Read BORANA BIBLE – KITAABA WAAQA Rumi 10 Bible Online

Rumi 10 - BORANA BIBLE – KITAABA WAAQA bible

Rumi 10

¹Oboleyaani tiyya, garaani kiyya yo sila gochiti tiyya ch'ufti baafamte guddo gammada!

²Anini aka worri Waaqa guddo jaalatu d'uga intahaafi. Ammo beekha gulaaniti.

³Worri kara Waaqi d'uga namaa hereguuni imbeekhu, ya kara ufi mid'aafachu barbaadani; tanaafi kara Waaqi d'uga namaa hereguuni ya didani.

⁴Wonti akanatiifi Kristoni ya Seera muumme baase, aka nami d'ugefatu ch'ufti d'uga argatu.

⁵ Wonti Musani t'aafe ta aka nami Seera guutu d'uga argatu tana: Nami waan Seeri jed'uuni tolchu injiraata.

⁶ Ammo d'ugaani nami d'ugefate argattu waan jettu, eennuti gubba d'aqa injed'ina (aka Kristo gadi buusani).

⁷Yokhaani eennuti boola keesa seena injed'ina (aka Kristo duisa keesa kaasani).

⁸Wonti isiini jettu tana, Dubbini Waaqa d'aatu tante jirti, hid'i tante gubbafi garaa kanke keesa jirti, dubbi d'ugefacha ta nu odeesinu.

⁹Yo atini afaani kanketiini, Yesoni Aabbo jette, ammalle aka Waaqi duisa keesaa isa kaase d'ugefatte imbaafamta.

¹⁰Wonti akanatiifi yo nami garaa ufitiini d'ugefate d'uga argata, afaani ufitiini himate baafama.

¹¹T'aafiini waan jettu, Nama isa d'ugefatu tokole inch'eersani.

¹²Wonti akanatiifi jiddu Yahuditiifi gosa d'ibile wolhanqooni injirtu; Waaqi Aabbo, inni nama ch'ufa imohata, nama isa yaamatu ch'ufa ineebisa.

¹³ Akuma t'aafiini jettu, Nami Aabbo yaamatu ch'ufti imbaafama.

¹⁴Ammo yo qara ind'ugefatiini, akami isa yaamatani? Yo dubbi ind'agayiini, akamiini d'ugefatani? Yo dubbi iti inodeesiini akamiini d'agayani?

¹⁵ Dubbi akamiini odeesani yo nama odeesu inergiini? Akuma t'aafiini jettu, Miili worra odu dansa odeesu akami mid'aaga!

¹⁶ Ammo nami ch'ufti Odu Dansa imfud'anne. Isayani waan jed'e, Aabbo, eentu dubbi teenna d'ugefate?

¹⁷Tanaafi d'ugefachaani yo dubbi d'agayani d'ufti, dubbi yo waan Kristo hasaani d'agayani.

¹⁸ Ammo woni anini gaafad'u, Worri dubbi d'uguma ind'ageenne? Laki, ya d'agayani, akuma t'aafiini jettu: Qonqooni isaani lafa ch'ufa keesa deemte, dubbini isaani muumme lafa geete.

¹⁹ Ammalle woni anini gaafad'u, Gochiti Israeli imbaranne? Musani qara waan jed'u: Anini gosa gosa intahiini fuud'e isani akasiini, obsa d'owa. Gosa daalliti fuud'e isani dalansiisa.

²⁰Ammalle Isayani guddo garaa jabaate waan jed'u: Worra na barbaaduti injirreti na arge, worra na ingaafanneti mullad'e.

²¹ Ammo waan Israeli inni waan jed'u, Anini harka kiyya guyya toko ch'ufa gosa inch'aqamne ta dubbi ind'ageenne dura qabad'e.