Read BORANA BIBLE – KITAABA WAAQA 1 Korintho 16 Bible Online

1 Korintho 16 - BORANA BIBLE – KITAABA WAAQA bible

1 Korintho 16

¹Amma waan hori gumi Waaqa ta Yudea jirtuni qarqaarani ka isani na gaafattani, anini akana jed'a: waan anini gumi Galatiatini tolcha jed'e tolchuu maltani.

²Guyya qara ka torbaani ch'ufa isaniini ch'ufti hori lafa kayu maltani, waan argattani gula, aka yo anini d'ufe hori wolti inguurre.

³Eegi anini d'ufe jara isani fohattaniti tatabe kenne, Hori suni Yerusalemu geesa jed'aani.

⁴Yo anileeni worra woliini deemu male woli yaana.

⁵Eegi Makedonia keesa dabre anini gara keesani d'ufa, wonti a akanatiifi anini Makedonia keesa dabru male.

⁶Anini bara d'aamocha ch'ufa fulla teesani taa, duuba isani woreega naa tolchitani, anini imaltu tiyya deema, fulla deemu fed'u ch'ufa.

⁷Anini haga diqa toko ch'alla isani bira tau imfed'u, haga gudda isani woliini tau fed'a, yo Aabbooni jed'e.

⁸ Ammo haga guyya Pentekoste arma Efeso keesa tau fed'a.

⁹Balbalti huji jabduuni hojad'u ya armati naa banamte, ato nami naani morku hedduuni jiraatele.

¹⁰Yo Timotheoni isaniini bahe, isa bulcha, maro inni akuma anini Aabbo hojad'u hojatuufi.

¹¹Nami tokoleeni isa intufatiini; ammalle woreega isaa tolcha, aka inni imaltu ufi nagayaani deeme gara kiyya deebiu; wonti akanatiifi anini oboleyaani woliini isa eegu jira.

¹²Amma waan oboleesa keenna Apolo: anini guddo iti dubbad'e aka inni oboleyaani d'ibi woliini gara keesani d'aqu, ammo inni ammatana diqole deemu imfed'u. Yo qoomni argate indeema.

¹³Kurfo taa, d'ugefacha teesani keesa jabaad'a, insodaatiina jabaad'a.

¹⁴Huji teesani ch'ufa jaalalaani tolcha.

¹⁵Waan Stefanatiifi worra isaa imbeetani; Kristiani qara lafa Griki keesa worra, ammalle ya huji gumi Waaqaati ufi baasani.

¹⁶Anini isani kad'ad'a, oboleyaani tiyya, worra akana kana ch'aqasa, gula yaa, ammalle nama aka worra hojate gaargalu ch'ufale.

¹⁷D'ufiisi Stefanatiifi ka Fortunatotiifi ka Akaiko guddo na gammachiise; ya fulla isani injirre buani,

¹⁸ammalle garaa na jabeesani, akuma isanile garaa jabeesani. Nama akana kana ch'ufa ulfeesu malani.

¹⁹Gumiini Asia nagaya isani d'aamti; Akilafi Priskafi gumiini mana worra keesati wolwoldeetu guddo nagaya d'aamti, maqa Aabbootiini.

²⁰Oboleyaani ch'ufti nagaya isani d'aamti. D'ungo oboleyaanitiini nagaya wolfuud'a.

²¹Waan kana anini harkuma kiyyaani t'aafa: Pauloni nagaya isanii d'aama.

²²Nami Aabbo injaalanne ch'ufti ha abaaramuuti! Maranatha — Aabbo keenna, kooti!

²³Eebiti Aabbo Yeso isani woliini jiraatiinna.

²⁴Jaalalti tiyya Kristo Yeso keesa isani woliini tahinna.