Read BORANA BIBLE – KITAABA WAAQA Tito 1 Bible Online

Tito 1 - BORANA BIBLE – KITAABA WAAQA bible

Tito 1

¹Maqaani kiyya Paulo, anini hojattu Waaqatiifi ergattu Yeso Kristo. La na fohatani aka anini d'aqe, d'ugefacha worra Waaqi fohate qarqaare, d'uga aadaani teenna,

²ta jireenna hegeri abdattu barsiiftu worra barsiisu. Waaqi, ka d'ara indubbanne, ya jireenna kana duru nuu kakhate,

³hojjaani geennaani dubbi ufi keesati nuti mullise. Waan kana harka kiyyati kennani, d'aamsa Waaqa, ka Qarqaarsa keenna, gula odeesa.

⁴ Anini tatabe tana Titoti t'aafa; inni ilma kiyya ka d'uga, d'ugefacha nu woliini qamnu tana keesa: Waaqa Abbaafi Yeso Kristoni, Qarqaarsi keenna, eebafi nagaya isanii kenniina.

⁵Anini aka atini waan tolchu malani guutuufi lafa Krete keesati si lakise, ammalle aka atini dira ch'ufa keesati jaarole gumi fohattu. Gorsa kiyya qaabad'u:

⁶ jaarsi wollaala qabaachu himmalle; niiti toko ch'alla qabaachu male, ilmaani isaa d'ugefacha qabaachu malte, ijoolle hamamtu ta aka bineensa jirtu, ta dubbi nama inch'aqamne intahiini.

⁷Maro inni huji Waaqa harka qabuufi inni wollaala qabaachu himmalle. Kiyyibe miira indiqaatiini, farso d'uge namaani woldide insabdaiini.

⁸Ha nama bulche waan dansa jaalatu. Ha ufi qorqorate qajeele, qulqullo tahe, adaba dansaani deemu.

⁹Dubbi d'uga ha aka dansa jabeesu, ta d'ugefataniifi ta waan barsiisatini woli fakaattu. Kara kanaani inni dandae nama d'ibi barsiisa d'ugatiini qarqaare, wollaala nama didule agarsiisa.

¹⁰Wonti akanatiifi nama hedduti jira, ka dubbi ch'aqasu dide dubbi d'aratiini nama sobu, keesuma worri aada Yahudi iti galefaani.

¹¹Sila worra dubbachu d'owu malani; wonti akanatiifi waan barsiisu himmalini barsiisani, akanaani ollowaani heddu balleesu jirani, aka hori argatani.

¹²Namichi Krete toko, ka raaga worraa waan jed'e: Jari Krete ch'ufti kiyyiba, bineensa hama, ammalle sabdi woma hojachu imfeene.

¹³Wonti inni jed'e sunini d'uga. Maro waan kanatifi aka dansa worra gorsu malte, aka worri d'ugefacha qit'e horate

¹⁴odu Yahuditiifi seera nama d'ugaa dide iraa d'ufu lakisu.

¹⁵Nama qulqulloti wonti ch'ufti qulqullo; ammo worra t'uri, ka ind'ugefanne, wonti tokoleeni iti qulqulloniti, maro qalbifi heregi worraa t'uri qabuufi.

¹⁶Waaqa beenna ufiini jed'ani, ammo hujiini worraa ind'areesiti. Worri nama jibbani, namale inch'aqasu, waan dansa tokole dandae intolchu.