Read BORANA BIBLE – KITAABA WAAQA Ruthi 1 Bible Online

Ruthi 1 - BORANA BIBLE – KITAABA WAAQA bible

Ruthi 1

¹Gaafa duri bara jaallabooti lafa fidde, oolaani jabduuni toko lafa d'ufte. Jennaani namichi toko, ka dira Bethlehemu lafa Yuda keesa, niiti isaatiifi ijoolle isaa ta d'iira lamaani woliini lafa Moabuti godaane.

²Maqaani namicha suni Elimeleki, niiti isaa maqaani Naomi, ilmaani isaa lamaani maqaani Malonifi Kilioni. Balbalti worraa Efrati, worri worra Bethlehemu lafa Yuda keesa. Jennaani lafa Moabu d'aqani achi qubatani.

³Ato achi jiranu, Elimelekiini d'iirsi Naomi due, duuba isiini ilmaani ufii ta d'iira lamaani woliini hafte.

⁴Worri lachu dubra gosa Moabu fuud'e; maqaani toko Orpa, taani maqaani Ruthi.

⁵Ganna kud'ani lafa suni keesa teennaani Malonifi Kilioniini lubbu d'abani, haati koba hafte, d'iirsafi ilmaani male.

⁶Ato lafa Moabu jirtu, Naomiini aka AABBO Waaqi worra isaa qaabate sagale kenneefi d'ageete jennaani, nad'eeni ilmaani isii taani woliini kurfefatte, aka lafa ufiti deebitu.

⁷Duuba isiini, dubra suni lamaani woliini, lafa Yudati galissa kaate.

⁸Ammo Naomiini waan dubra lamaani suniini jette, Beena, worra keesaa d'allattaniti dachaa. AABBO Waaqi isanii nahinna, aka isani naafi worra duele naatani.

⁹Isiini worra d'ungannaani, worri iti bohe

¹⁰dubbi isii dide waan jed'e, Nu suma woliini gosa teetiti galla.

¹¹Ammo Naomiini waan jette, Dubra tiyya, na gula iyyaaiina, dachaa; d'iirti d'ibiini garaati na inhamne ta isani fuutu.

¹²Dachaa, dubra tiyya, anini amma ya jaare hobae, nami na fuud'uleeni injiru. Yo sila dubbi jenne, herega d'iirsa argad'uuni qabaad'e halkanuma kana na fuud'ani ilmaani d'iira d'alelle,

¹³haga isiini gugurdattuuti eegu indandeetani? Tanaa jettani fuud'a diddani? Akasiniti, dubra tiyya, anini maro teesani guddo laalefad'a ka AABBO Waaqi naasu naa d'abe.

¹⁴Ammalle guddo wolti bohani jennaani Orpaani haad'a isii d'ungatte nagayaati jetteeni, ammo Ruthiini iti mamaratte.

¹⁵Duuba Naomiini waan jetteeni, Intala, aaddaani tante ya worra ufitifi aada iti d'aletteti galte, aadda tante gula deebii.

¹⁶Ammo Ruthiini waan jette, Ufi gula deemu na ind'owiini, nu wolumaani Yaana; gara ati deemtu ch'ufa anini indeema, fulla ati teetu anileeni taa; gochi tante gosa naa taati; Waaqi kanke Waaqa naa taha;

¹⁷fulla ati dootuti anileeni indua; artumati na awaalani. Waaqi na ijeesinna, yo dua male wonti d'ibiini gargari nu baafte!

¹⁸Naomiini aka isiini guddo isi gula deemu feetu agarte jennaani woma tokole gula indeebimne ch'alifte.

¹⁹Jennaani worri lachu yae dira Bethlehemu d'umnaani, worri dira sunii dibbise iti baafate; nad'eeni waan jette, Tunini d'uguma Naomi?

²⁰Isiini waan jetteeni, Naomi naani injed'ina, Mara jed'a na yaama. Woni akanatiifi Waaqi guddaani ya jireenna nati had'eese.

²¹Gaafa duri armaa deeme waan ch'ufa qaba, ammo AABBO Waaqi ya duwa na galche. Maafi Naomi naani jettani, eegi AABBO Waaqi guddaani lafa na buuse gaargala natiini d'ufe?

²²Akasiini Naomifi Ruthiini, intalti ilma isii, ta gosa Moabu, lafa Moabu keesaa galani. Ka garbu haamu jirani dira Bethlehemutiini bahani.