Read BORANA BIBLE – KITAABA WAAQA Huji Ergattu 23 Bible Online

Huji Ergattu 23 - BORANA BIBLE – KITAABA WAAQA bible

Huji Ergattu 23

¹Pauloni jaarole kora sonaani ilaale waan jed'e, Oboleyaani, anini qalbi tiyya keesati imbeekha, aka anini, wollaala male, Waaqa dura deeme haga arrale.

²Qaallichi Guddaani, ka Anania jed'ani, worra isa bira ejaanjuuni, Afaani keesa d'aa jed'e.

³ Pauloni waan isaani jed'e, Waaqumaani si d'ainna, atini aka naabo d'akhaani jaraani ta daara dibani adeesani jirta; aka sila Seera gula na qortuufi arma teete ammo Seera male afaani keesa d'aa namaani jetta?

⁴Worri Paulo bira ejaanjatu waan jed'eeni, Atini Qaallicha Waaqa Gudda arabsita!

⁵ Pauloni waan jed'eeni, Oboleyaani tiyya, anini aka inni Qaallicha Gudda imbeekhu. T'aafiini waan jettu, Worra isani fidu waan hamtu injed'inaani.

⁶Pauloni aka jari gari Sadukayo ammalle ka gari Farisayo arginaani, kora keesati qonqo olfud'ate waan jed'e, Oboleyaani, anini Farisayo, ammalle ilma Farisayooti. Wonti na qoraniifi maro anini kaisa nama due abdad'uufi.

⁷Inni akana jennaani, jiddu Farisayootiifi ta Sadukayo moramaani d'ufte gumiini gargari qoodamte.

⁸ Sadukayoni, Kaisi nama due injiru jetti; ammalle malaikafi ekheraani injirtu jetti, ammo Farisayooni, wonti kuni sadeenu injirti jetti.

⁹Guddo iyani, jari Seera beekhu ka gama Farisayo kae morme waan jed'e, Daba nama kana irati ingarre, hegeri d'uguma ekheraani yokhaani malaikaani isaani dubbatte jed'ani.

¹⁰Moromaani aka taka inargiini d'umnaani guddaani askarti waan worri Paulo qabe gargari tarsaasu sehe. Tanaafi askarti iti erge, aka isiini gadi buute harka isaani keesa irreeni isa fuute mana ufiti isa galchitu.

¹¹Halkani lameeso Aabbooni isa bira ejate waan jed'e, Garaa jabaad'u, akuma Yerusalemu keesati na d'ugeesite suni, Rumile keesati na d'ugeesu malte.

¹²Lafti bariinaani jari Yahudi toko wold'aqe, kakhu jabdu toko wolti kakhatani waan jed'ani, Haga Paulo ijeemnuti nyaane ind'unnu jed'ani.

¹³Worri kakhate sunini nama afurtama ira jira.

¹⁴Gara qaalole gugurdofi jaarole d'aqani waan jed'ani, Nu ya kakhu jabdu kakhanne, aka woma inyaanne haga Paulo ijeemnuti.

¹⁵Tanaafi isani, jaarole kora woliini, gudda askartiti hima, aka inni Paulo fuula keesa duraani d'ufu, aka waan dubbi ira mid'aafachu feetani. Ammo ato inni armaani imbaane, nu kurfo jirra, aka isa ijeemnu.

¹⁶Ammo ilmi oboleeti Paulo dubbi tana d'ageennaani mana askarti olseene Pauloti hime.

¹⁷Pauloni askarticha toko yaame waan jed'eeni, Kaima kana gara gudda askarti geesi. Inni woi iti himu fed'a jed'eeni.

¹⁸Askartichi isa fuud'e, gara gudda askarti isa geese waan jed'eeni, Pauloni, namichi hid'aansa keesa jiru kaani, na yaame, Kaima kana gara gudda kanketi geesi naani jed'e; inni dubbi jabdu ta siini jed'u qaba.

¹⁹Guddaani askarti harka qabe, fulla nami injirre isa geese. Maani nati himu feeta? jed'e gaafate.

²⁰Inni waan jed'eeni, Yahudiini ya wold'ate ammalle si kad'achu feeti, aka atini bori Paulo gara kora geesitu, aka isiini waan kora keesati dubbi isaa d'agayu feetu ufi tolchitu.

²¹Ammo dubbi worra inch'aqasiini, nama haga afurtamati isa eegu jira. Worri ch'ufti ya kakhate, aka nyaatani ind'unne haga isa ijeesaniti. Kurfo jirani aka waan suni tolchani, ammo qonqo tante eegachu jirani.

²²Guddaani askarti, Aka atini waan kana nati himte nama tokoleti inhimini, kaima kaaniini jed'e, ufi biraa deemsise.

²³Jennaani inni jara gugurda askarti lama yaame waan jed'eeni, askarti d'ibba lamatifi nama fardaa torbaatamafi nama worraani ka d'ibba lama ka Kaisaria yau kurfeesa aka worri saa sadi ka halkani yau.

²⁴Fardoole Pauloni yaabatule kurfeesaafi, nagayaani harka jaallaba Felikiti kenna.

²⁵Inni tatabe t'aafe waan jed'e,

²⁶Klaudio Lisia, gara jaallaba dansa Feliki: Nagaya qabda?

²⁷Yahudiini nama kana qabde diquma inijeesiini. Anini askarti woliini d'ufe isa baase, aka inni gosa Rumi d'ageennaani.

²⁸Waan isa himataniifi beekhu feenaani, fulla jaarole koraa isa geese.

²⁹Aka worri waan seera ufitiifi isa himatani arge, ammo waan isa ijeesu malaniifi yokhaani waan isa hid'u malaniifi tokole ingarre.

³⁰Aka Yahudiini nama kana eegu jirtu nati himnaani anini maro tokotu gara kanke isa erge. Worra isa himatule ya iti hime, aka si durati wolhimatani.

³¹Askartiini Paulo fuute Antipatri halkaniini isa geesite.

³²Boriyya askartiini miilaani yaatu worrati dachaate, ammo askartiini fardo yaabattu dabarte.

³³Kaisaria d'umnaani tatabe jaallabati kennani Paulole isa dura geesani.

³⁴Jaallabi kaani tatabe soomnaani, Namichi kunini nama lafa tami? jed'e gaafate. Aka inni nama Kilikia d'ageennaani

³⁵waan isaani jed'e, Yo jari si himatu d'ufu, dubbi tante ilaala. Jennaani mana hayyu Herode keesati isa qorqorad'a jed'e.