Read BORANA BIBLE – KITAABA WAAQA 1 Samueli 21 Bible Online

1 Samueli 21 - BORANA BIBLE – KITAABA WAAQA bible

1 Samueli 21

¹Daudini Nobu fulla qaallicha Ahimeleki d'aqe. Jennaani Ahimelekini ka hollatu iti gabahe waan jed'eeni, Atini maanifi ka wahela inqamne koba arma d'ufta?

²Daudini waan jed'eeni, Hayyichati huji na erge, ammo inni huji suni namuti inhimini nani jed'e. Ammo anini nama na jala hojatu yayu fulla tokoti wolti d'ufna jed'eeni.

³Amma atini sagale woreega maani harkaa qabda? Qit'a shani yokhaani waan qabdufu naa kenni.

⁴Qaallichi waan Daudini jed'e, Anini qit'a woyyuma male qit'a d'ibi inqabu, qit'a suni hojja hojattuuni tante nad'eeni d'io tana bira ingahiini sii keenna.

⁵Daudini waan jed'eeni, Laki, jari kiyya qarale nad'eeniti ind'iaatu hojja imaltu yau, ammo keessuma hojja imaltu akana tana yau diqole iti ind'iaatu.

⁶Duuba qaallichi qit'a woyyuma kenneefi; wonti akanatiifi qit'aani inni qabu ka Waaqa baasani ch'alla, ka AABBO Waaqa duraa fuud'ani qit'a owani jijirani.

⁷(Namichi hojatu Saulo toko ka Doegi jed'ani, ka gosa Edomu guyya suni arti jira maro inni aada AABBO Waaqa guutu maleefi.)

⁸Daudini waan Ahimelikini jed'e, Woraanafi goraade toko ka naa kennitu qabda? Anini maro hujiini hayyuuni na erge tunini huji hurre tolchu malani tateefi woraanafi goraade tiyya arifad'e biraa deeme.

⁹Ahimelekini waan jed'eeni, Anini goraade Goliathi namicha Filisti ka atini bale Eela keesati ijeefte ch'alla qaba; isiini kuuno, achi miha woyyuma suni duuba mamarani teeti, yo feete fud'ad'i isi male goraadeeni d'ibiini injirtu. Daudini waan jed'eeni, Qarale goraadeeni isi ira jirtu injirtu, naa kenni.

¹⁰Duuba guyya suni Daudini kae, Saulo duraa baqate, hayyu Akishi ka dira Gathitini bahe.

¹¹ Hojattuuni hayyicha suni waan hayyichani jette, Kunini Daudiniti ka hayyu lafa isaa, kunini namicha nad'eeni sirba keesa faarsite akana jettuniti? Sauloni nama kunkikunki ijeese, ammo Daudini nama kunkikunki kud'ani ijeese.

¹²Dubbini tunini guddo garaa Daudi tut'e, inni guddo hayyu Akishi sodaate.

¹³Tanaafi hojja worra suni bira jiru inni maraata ufi tolche hojja worri isa d'owele ufi maraache; inni balbala fullo dira irati wot'at'afe, gorora areda ira ufi gayaase.

¹⁴Jennaani Akishini waan hojattu ufitini jed'e, Namicha kana laala wonini maraata, isani maanifi natiini d'uftani?

¹⁵Anini qara maraata arge inquumne? isani maanifi maraata d'ibiini nati d'uftani? Ka mana keesaleeti maraatu isaatini na gargalchu?