Read BORANA BIBLE – KITAABA WAAQA Waan Yohanati Mullisani 16 Bible Online

Waan Yohanati Mullisani 16 - BORANA BIBLE – KITAABA WAAQA bible

Waan Yohanati Mullisani 16

¹Jennaani anini qonqo guddo ta Mana Waaqa keesa malaika torbaaniini dubbattu d'agaye: Beena, d'aqa, qori torbaani ta dalansu Waaqa lafati jissa jette.

²Malaikaani qara d'at'e qori ufi lafati jissite. Madaani hamtuuni worra beesisa bineensa ufira qabuufi worra akheekha isaa guddiseeni baate.

³Jennaani malaikaani lameeso qori ufi galaanati jissite. Bisaani ch'ufti aka d'iiga nama due tahani, wonti galaana keesa jira ch'ufti rawatte.

⁴Jennaani malaikaani sadeeso galaanafi maddo bisaaniti qori ufi jissite, duuba d'iiga tahani.

⁵Anini malaika bisaani ta akana jettu d'agaye: Atini qorsuma tolchite tana keesati ka d'ugaati, Ee Qulqullo, ka ammafi durile jiru.

⁶Worri d'iiga worra qulqullo ka raagoota jisse, tanaafi atini ya d'iiga worra obaafte. Waan worraa male argachu jirani!

⁷Jennaani anini qonqo fulla waan sorio, irati qalani ta, Aabbo Waaqa gudda! Qorsumaani tante ta d'ugaati jettu d'agaye.

⁸Jennaani malaikaani afreeso qori ufi adu gubbati jissite, duuba ee jed'ani aka isiini owa guddaani nama gubdu.

⁹Owi nama ch'ufa gube, nami maqa Waaqa, ka gaargala kana harkaa qabu, abaare; ammo worri daba iraa deebie jabeenna isaa faarsu dide.

¹⁰ Jennaani malaikaani shaneeso qori ufi barch'uma guddinna bineensati jissite. Guddinni bineensa dukanae, nami ch'ufti d'ukubsate, araba ufi ch'iniine,

¹¹maro madaafi d'ukubsacha ufitiifi, Waaqa gubbaa arabsa; ammo hameenna ufi iraa indeebine.

¹² Jennaani malaikaani jaeeso qori ufi galaana Efratiti jissite. Galaani gogoge, aka hayyooti mirgaa kara argatte taakitu.

¹³Jennaani anini jinni hamtu sadi arge, ta raacha fakaattu, ta afaani jawetiifi afaani bineensatiifi afaani raaga d'ara keesaa yaatu.

¹⁴Tunini lubbu jinni ta waan mama tolchitu. Lubbuuni tunini sadeeni gara hayyoota lafa ch'ufa yaati, aka hayyoota tana guyya jaba ka Waaqa Gudda had'iisafi wolti yaamtu.

¹⁵ Ch'aqasa! Anini aka hattu d'ufa! Ayyaana nama rafu dide woya ufi qorqoratu, aka qulla biyya keesa dedeeme inch'eere.

¹⁶Jennaani lubbuuni taani fulla afaani Ebraniatiini Har-Magedoni jed'aniti hayyoota ch'ufa wolti guurte.

¹⁷Jennaani malaikaani torbeeso qori ufi qilleensati jissite. Qonqooni guddooni barch'uma hayyuma ka Mana Waaqa keesa jiru keesaa baate waan jette, Ya tolchani!

¹⁸Hangaasufi iyanafi mandiisuuni d'ufte, lafti chochoote. Haga nama uumani taka lafti akana inchochoone; chochoiti tunini ch'ufa ira hamtu!

¹⁹ Diri guddaani fulla saditi gargari dayae, dira lafa ch'ufa keesa jiru balleesani. Waaqi dira Babiloni gudda qaabate, daad'i mudunu ufi obaase, daad'i dalansu isaa.

²⁰Lafti jiddu bisaani keesa jirtu badde, gaareeni ch'ufa lafa d'abani.

²¹D'akhaani bokeeni roobuuni ka haga ratili d'ibba toko gubbaa lafati jige nama d'oose. Nami ch'ufti Waaqa abaare, maro d'aanicha d'akha bokaa ka gubba namati gadi roobe.