Read BORANA BIBLE – KITAABA WAAQA Ebrania 2 Bible Online

Ebrania 2 - BORANA BIBLE – KITAABA WAAQA bible

Ebrania 2

¹Maro waan kanatifi nu dubbi d'ageenne tana jabeesu male, aka iraa ingorre.

²Yo d'aamsi malaikaani jette suni d'ugaa tahe, ammalle yo nami ind'ugefanne yokhaani ka ee jed'e imfud'anne ch'ufti gaargala argate,

³akamiini dandeenne baana, yo nu baafama akana kana injabeesine? Aabbooni baafama kana qara yayu hime, worri isa d'agaye, aka isiini d'uga aka dansa nu beesise.

⁴Waaqileeni d'uga ufi ta worrati dare, akheekhafi waan mamatiifi waan jabdu heddu tolche. Ammalle Lubbu Qulqullo fed'i ufi gula namaa qoode.

⁵Waaqi lafa d'uftu ta sila uumu malaika iti guddo intolchine — lafa nu teenne waan isi dubbannu.

⁶ Ammo akuma t'aafi keesati fulla d'ibi t'aafani, Nami maani, Ee Waaqa, ka atini waan isaa hereddu? Yokhaani nami maani, Ee Waaqa ka atini teete waan isaa qulqultu?

⁷Atini haga diqa toko malaika ira isa diqeesite, atini boku guddinna ka hayyuma isaa kennite,

⁸aka inni waan ch'ufa mohatu tolchite. Waan jed'ani, Waaqi nama aka inni waan ch'ufa mohatu tolche; waan ch'ufa jechaani waan tokole iraa inhambimne jecha. Ammo nu ammatana nama waan ch'ufa fidu inarginu.

⁹Ammo Yeso ingarra! Haga diqa toko malaika ira diqeesani, aka inni eeba Waaqa gula maro nama ch'ufatiifi duu. Maro duisa inni due suniifi, ammatana boku guddinna ka hayyuma isaa kennani.

¹⁰Aki Waaqi, ka waan ch'ufa uume qorqoratu, gaargala Yesoni argateeni isa qit'oomsu fullaa, aka ilmaani heddu guddinna isaa qoodachiisu. Wonti akanatiifi nami worra dura deeme baafama worraa kennu Yeso.

¹¹Yesoni nama ch'ufa daba iraa qulqulleese, isaafi worri qulqulleesanileeni ka Abba taka tahani. Maro waan kanatifi Yesoni, Oboleyaani worraani jechu inch'eere.

¹² Inni waan jed'u, Ee Waaqa, anini waan kanke oboleyaani tiyyati dubbad'e, gumi isaani ch'ufa durati maqa kanke faarsa.

¹³ Inni ammalle waan jed'u, Anini abdi tiyya Waaqa ira keyad'a. Ammalle inni waan jed'u, Anini ijoolle Waaqi naa kenne woliini jira.

¹⁴Waan ijoolleeni suni nama nafafi d'iiga qabu taateefi, Yesoleeni aka worraa tahe nafa argate. Wonti inni akasi tolcheefi, aka duisa isatiini Sheet'ana, ka duisa ira jabeenna qabu dabsatu.

¹⁵Akanaani worra haguma jiru tissele duisa tahe duisa sodaate, tissooma suni keesaa baasu.

¹⁶Aki inni malaika inqarqaarre mirkana, ammo akuma t'aafiini jettu, Inni d'aloota Abrahamu qarqaara.

¹⁷Tanaafi inni kara ch'ufaani, akuma oboleyaani isaa tahu male, aka qaallu gudda ka d'ugatiifi ka naasu, huji Waaqa keesati tahe daba namaa araaramu.

¹⁸Duuba waan isale duri ilaalatani garagalchaniifi, inni dandae worra ilaalatani inqarqaara.