Read BORANA BIBLE – KITAABA WAAQA Yoshua 19 Bible Online

Yoshua 19 - BORANA BIBLE – KITAABA WAAQA bible

Yoshua 19

¹Lafti lameeso ta namaa qoodani ta gosa Simeoni, worra isaani gula. Lafti worra lafa gosa Yudati kennani keesa jirti.

² Lafti suni tana: Beersheba, Sheba, Molada,

³Hasar Shuali, Baala, Esemu,

⁴Eltoladi, Bethuli, Horma,

⁵Ziklagi, Beth-Markabothi, Hasarsusa,

⁶Beth-Lebaothi, Sharuheni: diri kunini ch'ufti kud'ani sadi ka kamu ollowaani ufi d'aatu qabu.

⁷Ammalle Aini, Rimoni, Etheri, Ashani: diri kunini ch'ufti afuri ka kamu ollowaani ufi d'aatu qabu.

⁸Ammalle ollowaani ta dira kana d'aatu jirtu, haga Baalath-Beeri (yokhaani Rama), ta bitaa ch'ufti herega dira suni keesa jirti. Tunini qooda lafa gochiti Simeoni worra isaani gula d'aalaa argatte.

⁹Waan lafti gosa Yudati kennani haga fed'ani ira guddo taateefi gama toko gosa Simeoniti kennani.

¹⁰Lafti sadeeso ta namaa qoodani ta gosa Zabuloni, worra isaani gula, seeri lafa worraa haga Sariditi eja.

¹¹Arti bahe marala ila aduti qajeele. Dabeshethifi laga Yokneamu iti mat'ane bahe.

¹²Ammalle Saridi ilaboru bahe seera Kisiloth-Taburiti eje, duuba Dabarathifi yafia gahe.

¹³Artilee ilaboru bahe Gath-Heferifi Ethkaseiniti qajeele, duuba Meati deebie Rimoniti qajeele.

¹⁴Gara Mirgatini, seeri Hanathoniti qajeele, bale Iftaeliti eje.

¹⁵Ammalle diri kunileeni ka worraati: Nahalali, Shimroni, Idalafi Bethlehemu; diri kunini ch'ufti kud'ani lama, ka kamu ollowaani ufi d'aatu qabu.

¹⁶Dira kanafi ollowaani isaani lafa gochiti Zabuloni worra isaani gula d'aala argatte keesa jirani.

¹⁷Lafti afreeso ta namaa qoodani ta gosa Isakari, worra isaani gula:

¹⁸Lafa worra keesa dira Kanati jira: Yezreeli, Kesulothi, Shunemu,

¹⁹Hafarimu, Shioni, Anaharathi,

²⁰Rabithu, Kishoni, Ebesi,

²¹Remethi, Enganimu, Enhada, Beth-Pasesi.

²²Seeri worra ammalle Tabori, Shahasumafi Beth-Shemeshiti mat'ane, galaana Yordaniti eje. Dira kud'ani jaatiifi ollowaani d'aatu jirtuleeni ch'ufti, herega lafa suni keesa jirani.

²³Dira kanaafi ollowaani isaani lafa gochiti Isakari d'aala argatte keesa jirani.

²⁴Lafti shaneeso ta namaa qoodani ta gosa Asheriti, worra isaani gula.

²⁵Lafa worra keesa dira kanati jira: Helkathi, Hali, Beteni, Akshafu,

²⁶Alameleki, Amadi, Misheli. Gara ila adu seeri worraa Karmelifi Shihor-Libinathiti mat'ana.

²⁷Seeri arti bahe ilaboru deebie Beth-Dagoniti eje, Zabulonifi bale Iftaeliti mat'ane, Bethemekifi Neili mirgati qajeele. Ammalle mirga iti d'aabate Kabuli,

²⁸Ebroni, Rehobu, Hamoni, Kana, haga Sidoniti eje.

²⁹Duuba seeri mare Ramati deebie, dira Tiro ka jabeesani d'akhaani jaaranile gahe; duuba mare Hosati deebie, Baariini Guddati eje. Lafti worraa ammalle Mahalabu, Akizibu,

³⁰Uma, Atheka, Rehobu: diri kunini ch'ufti diddami lama, ka kamu ollowaani ufi d'aatu qabu.

³¹Dira kanaafi ollowaani isaani lafa gochiti Asheri, worra isaani gula d'aala argatte keesa jirani.

³²Lafti jaeeso ta namaa qoodani ta gosa Naftali, worra isaani gula.

³³Seeri worraa Helefu bahe mukha gudda toko ka Saananimu jiruti eje, arti bahe Adan-Nekebufi yamnia, haga Lakumu bahe, galaana Yordaniti eje.

³⁴Achiti seeri ila aduti deebie, Aznoth-Tabori qajeele, arti dabre, Hukokiti qajeele, Zabuloni bitaati mat'ane, Asherile ila aduti mat'ane, galaana Yordanile ilaboruti mat'ane.

³⁵Diri jabeesani d'akhaani jaarani kana: Sidimu, Seri, Hamathi, Rakathi, Kinerethi,

³⁶Adama, Rama, Hazori,

³⁷Kedeshi, Edrai, Enhasori,

³⁸Ironi, Migdaeli, Horemu, Bethanathi, Beth-Shemeshi. Diri kunini ch'ufti kud'ani sagali, ka kamu ollowaani ufi d'aatu qabu.

³⁹Dira kanaafi ollowaani isaani, lafa gochiti Naftali d'aala argatte keesa jirani.

⁴⁰Lafti torbeeso ta namaa qoodani ta gosa Daniti, worra isaani gula.

⁴¹Lafa worraa keesa dira kanati jira: Sora, Eshtaoli, Erishemeshi,

⁴²Shaalabini, Aiualoni, Ithla,

⁴³Eloni, Timna, Ekroni,

⁴⁴Elteka, Gibethoni, Baalathi,

⁴⁵Yehudi, Bene-Beraki, Gath-Rimoni,

⁴⁶Meyarkoni, Rakoni, lafa dira Yafa d'aatule.

⁴⁷ Worri gosa Dani lafa ufi d'amnaani Laishi d'aqani had'ani, dira suni qabani, worra isaa fit'ani dira worraa boojiani iti qubatani. Maqa isaa ka qara Laishi jijirani, maqa ababo isani Dani gula Dani jed'ani.

⁴⁸Dira kanafi ollowaani isaani lafa gosa Dani worra isani gula, d'aala kennani ke jirani.

⁴⁹Worri Israeli lafa ch'ufa gargari qoode jennaani Yoshua ilma Nuni qooda toko Koba kennanifi.

⁵⁰Akuma AABBO Waaqi jed'e, dira inni kad'ate, Timnathi Sera, ka lafa gaareeni Efraimu keesa jiru isaa kennani. Inni dira suni ka qara hammate — jaare keesa qubate.

⁵¹Qaallichi Eleazarifi Yoshua ilma Nunitifi jaaroleeni mataa worra gosa Israelileeni, AABBO Waaqa durati, hit'a buufatani, Shiloti, fulla balbala Waaro Woyyumati lafa gargari qoodatani huji suni hobaasani.