Read BORANA BIBLE – KITAABA WAAQA 2 Korintho 4 Bible Online

2 Korintho 4 - BORANA BIBLE – KITAABA WAAQA bible

2 Korintho 4

¹Maro naasu ufitiifi Waaqi ya huji tana nuu kenne, tanaafi nu ufi injibaannu.

²Huji d'ossatiifi ta ch'eera la lakimne; nama insomnu, dubbi Waaqale ind'aareesinu. D'uga diidati dubbanne aka d'uga qamnu nama ch'ufa agarsiimna, Waaqa duraleeti.

³Yo oduuni dansaani nu odeesinu d'ofamte, worra badu jiru ch'alla duraa d'ofamti.

⁴Wonti worri ind'ugefanneefi waan hamaani lafa tana keesa jiru qalbi worra dukaneeseefi. Inni ifsa worrati ifsu argu worra d'owa, ifsa Odu Dansa ta guddinna Kristo keesa d'ufu, inileeni akuma Waaqa jira.

⁵Nu waan keenna odeesuti injirru: ammo aka Yeso Kristoni Aabbo, ammalle aka nu maro teesaniifi tissele isaa taane odeesina.

⁶ Waaqi, Dukana keesa ifsaani ha ifsu jed'eti ifsa kana garaa keenna keesati ifse, aka ifsa hubacha guddinna Waaqa nuu kennu ka fuula Kristoti ifsu.

⁷Ammo nu worri hori lubbu kana qabu aka okote faara jirra, aka nu jabeenna inqamne ammo Waaqi jabeenna gudda qabu agarsiisani.

⁸Maro heddu nu gaargalchani ammo taka nu imach'arsinne; maro gari irinch'ich'ina ammo taka ufi injibaanne;

⁹nyaapa heddu qamna ammo taka jaala ind'amne; maro heddu madoomna ammo taka nu imballeesine.

¹⁰Hojja ch'ufa nafa keenna gubbati duisa Yeso baana, aka jireenni isaa nafa keenna keesati mullatu.

¹¹Haga jirru ch'ufa diquma maro Kristotiifi indoone, aka jireenni isaa nafa keenna ka duu kana keesati mullatu.

¹²Tanaafi dooti nu bira ejiti, ammo jireenni isani bira eja.

¹³ T'aafiini, Maro d'ugefad'eefi dubbad'e jetti. Akasuma nuleeni garaa d'ugefachaatiini maro d'ugefanneefi dubbanna.

¹⁴Nu imbeenna aka Waaqi ka Aabbo Yeso duisa keesaa kaase, Yeso woliini nule duisa keesaa kaase isani woliini fuula ufi duraani nu d'ufu.

¹⁵Wonti kunini ch'ufti maro teesaniifi taate; duuba akuma eebiti Waaqa nama heddu geetuuni, nami galata Waaqaa deebisa, aka maqa Waaqa guddisani.

¹⁶Maro waan kanatifi nu garaa ilaamnu. Ato nafi keenna guyya ch'ufa shamele, garaani keenna guyya ch'ufa haraa taha.

¹⁷Gaargali diqaani, ka yoosu hobau, ka nu qamnu kunini eegi tana guddinna hegeritiini nu d'ufa, ka gaargala suni ira jiru.

¹⁸Nu waan mullata abdachuti injirru, ammo waan imullanne abdachuu jirra. Wonti mullata haga diqa toko ch'alla teeti, ammo wonti imullanne haga hegeri teeti.