Read Bafia TIMOTE 4 Bible Online

TIMOTE 4 - Bafia bible

TIMOTE 4

¹Ǹghay a kpaaghi lɛ tɛntɛ̀ɛ̀n lɛ, ɓi mɛ̀ru mɛ siitòn, ɓum ɓɛɗɛŋ ɓɛ naŋigɛ rìgherɛ̀n, ɓɛ nɔɔ̀tì mɛ̀ghay mɛ mɓɔ̀ŋɗɛ̀n rì dɔgtɛ̀n yi ɓiɓeɓtàg ɓi mɛghay;

²ɓi fyɛɛ̀-fyɛɛ̀ ɓi ŋwɔm ìghèy ɓi ɗùm à ɓumɓɛ ɓɛɛ̀ rèresi ɓiɓan ɓi ɓɛpwàà ɓumɓɛ̀n ɓɛɛ̀ɓɛ mɛ̀rem maa mɛ ri mɛ̀ tɔ̀nɛn ɗi swiɗ ànɛ à ɓàŋiì ɓi ɗuu lɛ pɔɔŋ.

³Ɓumɓɛ̀n ɓɛ rerèg lɛ mum kɛ̀ɛ wɔlɛn, kɛ̀ɛ ki ɗi ɓiɗilàg ɓi Bɛ̀ll à kìghà lɛ ɓɛ̀gherɛ̀n ɓɛ ɓɛ yii saaɗ ɓɛɛ ɗiɗi di ɓɛɛ̀ fafa nyi ɓìtògsɛ̀n.

⁴Kɔlɛ ɓyom ɓìcèm ɓi Bɛ̀ll à kìghà ɓi rɔɔtɛɛ, fɔɔnnɛ com ki màghɛn ki yin; kɛɛ̀ tɔtɔg yɛɛri lɛ mum a ɗi com kìcèm di a fafa Bɛ̀ll ɓìtògsɛ̀n,

⁵ɓisuulɛ jɛ̀ɛ̀ ì Bɛ̀ll, rì bɔ̀ŋzɛ̀n ɓi ti ɓi kilàg lɛ ɓyom ɓìcèm ɓyɛɛ ɓa ɓìtɛnɛn.

⁶Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

⁷Kìɓan kifog, ù càɗ dàɗkì yi zɛy rì mɛ̀kànkàn mɛ ɓitùg ɓi ɓɛ̀yiɓ.

⁸Mɛ̀ɛ̀zi nyoo yɔ̀ɔ̀ ɓi rìfalɛ̀n ɗi ɓi rìgherɛ̀n; ɓisuulɛ rìmɛ̀ɛ̀zì ɗi nyoo ɓi tìcàɓ ti tyɛɛ̀ fafa itèɗ ɓi mɛ̀mùù ɗi ɓiisɛɛ ɓi kiɓaà rì gɛɓsɛ̀n kɔm̀ lɛ rìfalɛ̀n ɗi ɓi rìgherɛ̀n ɗi ghɛɓsii bee lɛɛ̀gwey; ɗi ri rì ǹkàg wu cɛɓ ki gɛɛ̀nɛ rì ki kɛɛ̀ yùyuiy.

⁹Jɛ̀ɛ̀ ìnɛn ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ ghɛɛ̀sɛɛ kì terì kɛ̀ɛ̀ nywey.

¹⁰Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

¹¹Ɓìɓan ɓiǹ ɓyɛɛ̀ɓi ù ghɛ̀ɛ̀sɛɛ kì siŋɗɛɛ ɓum lɛ ɓɛɛ ki, ù ki rèeresàg ɓɔ ɓyɔ̀.

¹²Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

¹³À kpaŋ yɛ̀ɛ ǹɗì ɓiì yùu, sììrɛn ɓi rìɓàɓày ɗi ɓiɓan ɓi Bɛ̀ll rì rìrerèɓ ɗi ɓum, ɗì rìrèèrèsàg ɗi ɓɔ.

¹⁴Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

¹⁵Falɛn wɛ̀ɛmiɗ bimiɗ ù ki foŋ ǹɗem ɓi kìsay kiǹ di fɔɔnnɛ kɛɛ ghɛnɛn ɓi mis mɛ ɓum ɓɛ̀cèm lɛ rìkìkì ɗyɔɔ ɗi kisay ɗyɛɛ̀ ceecenɗɛ̀n.

¹⁶Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.