Read Babanki 2 Kolìntyàns 13 Bible Online

2 Kolìntyàns 13 - Babanki bible

2 Kolìntyàns 13

¹Mà ne sə vi ə ghayntə ghə̀ŋ alə a ndiʼ aghayn a tàʼ. Ŋwàʼlə̀ Nyìngòŋ gàʼ la, wìʼ diʼ sə gàʼ la wìʼ ne li byɨbsə kənyʉ̀, nchò nsòʼ ə wen diʼ ndiʼ viʼi və bò kò və tàʼ.

²A tə ndiʼ ando mà nvi yen ghə̀ŋ a sə diʼ aghayn a bò, ma nku li kətyiftə a viʼi vyi a və tə ne nyʉ̀ ə byɨvə, be ku no tèbe ando ə tsen. Ma ku kətyiftə na ki luwen, ko ma lu diʼ tèbe a ghə̀ŋ a ben. Ma gàʼà la mà sətsen be bwènə̀ vì, mà ku ngəʼ no tèbè a ndò yi a ghə̀ nè byɨbsə kənyʉ̀.

³Ma a vì ə diʼ a ghə̀ŋ la ma gàʼà no tèbe la ghò, mu à gàʼ Yesò byìʼì ando à diʼ kənyʉ̀ kì a ghə̀ŋ kəŋ ə zhʉ. Ma diʼ a ghə̀ŋ la Yesò ko bwaʼa, la ghə̀ boŋsə diʼi tò nò kədyòʼ kə wen a ghə̀ŋ a ntìntìn.

⁴Kə diʼ nəmwèʼè la ghə̀ ko kiʼ tebè kədyòʼ azhʉ̀ a və mbàyntə wen a kəntò ali, ə bwensə lu sə tsi byìʼì kədyòʼ kə Nyìngòŋ. Kə le diʼi la à diʼ ə ntsìnə̀ yi a yès ə̀ tsì və ghə̀ŋ, yès gho kədyòʼ to nə̀ wen ali be boŋ tsi to tsi byìʼì kədyòʼ kì a Nyìngòŋ ə nkù li a wen.

⁵Ghə̀ŋ shə̀tə̀ lye təwen ə təŋtə la, ghə̀ŋ le tsi to nə̀ viʼi və byɨməvə lo. Ghə̀ŋ shə̀tə̀ lye təwen ə təŋtə. Kə lə diʼ la ghə̀ŋ ko yenə la Yesò Klistò tsi a ghə̀ŋ a ntìntìn mu? Ghə̀ŋ diʼ yen ali a bwen to la ghə̀ŋ ko tsi ntsìnə̀ viʼi və byɨməvə.

⁶Ma kɨli la a diʼ fa yès mu yès diʼi li la yès diʼ to no nkàyntə̀ viʼi ntɨm ə Yesò. Nkàyntə̀ ghə̀ŋ kɨli alì.

⁷Yès ə jɨ̀mə̀ la ghə̀ŋ ntsi ntsìnə̀ sə jùŋsə, ko ghə̀ŋ nè mbyɨ. Yès ə ko gàʼ alə ndiʼ ghə̀ŋ sə tsi, kə ndiʼ la yès diʼ viʼi ntɨm və juŋəvə. Yès ə boŋsə kəŋ to la ghə̀ŋ ə ne kənyʉ̀ ki a diʼ kənyʉ̀ kətɨməkə no tèbe azhʉ̀ a ghə̀ŋ kwoʼtə la yès ko nè tebè shwèʼ yèsə akàyn.

⁸Yès zizi ko yès lu shə̀ʼtə̀ kənyʉ̀ kì kə a ko diʼ kənyʉ̀ kə nəmwèʼè, yès ə shə̀ʼtə̀ to kənyʉ̀ kə nəmwèʼè.

⁹Yès ə saŋlə no zhʉ̀ ko a ghə̀ŋ ə to a kənyʉ̀ kə Nyìngòŋ no tebe ando və ko yenə adyòʼ yi a yès kiʼi. Yès jɨ̀mə̀ to la ghə̀ŋ nkwi a kənyʉ̀ kə Nyìngòŋ.

¹⁰Ma nyoʼo ŋwàʼlə̀ ghèn la ghə̀ vi a ghə̀ŋ a ambì mibu mà sə vi, ndi mà sə vi mu ghə̀ŋ kwitə li, ko ma be a diʼ kədyòʼ kòmkə a ghə̀ŋ. Ghə̀ŋ kɨli la kədyòʼ kì a Nyìngòŋ ə kù a mò diʼ la mà nkwisə ghə̀ŋ kwisə nə̀ kəwenkə, ghə̀ ko ku la mà byɨbsə ghə̀ŋ byɨbsə nə̀ kəwenkə.

¹¹Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

¹²Ghə̀ŋ toŋtə təwenə ə təŋtə to no a ji ə diʼ əkòŋ ə viʼi və byɨməvə.

¹³Viʼi və byɨməvə a ashə̀ nò vətsèm ə toŋtə ghə̀ŋ.

¹⁴Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.