teenna ch'alla tuffataniniti, ammo aka mana Artemi ta waaqa jed'anile tuffatani, aka guddinni isi badu, ta Asiafi lafti ch'ufti guddiftu!

²⁸Dubbi tana d'ageennaani worri guddo ch'aare, waan jed'e, Artemini ta dira Efeso ha guddatu!

²⁹Diri ch'ufti gohannaani guutame. Gayofi Aristarko, jara Makedonia, ka Paulo woliini imaltu yaani qabani, diida korati geesani.

³⁰Pauloni biyyati gadi bahu fed'e, ammo jari Yeso d'ugefate kaani isa d'owe.

³¹Jari Asia gugurdaani toko, ka jaalaani isaa, nama iti erge, aka inni diida korati gadimbaane.

³²Nami gari akana iya, ka gari aka d'ibi iya, waan gumiini waan taatu wolaalteefi; ammalle nami hedduuni waan nami woltiwoldaeefi imbeekhu.

³³Nami gari, Iskandati wo yake jed'e, waan Yahudiini biyya dura isa d'aabdeefi. Jennaani Iskandani harkaani biyya ch'allisiisu fed'e, aka sila worrati dubbatu.

³⁴Ammo aka inni Yahudi arginaani, nami ch'ufti qonqo tokooni haga saati lama iye, waan jed'e, Artemini ka dira Efeso ha guddatu!

³⁵Eege guddaani dira biyya ch'allisiise, inni waan jed'eeni, D'iiro, biyya Efeso, nami ch'ufti aka diri Efeso mana Artemi guddafi d'akha qulqullo ka gubba gadi bue qorqoratu imbeekha.

³⁶Aka nami waan kana dandae imormanne imbeetani, tanaafi ch'allisa, woma iyakina!

³⁷Isani jara kana armati d'uftaniini, ka waan mana Waaqaa inhatiini, yokhaani waaqa keenna inarabsiini.

³⁸Yo Demetriofi tumtuni isa woliini jirtu dubbi nama iraa qabaate kori injira nami dubbi qoruleeni injira, ha waan fed'ani himatani.

³⁹Ammo yo isani dubbi d'ibi gaafachu feetani, akuma aada kora jaarole keesati dubbad'a.

⁴⁰Wonti akanatiifi waan gohanna arra tana, yo nu gaafatani, nuu waan hamtu; wonti gumiini tunini wolwoldeeteefi, ta nu himannu, injirtu.

⁴¹Dubbi tanaani inni biyya galche.