Read BORANA BIBLE – KITAABA WAAQA Rumi 11 Bible Online

Rumi 11 - BORANA BIBLE – KITAABA WAAQA bible

Rumi 11

¹Anini isani gaafad'a duuba, Waaqi ya gumi ufi dide? Hiyyo, akasiiniti. Nafi kiyya gosa Israeliti, d'aloota Abrahamu, balbala Benjamini.

²Waaqi gumi ufi indinne, ta inni haguma qarati fohate. Waan t'aafiini jettu inuma beetani, aka Eliyaani fuula Waaqa durati Israeli himatu:

³ Aabbo, worri ya raagoota tante fit'e, fulla sorio irati sii baasani ch'ach'absani; naa ch'allati hafe, ammalle nale ijeesu fed'ani.

⁴ Waaqi maani isaani jed'e? Anini nama kunki torba ka waaqa d'ara ka Baali jed'ani inkad'atiini qaba.

⁵Hojja tanale akasuma: gumi diqo toko ta Waaqi fahateti jira, maro naasu isaatiifi.

⁶Fohachaani isaa waan naasu isaati, waan worri ufiini tolfateeniti. Yo fohachaani Waaqa waan nami tolchu barbaadde, yoosi naasuuni isaa d'uganiti.

⁷Maani re? Gochiti Israeli waan barbaadde inarganne. Gumi diqo toko ta Waaqi fohateti waan barbaadde arge; jari kaani ch'ufti yaamicha Waaqati duudaa tahe.

⁸ Akuma t'aafiini jettu, Waaqi ya qalbifi garaa worrale daalleese; guyya kanale ilaani lafa inargani, gurraleeni woma ind'agayani.

⁹ Ammalle Daudiini waan jed'u, Jila worra keesati worra qaqabani hid'inna, ha jiganiti, ha gaargalchaniti!

¹⁰Ilti worra ha dukanooftuti, aka lafa ingarre; ammalle gaargali ha dudda worra ch'absuuti.

¹¹Woni anini gaafad'u: Gaafa Yahudiini gufate isiini ya jidde badde? Hiyyo akasiiniti. Maro worri dabeefi baafami ya gosa d'ibiti d'ufe, aka akasiini Yahudiini worra qot'iftu.

¹²Yo Yahudiini daba tochinaani eeba guddooni lafati d'ufte, ammalle laafte ch'ubbu tolchinaani durooma guddaani gosa d'ibii d'ufte, deebiini worri Waaqati deebiu eeba hagami guddoti!

¹³Anini amma isani gosa d'ibiti dubbachu jira: haga anini hojattu gosa d'ibi tahu anini huji tiyya inowisa.

¹⁴Hegeri gochiti tiyya na qot'ifte kara kanaani anini worra garile baasa.

¹⁵Wonti akanatiifi gaafa worra didani, lafti ch'ufti Waaqaani wolti araaramti. Tanaafi gaafa worra fud'atani maal taati? Worri dueleeni injiraata.

¹⁶Yo qit'a qara bukheesani Waaqaa kennani, yoosi qit'aani ch'ufti ka isaati; ammalle yo hidda mukha Waaqaa kennani, dameleeni tami isaati.

¹⁷Damele ejersa oobru keesa jiru ta gari ya ch'ach'absani, dame ejersa raasa keesa jiruti mat'ansani. Isani gochiti d'ibiini aka ejersa raasa jiru jirtani, amma jireenna lubbu dureesa ka Yahudi qoodattani.

¹⁸Tanaafi amma worra aka damele ch'absani intufatiina. Akamiini ufi guddiftani? Isani akuma damele jirtani; hidda inqabdani, hiddati isani qaba male.

¹⁹Ammo isani waan jettani, Damele ch'ach'absani akasiini fulla isii nuu kennani jettani.

²⁰Tunini d'uga. Maro worri ind'ugefatiiniifi ch'ach'absani, ammo isani fulla teesani maro d'ugefattaniifi keesa teetani. Waan kanaafi ufi inguddisiina, ammo sodaad'a.

²¹Waaqi Yahudiyu ta aka dame mukha jirtu illakimne, waan inni isani lakisu seetani?

²²Armati aka Waaqi naasufi jabeenna qabu ingartani. Inni worra jige ingaargalcha, ammo isanii naha, yo isani naasu isaa gula yaatani; ammo yo isani gula iyaane, isanileeni inch'abdani.

²³Yahudi, yo garaa laafte d'ugefatte, fulla isiiti deebisani, waan Waaqi worra deebisu dandaufi.

²⁴Isani gochiti d'ibiini aka damele ejersa raasa keesa jiru, ta ch'ach'absani jirtani, ammo aada male isani ejersa oobru keesa jiruuni wolti mat'antani. Yahudiini aka mukha oobrani kana jirti; tanaafi guddo Waaqaa laaftu, aki inni damele mukha kana ta ch'ach'absani ka d'ibiti mat'ansu.

²⁵Waan d'ossani toko ta d'ugaati jira, oboleyaani tiyya, anini aka isani baratani fed'a. Anini isanii guddo qaro ufi seetani infed'u. Wonti kunini tana: mata jabeenni gosa Israeli waan haga hegeri taatiniti ammo eegi gochiti d'ibiini ch'ufti Waaqati deebitu inhobaa.

²⁶ Israeliini ch'ufti kara kanaani baafamti. Akuma t'aafiini jettu, Qarqaarsi Sioni keesaa d'ufa, inni hameenna ch'ufa d'aloota Yakobo keesaa baasa.

²⁷ Anini wold'aqisa kana worra woliini tolcha, gaafa anini daba worra iraa fuud'u.

²⁸Maro isani gosa d'ibitiifi Yahudiini waan Odu Dansa diduufi nyaapa Waaqati. Ammo maro Waaqi ababoota worrati jed'e worra fohateefi worri jaallaani isaati

²⁹Waaqi qalbi ufi worra fohate eebise iraa garaingalfatu.

³⁰Ammo isani gochiti d'ibiini duri Waaqa diddani, amma ya naasu Waaqa argattani maro Yahudiini diddeefi.

³¹Akasuma, waan isani naasu argattaniifi, Yahudiini amma Waaqa ch'aqasu diddi, aka worrileeni amma naasu Waaqa argatu.

³²Wonti akanatiifi Waaqi nama ch'ufa ya ch'ubbu worraa keesati hid'e aka nama ch'ufaa nahu.

³³ Duroomi Waaqaa waan gudda! Qalbifi hubachaani isaa waan guddo! Eentu waan inni muru beekha? Eentu kara isaa hubata?

³⁴ Akuma t'aafiini jettu: Eentu qalbi Aabbo beekha? Eentu dandae isa gorsa?

³⁵ Eentu taka woi isaa kenne, aka inni galata deebisuufi?

³⁶Waan ch'ufa isati uume, wonti ch'ufti maro isaatiifi jirti, ammalle isaani jirti. Guddinni gara Waaqa haga hegerile ha jiraatuuti! Amini.