Read BORANA BIBLE – KITAABA WAAQA Ebrania 6 Bible Online

Ebrania 6 - BORANA BIBLE – KITAABA WAAQA bible

Ebrania 6

¹Tanaafi barsiisa qara ta Kristo lafa d'aamne, dura deemne ta hagasi ira jajabdu barachuu malle. Nu waan yayaba d'ugefacha teenna deebine keyannufi inqamnu; ta aka huji woma imbaane iraa deebiitifa Waaqa d'ugefacha fa barsiisa waan batisotiifi ta harka ira kayanifi kaisa nama duetiifi qorsuma hegeri d'uftu.

³Yo Waaqi jed'e akana tolchina.

⁴Nama qara d'ugefate eege lakise iraa bade dandaani daba iraa wo deebisani? Duri worri ifsa Waaqa keesa jira, galata gubba miefate qooda ufi ka Lubbu Qulqullo argate.

⁵Aka dubbini Waaqa dansa argani, ammalle jabeenna d'aloota d'ufule beekhani.

⁶Amma ya jigani! Tanaafi dandaani daba ira indeebisani, waan Ilma Waaqa ammalle mukha irati fannisani nama ch'ufa durati ch'eersaniifi.

⁷Lafa guyya ch'ufa bisaani d'udde ta mid'aani iti oobrani abba iti oobre baaftu Waaqi ineebisa.

⁸ Ammo yo qoraatifi harama guddo baafte woma imbaatu; Waaqi hegeri inabaara, eege ibidaani balleesani.

⁹Ammo yo akasi dubbannele, jaalaani teenna, nu waan keesani ya quumne. Nu imbeenna, aka isani eeba guddo ta baafama isani kennitu qabdani.

¹⁰Waaqi ka d'ugaati. Inni huji isani maro isa jaalattaniifi tolchitani inded'u, hojja isani gumi Waaqa duri qarqaartani arrale qarqaartani.

¹¹Fed'iini teenna guddooni, aka isani owa amma qabdani kana, haga muumme teetanini, aka wonti isani heregatani ch'ufti isanii taatu.

¹²Nu isanii lalaaftani imfeenu, ammo aka worra d'ugefate obsu taatani feena, aka waan Waaqi kakhate argattani.

¹³Gaafa Waaqi Abrahamuti kakhate, inni aka waan qara jed'e guutu kakhate. Waan nami tokoleeni ka isa ira gudda injirreefi, inni gaafa kakhate maqa ufi d'ae.

¹⁴ Inni waan jed'e, Anini inkakhad'a, aka si eebise, ilmaani heddu sii kennu.

¹⁵Abrahamuuni obse jennaani waan Waaqi iti kakhate argate.

¹⁶Yo nami kakhatu, inni maqa nama isa ira jirutiini kakhata, ammalle kakhuuni waan nami irati wold'abe ch'ufa ind'ugefachiifti.

¹⁷Waaqi worra waan inni iti khakhate argate ch'ufa diideese iti himu fed'e, aka qalbi ufi garingalfanne, tanaafi aka jaba kakhate.

¹⁸Duuba waan lamati jira, ta injijiramneefi ta Waaqi dandae irati inkiyyimne.

¹⁹Abdiini tuni jabduu aka male nu jabeesiti. Isiini jabdufi d'uga, ammalle golla Mana Waaqa ka gubba jiru keesa seenti, haga Fulla Qulqullo.

²⁰ Yesoni ya maro teennaafi nu dura seene. Inni ya qaallu gudda haga hegeri tahe, aada qaalluma Melkizedeki gula.