Read BORANA BIBLE – KITAABA WAAQA Efeso 2 Bible Online

Efeso 2 - BORANA BIBLE – KITAABA WAAQA bible

Efeso 2

¹ Duri isani dabaafi wollaalaani lubbu dootani.

²Hojja suni kara lafa ka daba gula yaatani, hayyu jabeenna ka qilleensa ch'aqaftani, ka lubbu amma worra Waaqa inch'aqamne mohatu.

³Nuuni ch'ufti duri aka worra suni jirra, d'araa nafa keenna gula yaane waan nafafi qalbiini teenna feetu ch'alla tolchine, ka sila akuma nama ch'ufa Waaqi nuleti dalanu male.

⁴Ammo naasuuni Waaqa guddo; inni guddo nu jaalata;

⁵ato nu dabaani diquma induiini, Kristo woliini duisa keesaa nu kaase; isani eeba Waaqaatiini baafamtani.

⁶Inni Kristo woliini duisa keesaa nu kaase, aka isa woliini gubba nu teesisu.

⁷Wonti inni waan kana tolcheefi, aka hojja ch'ufa durooma eeba isaa, ta inni Kristo Yeso keesa qabu, nu agarsiisu.

⁸Maro eeba Waaqaatiifi isani baafama argattani, kara d'ugefacha gula. Waan isani ufiini tolfattaniiniti, ammo tola Waaqi isanii kenne.

⁹Wonti isani ufi guddiftaniifi injirtu, wonti akanatiifi wonti kunini waan isani ufiini tolfattaniiniti.

¹⁰Nu uumama Waaqaati, ammalle Kristo Yeso keesa inni ya nu uume, aka huji dansa ta inni herege nu kurfeese ke teennu.

¹¹Isani worri d'aloota gula gosa d'ibi, ka Yahudiini worra qabanqaba inqabanne jettuuni, ammo ufiini, Nu worra qabate jed'u (ta waan nami nafa ufi tolchu), waan duri keesa jirtani qaabad'a.

¹²Gaafasi isani Kristo iraa fago jirtani. Isani nyaapa, gumi Waaqa ta fohatani keesa injirtani. Wold'aqisa Waaqi gumi isati khakhate keesaa inqabdani. Lafa tana keesa abdifi Waaqa male teetani!

¹³Ammo amma Kristoni takaa taanaani, isani worri duri fago jiru ya d'iiga Kristotini gadi d'iaattani.

¹⁴Wonti akanatiifi Kristoni ya Yahudifi gosa d'ibile taka tolche nagayaani nu d'ufe. Nafa ufitiini dallaa ka worra gargari qoode nyaapa woli tolche ch'abse.

¹⁵ Seera Yahuditiifi aada seera suni balleese, aka gosa tana lamaani takaa tolche akasiini nagayaani nu d'ufe.

¹⁶ Duisa isaa ka maskali gubbatiini Kristoni woljibiti balleese; maskali ufitiini inni gosa lachu takaa tolche Waaqati deebise.

¹⁷ Tanaafi Kristoni d'ufe, Odu Dansa ta nagaya gosa ch'ufati odeese isani gosa d'ibi ta Waaqa ira guddo fago jirtaniifi Yahudileti, ta isati d'iaattu.

¹⁸Maro Kristotiifi nuuni ch'ufti, gosa d'ibiifi Yahudileeni, Lubbu takaani fuula Abba dura d'umna.

¹⁹Tanaafi isani worri gosa d'ibi arraa achi nyaapaaniti yokhaani keessumaaniti; amma isani worra qulqullo woliini gumi Waaqaati, worra Waaqa!

²⁰Isanile yayabuma ergattufi raagooti keete irati isani ijaarani, d'akhaani jabaleeni Kristo Yeso.

²¹Isati mana ch'ufa wolti qaba, aka mani suni mana Aabbo qulqullo tahe guddatu.

²²Isa keesa isanile, nama d'ibi woliini, ijaaru jirani, aka mana Waaqi Lubbu ufitiini keesa tau taatani.