Read BORANA BIBLE – KITAABA WAAQA 1 Korintho 9 Bible Online

1 Korintho 9 - BORANA BIBLE – KITAABA WAAQA bible

1 Korintho 9

¹Anini balchayu? Anini ergattuniti? Anini Yeso Aabbo keenna ingarre? Isani mid'aani huji tiyyatiiniti Aabbo keesa?

²Ato nami gari ergattu naani injennele, isani inuma naani jettani! Isanumaani, maro jireenna keesani ka Aabbootiifi, aka anini ergattu ingarsiiftani.

³Yo nami nati game, kara kanaani ufira d'owa:

⁴Anini waan nyaad'e d'ugu huji tiyya keesa, yo fed'e, inargad'u?

⁵Anini waan ergattuuni d'ibiini tolchitu, aka oboleyaani Aabbo yokhaani Petroleeni niiti ufi fud'ate imaltuuni deeme, yo fed'e intolchu?

⁶Anaafi Barnaba ch'allati hojate sagale teenna barbaadachu malle?

⁷Eentu askarti hori male hojatu d'agaye? Yokhaani abba oobru kamiti mid'aani oobru isaa inyaanne? Yokhaani abba ree ka aanani ree ufi ind'unne?

⁸Fakeenni kunini waan guyya ch'ufa, ammo Seerileeni akanuma jed'a.

⁹Seeri waan jed'u, Afaani qotiyo mid'aani d'aantu inhid'iina. Waaqi d'uguma waan qotiyo iyaala?

¹⁰Waan kana inni nu imbaane? Waan kana nuufi t'aafani! Nama qotufi ka muruleeni abdi mid'aani argachaatiini hojachu male.

¹¹Nu ya mid'aani lubbuu jiddu teesaniti oobrine. Yo woi isani ira fud'anne isani dabsina?

¹²Yo biyyiti waan kana isani iraa fud'atte, nuleeni hagasi iraa isani iraa fud'achu himmalle? Taatule nu ammalle waan kana imfud'anne. Ammo nu waan ch'ufa obsine, aka gufu tokole daandi Odu Dansa ta Kristo dura inkeenne.

¹³D'uguma isani aka worri Mana Waaqa keesa hojatu sagale ufi achi argatu imbeetani. Ammalle aka worri sorio qalu qooda fooni sorio qabu imbeetani.

¹⁴Akasuma Aabbooni ya worra Odu Dansa odeesule, Waan jiraataniini achi argad'a jed'eeni.

¹⁵Anini waan kana tokole imfud'anne, yokhaani anini waan kana aka argad'uufi tatabe tana int'aamne. Fulla ufi guddisiiti tiyya bilaasha tolchani duisati ira na jira!

¹⁶Anini maro Odu Dansa odeesuufi ufi guddisu himmalle. Yo d'uga dubbanne, dandae odeesu indidu. Sila guddo na hamtu yo anini Odu Dansa inodeesiini!

¹⁷Yo sila anini huji tiyya fed'iini tolche, hori na baasu malani; ammo waan na tolchisiisaniifi, akasi aka anini huji nati kennani tolchu male agarsiisa.

¹⁸Maal keesa argad'a re? Woni ani argad'u aka Odu Dansa hori male odeesu, ato waan kiyya tokole Odu Dansa keesa imbarbaanne.

¹⁹Anini balcha, tisse nama tokoletiiniti; ammo anini tisse nama ch'ufa ufi tolcha, aka nama heddu argad'u.

²⁰Yo Yahudi woliini jirru aka Yahudi taa, aka worra hirkisu; ato anini Seera Musa gula deemu d'ibaad'ele, yo worri gula yau woliini jirru, aka nama gula deemu ufi tolcha, aka worra hirkisu.

²¹Akasuma yo gosa d'ibi woliini jirru anini aka gosa d'ibi ufi tolcha, Seera Yahudi jala injiru, aka gosa d'ibi hirkisu. Anini seera Waaqa guutu indidu ammo seera Kristo jala jira.

²²Yo worra d'ugefacha diqo qabu woliini jirru anileeni ufi laafisa, aka worra hirkisu. Anini nama ch'ufa ya waan ch'ufa tahe, aka anini nama gari kara dandau ch'ufaani baasu.

²³Waan kana ch'ufa anini maro Odu Dansaatiifi tolcha, aka eeba isii qoodad'u.

²⁴Woldogoomsu keesa nama hedduti oria, ammo toko ch'allati wo argata. Akasi imbeetaniyu? Aka wo argattani utaala duuba.

²⁵Nami utaalcha barachu fed'u ch'ufti waan infakaanne iraa ufi d'owu male; inni aka sure haga jirtu inteenne mata gubba keyatufi akasi tolcha; ammo nu, aka ta haga hegeri teetu argannuufi akana tolchina.

²⁶Maro waan kanatifi anini fulla hobaatiiti utaala; anini aka nama wold'aanu ka tontomo woli ira ingorsine jira.

²⁷Nafa kiyya tume mohad'a, aka eegi anini dubbi Waaqa biyyati odeese na indinne.