Read Bafia TIMOTE 2 Bible Online

TIMOTE 2 - Bafia bible

TIMOTE 2

¹Kìɓan ki asu ki ntɔki ki ri lɛ, ɓum ɓɛɛ tɔtɔg Bɛ̀ll ɓìɓan, ɓɛ ɓɔɔ̀ɓɔ̀ŋzì nyi, ɓɛ reǹɗèn nyi mɛ̀tɔɓ di ɓɛɛ̀ fafa nyi ɓìtògsɛ̀n ɓisuu ɓum ɓɛ̀cèm,

²ɓisuu mɛfòm, rì ɓum ɓɛ̀cèm ɓɛ ɓɛ ri ɓɛ̀làmì, lɛ di ti ghɛɓ cɛɓ ki fyòoog rì tɛ̀tɛ̀rɛ̀ɛ̀, tì falɛ̀n ɓi rìgherɛ̀n lɛɛ̀gwey, tì ɓa ɗì rìmum.

³Fɔlɔɔ yɛɛ kiì lɛ, à rɔɔtɛ̀n à ki yɛ̀lɛn ɓi mis mɛ Bɛ̀ll ànɛ à rì ǹghɛɓsì wìs,

⁴ànɛ a kɔ̀ngi lɛ ɓum ɓɛ̀cèm ɓɛɛ ghɛn cɛɓ, ɓɛ kpaŋ ɓi nɗɛli wulɛ ɓɛɛ yi saaɗ.

⁵Ɓisuulɛ Bɛ̀ll à rì lɔŋ bogtɛ̀n, mum à ki ɓa girig bog ɓi nyìinyìm ànɛ lɛ rì Bɛ̀ll rì ɓum, nnyɛɛ ri Yeesus Kiris ànɛ à rì mum;

⁶nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

⁷Kìɓan kiǹ kɛɛ̀ki ɓɛ rɛsìghà mɛ̀ miì lɛ mɓa ǹghagsì-ɓɔlɛ rì ǹkɛ̀nì-fìtom anɛ miì. Nkpaakpaa saaɗ, m̀pwàa ɓi, ǹɗì ǹɗèsàg à ɓumɓɛ ɓɛ yin Ɓɛ̀yudɛ̀n, ànɛ a rèresi ɓɔ rìgherɛ̀n, rì saaɗ.

⁸Rìkɔ̀n ɗyɛm̀ ɗi ri min lɛ ɓɛ̀baŋì ɓɛɛ ɓɔɔɓɔ̀ŋzàg jàŋ bimiɗ, ɓɛ pɛpɛ̀sì ɓyàg ɓi ɓi ri ɓì tɛnɛn aɗyoo, kɛ̀ɛ̀ bim nsoò paàzì.

⁹Ɓɛ̀yiɓ ɓɛ ghɛɛ̀sɛɛ girig kì waataagh yɛ̀ɛ ki ghɛɛ̀sɛɛ, ɓɛ ɓa rì ntoòrìɗ; ǹwaà waa wɛ̀ kɛɛ̀ yeesɛn, ɓɛ ghɛɛ̀sɛɛ ɓi ki ɓaaghraagh tyòŋ ti ti yeesɛɛ rìɓag, ɓɛ̀ kɛɛ̀ waatɛn mɛrɛ̀ŋ mɛ gol nsoò lɛ mɛ mɛ ri mɛ̀syaghɛn ri ɓyom ɓi ɓi ciɓtaagh kìrɔɔ, nsoò ɓìlàà ɓi ɓi kɛŋi lɛɛ̀gwey.

¹⁰Lɔŋ ɓìɓan ɓi syeesyee ɓi ɓɛɛ̀ kìkì, ɓyɛɛ ghɛɛ̀sɛɛ kì ɓaà mɛ̀rɛ̀ŋ maa, lɛ fɔlɔɔ yɛɛ ghɛɛ̀sɛɛ rì ɓɛ̀yiɓ ɓɛ ɓɛɛ̀ nɔ̀ɔnɔɔ̀tì rìgherɛ̀n.

¹¹Giɓ a ghɛ̀ɛ̀sɛɛ lɛ a maàrɛn lɛ fyòoog cààmɛ̀n ki ɓɛɛ̀ rèresi nyi, à ɓa rì mɛ̀wog lɛɛ̀gwey.

¹²Mɛ̀ ǹfaa ɓi ɓɛ̀yiɓ itèɗ wulɛ ɓɛɛ reresi[1] nsoò lɛ ɓɛɛ lami ɓɛ̀baŋì, ɓɛ ghɛɛ̀sɛɛ lɔŋ ki sìmi myɔm maa,

¹³ɓisuulɛ Adam nnɛ ɓɛ lokà kì kìi, ɓɛ ɓɔ̀ɓ min Ɛɛvɛ,

¹⁴rì tì lɛ àa Adam nnɛ ɓɛ yegsìghà, lɔŋ giɓ innɛ ɓɛ ɓaghà lɛ, ɓɛ mɛ yègsì, à kì kìɓe.

¹⁵Nsoò fɔlɔɔ, à ki rì ɓiì ghɛɛ cɛɓ, lɛ à rì rì ɓɔn, ɗì lɛ à ɓèŋi rìgherɛ̀n, à ghɛɓ ɓi nkɔ̀nɛ̀n, à ɓèŋɗɛ̀n ǹtɛnɛn ɓi nghay, à ki sɛɛ̀dɛn nyimiɗ ɓi zi.