Read BORANA BIBLE – KITAABA WAAQA Rumi 6 Bible Online

Rumi 6 - BORANA BIBLE – KITAABA WAAQA bible

Rumi 6

¹Maani jenna re? Aka eebiti Waaqa iti guddattu daba keesa teenna?

²Hiyyo, akasiiniti! Nu gara dabaatiini ya doone, akami yoosi haga jirru ch'ufa daba keesa teenna?

³Isani waan kana imbeetaniniti? Gaafa nu Kristo Yeso keesa batifamne duisa isaa keesa batifamne.

⁴ Batiso teennaani nu isa woliini doone awaalamne, aka, akuma guddinna Abbatiini Kristo duisa keesaa kaasani, nuleeni jireenna haraani jiraannu.

⁵Yo duisa isaatiini nu isaani takaa taane, kaisa isaaleeni takaa taana.

⁶Nu waan kana imbeenna: finna keenna dullacha ya Kristo woliini maskali gubbati fannisani, aka jabeenna nafa dabaa balleesani, aka nu iti deebine tissele daba intaane.

⁷Wonti akanatiifi eegi nami due nama jabeenna dabaa jalaa baasani.

⁸Yo nu Kristo woliini doone ind'ugefanna aka isa woliini jiraannu.

⁹Nu imbeenna, aka Kristoni duisa keesaa kae, iti deebie indoone, duisi iti deebie gara isaati jabeenna inqabu.

¹⁰Dooti inni due guyya tokotu gara dabaatiini due; jireenni hareesi inni qabu gara Waaqaatiini jira.

¹¹Akasuma isanileeni aka nama gara dabaatiini due ammo gara Waaqaatiini jiru ufi herega, Kristo Yeso keesa.

¹²Dabi iti deebie nafa keesani imohatiini, aka isani d'araa nafa keesani gula iyaane.

¹³Yokhaani mita nafa keesani tokole dabati illakisina, aka waan hamtuuni intolchine. Ammo Waaqaa ufi kenna, aka nama duisa keesaa jireennati kaasani, ammalle mita nafa keesani ch'ufa aka huji dansaani tolchani baasa.

¹⁴Wonti akanatiifi waan isani Seera jala injirre ammo eeba Waaqa jala jirtaniifi dabi isani imohatu.

¹⁵Maani re? Waan nu Seera jala injirre ammo eeba Waaqa jala jirruufi daba tolchina? Hiyyo, akasiiniti.

¹⁶D'uguma isani waan kana imbeetani: yo ee jettani aka tisse nama ch'aqaftani, isani tisse abba suniti, yokhaani tisse dabaati, ta duisaani d'uftu, yokhaani tisse namaa saalfatu ta d'ugaani d'uftu.

¹⁷Ammo galati Waaqa imbadiini! Duri isani tissele dabaati, ammo amma garaa keesani ch'ufaani barsiisa argattani ch'ufa guutani.

¹⁸Daba jalaa baattani tissele d'uga taatani.

¹⁹Anini maro laafinna nafa keesanitiifi akana dubbad'a. Duri isani tissele t'uritiifi ta waan hamtu taatani hameenna jabeesitani. Akasuma ammalle tisse d'uga ufi tolchu maltani, aka qulqulloomtani.

²⁰Gaafa duri isani tissele daba, isani d'uga ira woma inqabdani.

²¹Tanaafi amma waan ch'eera ka tolchitani kana dansooma maani ira argattani? Muummeeni waan kana dua!

²²Ammo amma isani ya daba jalaa baatani tissele Waaqaa taatani; maro waan kanatifi amma jireenni keesani ch'ufti qulqullo, eegi tana jireenna hegeri argattani.

²³Wonti akanatiifi gatiini daba duisa; ammo toli Waaqa jireenna hegeriiti, maro Kristo Yeso Aabbo keennatiifi.