Read Bafia TIMOTE 3 Bible Online

TIMOTE 3 - Bafia bible

TIMOTE 3

¹Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ì rì lɛ, i kɛɛ̀ kɔ̀nkɔn mum lɛ a ɓa ŋwaànɛ a kɛɛ̀si Kìseŋi, di ŋwaànɛ̀n miì a kɔ̀nkɔn syeesyee à kìsaay.

²Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

³Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

⁴Ki ghɛɛ̀sɛɛ lɛ à kɛ̀ɛ̀kɛ̀ɛ̀sì naa yìì i ɓum lɛ syeesyee, à yi rìkì lɛ ɓɔn ɓii ɓɛɛ ɓa rì mɛ̀wog, ɓɛ falàg nyi bɔgsɛ̀n yɛ̀ɛ ki ghɛɛ̀sɛɛ.

⁵Ɓisuulɛ i mum à yii ɓi rikɛ̀ɛ̀sì ɗi naa yìì i ɓum lannɛ à rì lɛ à yi rìfiɓì ɗi Kìseŋi ki Bɛ̀ll?

⁶Ki ghɛɛ̀sɛɛ ɓi lɛ à ɓa ŋwaànɛ à lɔ̀ɔ̀ghrɛɛ ǹɗen nyɔn, lɛ ɓìdaŋà ɓi ri lɛ ɓi ɓɔg nyi ɓi nto, à ki ghay lɛ à teri zɔɔ yi Satàn.

⁷Ki ghɛɛ̀sɛɛ girig lɛ ɓumɓɛ ɓi dan ɓɛɛ sɛg nyi di ɓɛ̀ kɛɛ̀ sɛɛti nyi, fɔlɔɔ a kì nyi lɛ a kpi ɓi fìram fi Satàn.

⁸Ɓɛ̀dyaakìrɛ̀ girig ɓɛɛ ɓa rì rìmum, ɓɛ ɓa ɓumɓɛ ɓɛ yin ɓiì ghèeghelɛ̀n ɓɛ̀ kɛɛ̀ falɛn ɓi mɛ̀rɔ̀g lɛɛ̀gwey, ɓɛ̀ kɛɛ̀ ki ɓa ɓumɓɛ ɓɛ yin ɓiì kaakaa rifɔ̀n ɗi mɛsòo;

⁹ɓɛ ghɛɛ̀sɛɛ kì ɓèŋì ɓiɓan ɓi ɓi ri ɓìnyamɛn ɓi rìgherɛ̀n rì nɗem wu wu ri wùtɛnɛn.

¹⁰Ki ghɛɛ̀sɛɛ lɛ ɓɛ ka fèèghrɛ̀n ɓɔ fɔɔnnɛ ɓɛ teɗ min mɛkɔ̀ɔ̀ mɛ ɓɛdyaakìrɛ̀ di ɓɛ ghɛɛ ɓi kiɓan ki ɓeɓtɛn a lɔ̀ŋkaa.

¹¹Ɓɛ̀yiɓ girig ɓɛ ghɛɛ̀sɛɛ lɛ ɓɛ ɓa rì rìmum, ɓɛ̀ kɛɛ̀ ɓa ri mɛ̀wɔ̀wɔrì, ɓɛ kɛɛ̀ falɛn ɓi mɛ̀rɔ̀g, ɓɛ ɓa ɓumɓɛ ɓɛ tyweeyì ɓi ɓìɓan ɓìcèm.

¹²Dyaakìrɛ̀ à ghɛɛ̀sɛɛ kì ɓaà giɓ bog, à ki kɛ̀ɛkɛɛ̀sì ɓɔn ɓii, rì rìmɛɛ ɗii lɛ syeesyee.

¹³Ɓisuulɛ ɓumɓɛ ɓɛɛ̀ kìki kisay ki dyaakìrɛ̀ lɛ syeesyee, ɓɛ ti ɓɛ ɓalàg ɓumɓɛ ɓɛ̀geni ɓaa ɓɛɛ̀ nyaanyaàsì, ɓɛ ki rì lɛ ɓɛ totòg kɛ̀ɛ̀ ìris ɓi nɗem ɓi kìɓan ki wu tì rì rì wɔ ɓi Yeesus Kiris.

¹⁴Ǹkàniì wɔ̀ kaàtà ànɛ kìɓan kifog, ǹɗì rì ǹtyweeyi lɛ ǹɗì wɔ̀ ɓiì yùu ki ghɛɛ̀ ɓi mɛ̀ru mɛ̀ mɛtiì.

¹⁵Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

¹⁶Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey[2] ɓi ɗùm.