Read BORANA BIBLE – KITAABA WAAQA Huji Ergattu 2 Bible Online

Huji Ergattu 2 - BORANA BIBLE – KITAABA WAAQA bible

Huji Ergattu 2

¹Guyyaani Pentekoste geennaani, worri ch'ufti garaa tokooni fulla tokoti wolwoldae.

²Maro tokotu wonti aka bubbe bubbiftu toko gubba gadi buute mana worri keesa tatau kaani guutte.

³Wonti araba ibida fakaatta toko worrati mullatte worra ch'ufa ira teete.

⁴Worri ch'ufti Lubbu Qulqullooni guutamnaani, afaani d'ibi dubbachu iti keyatani, aka Lubbuuni worra dubbachifte gula.

⁵Yerusalemu keesa Yahuditi jira, worra aada guutu, ka lafa ch'ufaa d'ufe.

⁶Qonqo tana d'ageennaani biyyiti guddo mamte wolti baate, nami ch'ufti ergattu afaani worraa dubbattu d'agaye.

⁷Nami ch'ufti guddo maadefate waan jed'ani, Me ilaala, worri dubbatu kunini ch'ufti worra Galilayatiyu?

⁸Nu ch'ufti akami worra kana ka afaani keenna ka nu iti d'alanne dubbatu d'ageenna re?

⁹Nu worra Parthi, worra Medi, worra Elami; ammalle ka lafa Mesopotamia, ka Yudea, ka Kapadokia; worra Ponto, ka Asia,

¹⁰ka Frigia, ka Pamfilia, ka lafa Misiri, ka lafa Libia ta Kirene d'iaattu. Nu nami gari worra Rumiti,

¹¹Yahudifi gosa d'ibile ta aada Yahudi iti gale; ammalle nama lafa Kretefi lafa Arafti — ammo nuuni ch'ufti worra huji Waaqa ta mama afaani keennaani dubbatu d'ageenna!

¹²Worri ch'ufti guddo mame, mid'aafachu dad'abani waan woliini jed'ani, Wonti kunini maani?

¹³Nami gari goyeese waan jed'e, Jari kunini farso haraa d'uge machae.

¹⁴Ammo Petroni jara kud'ani toko kaani woliini olejate qonqo olfud'ate waan gumiini jed'e, Worra Yudeatiifi ka Yerusalemu ke tau, dubbi tiyya ch'aqasa.

¹⁵Jari kuni imachoomne, dubbini akasiiniti; wonti akanatiifi ammiti saa sadi ka diiramaati.

¹⁶Ammo tunini waan raagi Yoelini dubbate,

¹⁷ Waaqi waan jed'u, Guyya muumme anini akana tolcha: Anini Lubbu tiyya nama ch'ufa ira buusa; ilmaani teesani ta d'iiratifi ta uwaleeni imfaddi, kaimi keesani daayya arga, jaaroleeni teesanileeni oobju oobjatti.

¹⁸Anini tissele tiyya ta d'iiratifi ta uwale Lubbu tiyya ira buusa, duuba imfagani.

¹⁹Anini waan mama gubbati agarsiise, lafa keesaleti akheekha agarsiisa: D'iigafi ibidafi aarati lafati bua.

²⁰Aduuni indukanoofti, jiileeni aka d'iiga diimata, ato guyyaani guddaani jabaani Aabbo ingahiini.

²¹Yoosi nami maqa Aabbo yaamatu ch'ufti imbaafama.

²²Dubbi tana d'agaya, worra Israeli! Yeso Nazareti, nama Waaqi fohate, waan mamatiifi huji jabdufi akheekha Waaqi isa keesa tolcheeni isani agarsiise, aka isani beetani, waan wonti kunini jiddu teesani keesa taateefi.

²³Waaqi, fed'ifi beekhuma ufi gula, ya aka Yeso harka keesaniti kennani buufate; isani isa fanniftani, harka nama dabaatiini ijeeftani.

²⁴Ammo Waaqi isa kaase, gaargala duisa keesaa isa baase, waan dooti dandeete isa indabsanneefi.

²⁵Wonti akanatiifi Daudini waan isaa dubbate waan jed'e, Anini guyya ch'ufa Aabbo fuula kiyya durati arga, inni harka kiyya ka mirga jira, aka anini inchochoone.

²⁶Tanaafi garaani kiyya maache, arabi kiyyaleeni guddo gammada; nafi kiyya abdiini taa.

²⁷Woni akanatiifi atini lubbu tiyya fulla ekherati illakiftu, yokhaani aka hojattuuni tante shamu atini ee injettu.

²⁸Atini kara jireenna ya na barsiifte, yo fulla tante jiru anini gammada qabu.

²⁹Oboleyaani tiyya, anini waan jaarsa Daudi qulqulleese isaniti dubbachu male. Inni ya due awaalani, awaali isaa haga guyya kanale arma fulla teenna jira.

³⁰Inni raaga, waan Waaqi isati kakhate imbeekha: Waaqi isati kakhate aka d'aloota isaa keesa nama toko aka isaa hayyu tolchu.

³¹Daudini, waan Waaqi kakhate arginaani waan kaisa Kristo fage waan jed'e, Fulla ekherati isa illakimne, nafi isaa inshamne.

³²Waaqi ya Yeso kana duisa keesaa kaase, nu ch'ufti d'uga waan kanaati.

³³Ya harka mirgicha Waaqati olfuud'ani, inni Lubbu Qulqullo isa ira argate, akuma Abbaani kakhate; wonti isani amma argitani d'ageettani kunini qarqaarsa inni nuu kenne.

³⁴Daudini ufi gubba ind'anne, ammo inni waan jed'e, Aabbooni waan Abba kiyyaani jed'e, Harka kiyya ka mirga tai,

³⁵haga anini nyaapa kanke barch'uma miila kanketi tolchuuti.

³⁶Nami Israeli ch'ufti ha hubatuuti, aka Waaqi Yeso kana ka isani mukhati fanniftani Aabboofi Kristo tolche!

³⁷Biyyiti waan kana d'ageennaani guddo rifatte sodaatte waan Petrofi ergattu taaniini jette, Nu maani taana, oboleyaani?

³⁸Petroni waan jed'eeni, Daba iraa deebia, isaniini ch'ufti maqa Yeso Kristotiini batifama, aka daba keesani isanii araaramani; duuba qarqaarsa Waaqa ka Lubbu Qulqullo argattani.

³⁹Kakhu Waaqa isanifi ilmaani teesani kakhatani, ammalle ta eegi tana d'alattule — worra Aabbo Waaqi keenna ufiiti yaamu ch'ufa.

⁴⁰Petroni dubbi tanaafi ta d'ibileeni worra gorse waan jed'e, Gaargala d'aloota hama kanati d'ufu duraa ufi baasa!

⁴¹Nami hedduuni dubbi isaa d'ugefate batifame, nami haga kunki sadi gumiti darame.

⁴²Guyya ch'ufa ergattu ira wo baratani, woldeenna woliini tolchani, qit'a Waaqa ch'absani, woliini nyaatani Waaqa woliini kad'atani.

⁴³Ergattuuni waan mamatiifi akheekha heddu tolchite, tanaafi nami ch'ufti sodaate.

⁴⁴Worri d'ugefate ch'ufti wold'aqe waan ch'ufa woliini tolche woliini qoodate.

⁴⁵Hori yo gurgurani nami ch'ufti akuma woli ira gaargala qabuuni gargari qoodata.

⁴⁶Guyya ch'ufa Mana Waaqa keesati wolwoldaani sagale mana woli keesati nyaatani garaa gammadatiifi d'ugaatini woliini taani,

⁴⁷Waaqa faarsani, biyyiti ch'ufti worra jaalatte. Guyya ch'ufa Aabbooni nama baafamu gumiti dare.