Read BORANA BIBLE – KITAABA WAAQA 1 Samueli 22 Bible Online

1 Samueli 22 - BORANA BIBLE – KITAABA WAAQA bible

1 Samueli 22

¹Daudini dira Gathiti baqate goda d'akha ka d'aatu dira Adulamutini bahe. Oboleyaani isaatiifi worri isaa ch'ufti aka inni arti jiru d'ageennaani iti d'ufani.

²Nami dabsanifi ka gati baasu dad'abeefi ka nama quufa d'abeleeni isati d'ufe; worri suni nama haga d'ibba afuri, duuba inni gudda iti tahe.

³Daudini achii kae, dira Mispa ka lafa Moabu d'aqe, waan hayyicha Moabutini jed'e, Aabbo, na qarqaari, abbaafi haati tiyya ha fulla tante teetuti, haga anini waan Waaqi naa tolchu hubad'uti.

⁴Duuba Daudini fulla hayyu Moabuti worra lakise, worri haga Daudini goda d'akha keesa jiru ch'ufa achuma tae.

⁵Jennaani raagi Gadi jed'ani fulla Daudi d'ufe waan jed'eeni, Arma intaini, kai, lafa Yuda d'aqi. Duuba Daudini kae badda Harrethi d'aqe achi tae.

⁶Guyya toko Sauloni, ka Gibea jiru, gaara kore, ka woraana harkaa qabu mukha toko jala tae; worri gugurdaani askarti isaa ch'ufti isa marse ejaanje. Jennaani qonqooni d'ufte waan jed'aniini, Daudifi jari isaa yayu mullate.

⁷Duuba inni waan worra gurgurda askarti isaa sunini jed'e, Isani worra gosa Benjamini, na ch'aqasa! Isani waan Daudini oobru mid'aanitifi ta zabibu isani ch'ufaa kenne, ammalle worra gugurda askarti isaa isani tolchu seetani? Wonti isani nati malatani na balleesu feetanifi tana?

⁸Isani nami tokoleeni aka ilmi anini d'ale Daudini wold'aqani nati inhimne isani nami tokoleeni na iyyaalu, yokhaani nami tokoleeni aka Daudini hojattuuni tiyya gaade na ijeesu fed'u, yokhaani aka ilmi kiyya isaa wahelche nati inhimu!

⁹Gaafasi Doegini, ka worra Edomu, worra gugurda askarti suni woliini achi eja. Jennaani inni waan jed'e, Anini gaafa Daudini gara Ahimeleki, ka ilma Ahitubu, lafa Nobu keesa jiru d'aqe ya arge.

¹⁰Duuba Ahimelekini waan Daudini tahuu male AABBO Waaqa gaafatefi, woreegaafi goraade Goliathi, ka gosa Filisti, kenneefi.

¹¹Jennaani hayyichi Sauloni qaallicha Ahimelekifi fiit'a isaa ch'ufa ta qaalole Nobu yaame worri d'ufe jennaani.

¹²Sauloni waan Ahimelekini jed'e, Ilma Ahitubu, na ch'aqasi. Jennaani inni waan jed'eeni, Aabbo si ch'aqasuu jira.

¹³Sauloni waan jed'eeni, Sifi Daudini maanifi aka na balleesitani nati malattani? Atini maanifi woreegaafi goraade iti kennite Waaqale waan inni tahuu male gaafatefi? Inni amma nati garagale qoomni nani ijeesu barbaaduu jira.

¹⁴Ahimelekini waan jed'eeni, Askarti tante ch'ufa keesa nami aka Daudi waan d'uga tolchu injiru. Inni sodda keeti, ammalle nama gudda askarti ka si tissu, ka nami si hojatu ch'ufti guddo saalfatufi.

¹⁵Guyyaani anini waan inni tahu male Waaqa gaafad'eefi suni ch'allaniti. Waan mala sini balleesani, ee hayyicha, naafi worra kiyyale tokole ingaafatini, nu keesa injiru.

¹⁶Ammo hayyichi waan jed'eeni, Ahimeleki, siifi worri kankeleeni ch'ufti hobau maltani.

¹⁷Jennaani inni worra isa eegu kaani, ka isa d'aatu ejuuni waan jed'e, Qaalole AABBO Waaqa fit'a! Worri Daudini wolmalatani ammalle aka inni baqate, ato beekhu, na d'osse. Ammo worri sunini harka ufitini qaalole AABBO Waaqa suni fit'u dide.

¹⁸Jennaani hayyichi waan Doegini jed'e, Atumaani worra hobaasi, jennaani Doegini ch'ufa hobaase, akasiini inni guyya suni qaalole nama saddetami shani ta ch'ufti woya boofta ta aka korbo hid'atani taani ufira qabdu hobaase.

¹⁹Sauloni ammalle, nama dira qaalole ka Nobu keesa tau ch'ufa fit'a jed'e: d'iirafi nad'eeni, ijoolleefi daimale, loonifi harree, reele ch'ufa hobaasani.

²⁰Ammo Abiatharini, ilmi Ahimeleki toko, fiige Daudini bahe wolinitaani.

²¹Inni aka Sauloni qaalole AABBO Waaqa hobaase Dauditi hime.

²²Daudini waan isani jed'e, Anini qara gaafuma Doegi achiti arge suni beekhe aka inni Sauloti himu. Duuba tanaafi duisa worra keesani suni ch'ufa anati d'ufeeni.

²³Atini insodatini, na woliini tai, Sauloni, nami sii ijeesu fed'u nale ijeesu fed'a, ammo yo atini na woliini teete woma intaatu.