Read BORANA BIBLE – KITAABA WAAQA Yoshua 3 Bible Online

Yoshua 3 - BORANA BIBLE – KITAABA WAAQA bible

Yoshua 3

¹Boriyya Yoshuafi worri Israeli ch'ufti ganama Shitimu godaanani galaana Yordani ka intaakini d'aatu qubatani.

²Bulti sadi bulani jennaani jaaroleeni olla keesa yaate.

³Waan biyyaani jette, Hojja isani qaalole gosa Lawi, ta Sanduqa Wold'aqisa AABBO Waaqa keesani baatu argitani kaa gula yaa.

⁴Isani lafa tana fuula imbeetani tanaafi worri ha isani dura yae kara isani garsiisu, ammo Sanduqa Wold'aqisati ind'iaatina, ejata kuma toko hanqad'a.

⁵Duuba Yoshuani waan biyyaani jed'e, Ufi qulqulleesa, wonti akanatiifi AABBO Waaqi bori waan mama jiddu teesaniti tolcha.

⁶Ammalle Yoshuani waan qaaloleeni jed'e, Sanduqa Wold'aqisa fuud'a, biyya dura yaa. Duuba worri Sanduqa Wold'aqisa fuud'e biyya dura yae.

⁷AABBO Waaqi waan Yoshuani jed'e, Anini arra gumi Israeli ch'ufa durati si guddisa, akanaani nami ch'ufti aka anini akuma Musa wahelche sillee wahelchu beekhu.

⁸Ammalle qaalole ta Sanduqa Wold'aqisa baatuni waan jettu, Hojja isani afaani galaanatini baatani, qotuma bisaani ejaanja.

⁹Jennaani Yoshuani waan gumi Israelitini jed'e, Koota dubbi AABBO Waaqa keesani ch'aqasa.

¹⁰Inni ato isani gad'uftanu gosa Kanaanitiifi ta Hititifi ta Hivitifi ta Perezitifi ta Gergeshitifi ta Amoritifi ta Yebusile isani duraa gussa. Duba isani akasiini aka Waaqi jiru isani woliini jiru beetani.

¹¹Sanduqi Wold'aqisa AABBO Waaqa lafa ch'ufaa isani dura galaana Yordani taaka.

¹²Amma waan isani taatani, gosa Israeli kud'ani lamaani keesa nama d'iira toko fuud'a.

¹³Hojja qaaloleeni ta Sanduqa Wold'aqisa AABBO Waaqa lafa ch'ufa, baatu, miila bisaani galaana Yordani keesa d'aabatu, galaani sunini yau lakise ammalle bisaani gubbaa gabuani fulla tokoti wolti deebiani.

¹⁴Gaafasi gaafa mid'aani murani ka galaani fach'au. Duuba hojja biyyiti galaana Yordani taakiti kaate, qaaloleeni Sanduqa Wold'aqisa baatu, worra dura dabarte. Akuma qaaloleeni bisaani galaana duuddeeni.

¹⁶Galaani yau lakise, bisaani fulla dira Adamu, ka d'aatu Sarethaniti wolti deebiani. Bisaani qara gara galaana Sooda yaanileeni ch'itani, biyyiti d'aatu dira Yerikotini taakite.

¹⁷Haga worri Israeli lafa goddu ira yae dabru ch'ufa, qaaloleeni Sanduqa Wold'aqisa AABBO Waaqatini yaatu taani wod'aka galaana Yordani lafa goddu ira ejaanjiti. Akanaani worri Israeli ch'ufti galaana taake.