Read BORANA BIBLE – KITAABA WAAQA 1 Timotheo 4 Bible Online

1 Timotheo 4 - BORANA BIBLE – KITAABA WAAQA bible

1 Timotheo 4

¹Lubbuuni Waaqa akuma dansa himti, aka nami gari eegi tana d'ugefachu lakise; lubbu d'aratiifi barsiisa jinni gula yau.

²Barsiisaani tunini soba nama d'aratiifi ka heregi worra aka waan ibidaani gubani jiru iraa d'ufti.

³Worri kunini nad'eeni fuud'itiifi sagale gosa gari nyaati fullaaniti jed'a. Ammo Waaqi sagale tana aka, eegi galata deebisani, worri d'ugefate d'uga baratu nyaatufi mid'aase.

⁴Wonti Waaqi uume ch'ufti dansa; waan tokole didu himmalle, ammo waan ch'ufa galata deebisani fud'achu malani;

⁵wonti akasitiifi dubbi Waaqaatiifi kad'achati waan kana Waaqa durati qulqulleesa.

⁶Yo barsiisa tana oboleyaaniti himte, hojattu Kristo Yeso dansa taata, ka dubbi d'uga fud'ate barsiisa d'uga gula deemu.

⁷Ammo odu duri ta aada Waaqa intahiini, ta nami himu himmalini lagad'u. Jireenna Waaqi fed'u barad'u.

⁸Fayyafi irreeni nafaa wo namaa darti, ammo fayyafi irreeni lubbu kara ch'ufaani wo namaa darti, maro jireenna ka ammatiifi ka hegerile namaa kennituufi.

⁹Jechi kunini ka d'ugaati, ka fud'atani d'ugefachu malani.

¹⁰Maro waan kanatifi aka jaba hojanna, waan nu abdi teenna Waaqa jiru ka nama ch'ufa baasu, keesuma worra d'ugefatu, gubba keyanneefi.

¹¹Waan kana namati himi aka dansa barsiisi.

¹²Nami tokoleeni maro atini kaimatiifi si intufatiini, ammo akheekha jara d'ugefate tahi, dubbifi adabaafi jaalalafi d'ugefachaafi qulqulloomaani.

¹³Haga anini d'ufuuti, T'aafi Waaqa namaa soomi, dubbi Waaqa hasai, nama barsiisi, jabeesi hojad'u.

¹⁴Kenna lubbu si keesa jirtu inded'ini, ta gaafa raagooti dubbatte jaaroleeni harka sira keete argatte.

¹⁵Waan kana iti jabaad'u, guuti, aka nami ch'ufti, aka atini dura deemte, si argu.

¹⁶Ufiifi barsiisa teetile eegi. Waan kana guuti: wonti akanatiifi yo atini waan kana guute ufiifi jara si ch'aqasule imbaafta.