Read BORANA BIBLE – KITAABA WAAQA 1 Korintho 8 Bible Online

1 Korintho 8 - BORANA BIBLE – KITAABA WAAQA bible

1 Korintho 8

¹Amma anini waan sagale waan harkaani boch'ani baasani dubbad'a: D'uguma nuuni ch'ufti hubacha qamna. Ammo hubachaani akana tunini nama ufi guddisiifti, ammo jaalalti nama jabeesiti.

²Nami waan wo beekhu ufi sehu haga sila beekhu male imbeekhu.

³Ammo nama Waaqa jaalatu Waaqileeni imbeekha.

⁴Tanaafi amma waan sagale waan harkaani boch'ani baasani: nu imbeenna aka wonti harkaani boch'ani suni fakeenna waan injirre; ammalle nu imbeenna aka Waaqi toko ch'allaani jiru.

⁵Yo nami, Waaqa hedduti jira jed'ele, gubbafi lafale, ato Waaqafi abbootiini hedduuni jiraatele,

⁶nu Waaqa toko ch'alla beena; inni Abba, ka waan ch'ufa uume, nu isaafi jiraanna; ammalle Aabbo toko ch'allati jira, Yeso Kristo, ka wonti ch'ufti isaani uumamte, nuleeni isaani jirru.

⁷Ammo nami ch'ufti d'uga tana imbeekhu. Nami gari ya waan harkaani boch'ani kana aka male barate, yo sagale akana tana nyaatani ch'ufa sagale waan harkaani boch'ani baasani sehani; heregi worraa waan laafa, waan sagaleeni suni worra t'ureesitu sehani.

⁸Ammo sagaleeni Waaqati nu ind'ieesitu; yo nyaachu baannele woma imfitannu, yo nyaannele woma nuu indartu.

⁹Ufi eegad'a, aka yo waan feetani tolchitani worra d'ugefacha didiqo kaani ingufachiimne.

¹⁰Fakeenna yo nami heregi isaa laafa toko, sii hubacha qaba jed'ani mana waaqa d'ara keesati sagale waan harkaani boch'ani nyaatu arge. Wonti atini taatu suni duuba aka innileeni sagale suni nyaatu intolchitu?

¹¹Duuba namichi laafaani kunini, oboleesi kanke ka Kristoni duefi, maro hubacha teetiifi bada.

¹²Kara kanaani Kristoti dabdani waan oboleyaani teesani ta qalbi laaftu qabduti dabdanifi.

¹³Yo sagaleeni anini nyaad'u oboleesa kiyya gufachiifte, anini ituma deebie inyaad'u, aka oboleesa kiyya ingufanne.