Read BORANA BIBLE – KITAABA WAAQA Yoshua 7 Bible Online

Yoshua 7 - BORANA BIBLE – KITAABA WAAQA bible

Yoshua 7

¹Nami gari seera AABBO Waaqa ka inni, dira Yeriko keesa waan balleesu malani infud'atina jed'e inguunne. Nami toko ka maqaani Akani seera suni guutu dide AABBO Waaqa gosa Israeliti dallansiise. (Akaniini ilma Karmi, ka ilma Zabdi, ka balbala Zera ta gosa Yuda.)

²Yoshuani nama d'iira ka gari dira Yerikoti dira Ai, ka dira Bethelitiini ilaboru ka d'aatu Beth-Areniti erge, lafa ch'ufa dooyaad'a jed'eeni. Worri waan taha jed'aniini suni tahe, jennaani

³Yoshuati dachae waan jed'eeni, Wonti nami ch'ufti Ai had'uufi injirtu, d'iirti kuma lama yokhaani ta kuma sadi ingeeti, askarti ch'ufa inerginu diri sunini waan diqa.

⁴Duuba askartini Israeli, nami kuma sadi, dira suni had'e, ammo worri dira suni worra ufiraa deebise.

⁵Worri d'iira, ka dira Ai, worra Israeli suni haguma fulla fulloti reebe fulla ch'irracha qotanifi tokooni baase kara gaara iraa buu keesati nama sodomi jaa keesaa fit'e. Jennaani worri Israeli mudame bisaani naqate.

⁶Yoshuafi jaaroleeni Israeli bohani, woya ufii tataarsasani, Sanduqa Wold'aqisa AABBO Waaqa durati lafaani ufi d'aani aka hama laaleefatani. Biyye matati ufi guurani haga galgala arti ch'iisani.

⁷Jennaani Yoshuani waan jed'e, Ee AABBO Waaqa, atini maafi Yordani nu taakisiifte armaani nu d'ufta? Atini harka gosa Amoriti nu kennu feeta? Atini nu balleesu feeta? Ato sila galaana Yordani gama suniti hamne ira nuu injirtu?

⁸Ee AABBO Waaqa anini amma maani? Jed'a, nyaapi kenna nu dabsate?

⁹Gochiti kanaanitiifi nami lafa tana keesa jiru ch'ufti waan kana d'agaye, amma tana nu marse nu ch'ufa fit'a! Atini duuba maani tolchita aka gurra kanke badi d'owartu?

¹⁰AABBO Waaqi waan Yoshuani jed'e, Kai, atini maanifi akana ch'iifta?

¹¹Worri Israeli ya ch'ubbame! Worri wold'ageeti nu wold'ageenne ch'abse waan balleesu malani ka gari fud'ate. Worri ya kiyyibe waan suni hate, miha worraatini woliini olnaqate.

¹²Tanaafi Israeliini nyaapa ufi dura eju indandeenne: Ammalle waan badi iti muranifi worri nyaapa ufi duraa baqata. Anini amma deebie isani woliini intau, haga isani waan infuud'ina jed'ani balleesitaniti.

¹³Kai, biyya qulqulleesi, waan jettuuni, Bori kurfaa ufi qulqulleesa, anini AABBO Waaqi Israeli, waan kana isaniini jed'a, Worra Israeli, isani waan gari ka anini balleesa isaniini jed'e, ya guuratani. Haga waan kana balleesitaniti isani dandeetani nyaapa keesani dura inejitani.

¹⁴Duuba amma waan atini worra ch'ufaani jettu, Bori diirama gosa gosani isani ch'ufa armaani d'ufani. Gochiti anini keesa filad'e ha balbala balbalaani d'uftuti; balbalti anini keesa filad'eleeni ha worra worraani d'uftuti; worri anini keesa filad'eleeni ha nama d'iira nama namaani d'ufuuti.

¹⁵Nami anini keesa filad'e, ka miha balleesu malani sunini argani, isaafi worra isaatiifi waan inni qabule ch'ufa woliini ha gubbaniti, waan worri waan ch'eera hamtu Israelitini d'ufe wold'ageeti teenna ch'abseefi.

¹⁶Boriyyaate ganama Yoshuani worra Israeli ch'ufa gosa gosani d'ufeeni, gosa Yuda keesaa fuud'ani.

¹⁷Duuba inni gosa Yuda balbala balbalaani d'ufeeni, balbala Zera keesaa fuud'ani, balbala Zera suni worra worraani fuud'ani, duuba worra Zabdi keesaa baasani,

¹⁸inni duuba worra Zabdi nama namaani jara d'iira gadi guure, duuba Akani, ilma Karmi, ka akhaakhu Zabdi, biyya keesa alati baasani.

¹⁹Jennaani Yoshuani waan jed'eeni, ilma kiyya AABBO Waaqa Israeli durati d'uga nati himi, waan, taate ch'ufa himi. Amma waan taate tokole na ind'ossini, nati himi.

²⁰Akaniini waan jed'eeni, D'uguma, anini yayu AABBO Waaqa Israeli durati ch'ubbame, wonti anini taheleeni tana.

²¹Waan nu fud'anne kana keesa, woya mid'aadu Babiloni d'ufte jira, ammalle qarsi kilo lamatiifi worqi ulfinni isii diquma kilo hanqatu arge, aka jaba jaalad'e, fud'ad'e. Amma atini yo laalte waaro tiyya keesati ingarta. Nati qarsi jala aanse waaro keesati awaale.

²²Duuba Yoshuani nama erge, worri suni gara waaro orie, waan Akaniini hate kaani, ka waaro keesati qarsi jala aansani d'ossani, argani.

²³Waan suni ch'ufa waaro keesaa guurani, Yoshuafi worra Israeliti geesani, AABBO Waaqa duraani d'ufani.

²⁴Yoshuafi worri Israeli ch'ufti Akani ilma Zeratifi waan inni hate kaani, qarsi woya, worqi, ammalle nad'eenifi ijoolle isaa ta d'iiratifi ta dubrale, loonifi harreefi reefi waaro isaatiifi waan inni qabu ch'ufa bale Akori geesani.

²⁵Yoshuani waan jed'eeni, Atini maanifi gaargala kana ch'ufaani nuti d'ufte! Duuba worri Israeli ch'ufti isa d'akhaani had'e ijeese worra isaatiifi waan inni qabu ch'ufa ibidaani gube.

²⁶Worri d'akha irati tuule d'akhaani sunini haga arrale achuma jira. Tanaafi fulla sunini laga gaargala jed'ani, Duuba AABBO Waaqi worrati indallanne.