Read BORANA BIBLE – KITAABA WAAQA 1 Petro 4 Bible Online

1 Petro 4 - BORANA BIBLE – KITAABA WAAQA bible

1 Petro 4

¹Maro Kristoni nafaani gaargaleefi, isanileeni herega suniini ufi jabeesu maltani: wonti akanatiifi nami nafaani gaargale tokoleeni iti deebie daba keesa inseenu.

²Armaa achi jireenna keesani ch'ufaani fed'i Waaqa keesa taa, d'araa nafa lakisa.

³Wonti akanatiifi isani ya bara heddu waan worri Waaqa imbeenne tolchu tolchitani. Jireenna keesani keesa ya waan t'uritiifi d'araa nafatiifi d'ugaati farsotiifi sabdoomafi machifi kad'acha d'ara, ta waan harkaani boch'ani, gula yaatani.

⁴Amma worri Waaqa imbeenne, yo isani aka worraa waan t'uritiini imbineensomne, mame isani arabsa.

⁵Ammo worri kunini ch'ufti waan qara tolche, Waaqa nama jiruufi ka duele qorisa kurfo jiru durati himachu male.

⁶Maro waan kanatifi Odu Dansa worra qara due, ka aka nama ch'ufa nafaani qoraniti odeesani. Wonti worrati odeesanifi aka worri lubbuuni aka Waaqi jiru jiraatu.

⁷Muummeeni waan ch'ufa ya d'iaatte. Tanaafi ufi tissitani kurfo tau maltani, aka Waaqa kad'attani.

⁸ Waan ch'ufa ira woljaalad'a, wonti akanatiifi jaalalti daba heddu d'ossiti.

⁹Gungumsu male, aananifi fooni qabdani woli kenna.

¹⁰Nami ch'ufti ya Waaqa iraa eeba argate. Duuba inni eeba suni ha jabeese nama ch'ufaani qarqaaruti.

¹¹Nami wo barsiisu ha dubbuma Waaqaa barsiisuti; nami hojatu ha jabeenna Waaqi kennufiini hojatuuti; aka waan ch'ufa keesati Waaqa faarsani, Yeso Kristo, ka guddinnaafi jabeenna haga hegeri qabu keesa. Amini.

¹²Jaalaani tiyya, ilaalacha guddo isani gubde d'ukubsitu tana woma insehiina, aka waan wonti nami taka inargiini tahu jirtu.

¹³Ammo gammada, maro isani gaargala Kristo qoodattaniifi, aka hojja guddinni isaa mullatu gammadi keesani qit'au.

¹⁴Ayyaana keesani yo maro maqa Kristotiifi isani arabsani; wonti kunini aka Lubbuuni Waaqa, ta guddinna, gara keesani d'ufte agarsiifti.

¹⁵Isaniini tokoleeni nama ijeeftani yokhaani wo hattani yokhaani wo yakitani yokhaani waan nama keesa seentani ingaargaliina.

¹⁶Ammo yo maro isani Kristianatiifi isani gaargalchani inch'eeriina, ammo galata Waaqaa deebisa, waan isani maqa Kristo qabdaniifi.

¹⁷Hojjaani qorsuma ya geete, qaraa fiit'e worra Waaqaa qorani. Yo qara nuuni iti keyatani, worra Odu Dansa ta Waaqa ind'ugefanne maani tolchani?

¹⁸ Akuma t'aafiini jettu, Yo aki nami dansaani bahu gaargala taate, jara daba, ka Waaqa imbeenne, maani tolchani?

¹⁹Tanaafi worri maro fed'ii Waaqati gaargalu, ha huji ufi dansaani harka nama worra uume, ka hojja ch'ufa kakhu ufi guutuuti kennuti.