Read Baibul, Mizo Genesis 11 Bible Online

Genesis 11 - Baibul, Mizo bible

Genesis 11

¹Tin, leia mi zawng zawng chu tawng hmun khat leh thu sawi dan hmun khat an ni vek a.

²Tin, heti hi a ni a, khaw chhak lama an insawn zel lai chuan Sinar ramah phaizawl an hmu a; chutah chuan awm hmun an khuar ta a.

³Tin, "Hawh u, leirawhchan siam i la, tha takin i rawh ang u," an inti hlawm a. Tichuan lung aiah leirawhchan an hmang a, a charna'n alkatra.

⁴Tin, "Hawh u, khawpui siam i la, in sang a chhipina van tawng turin sa bawk i la, kan hming i tithang ang u; chutilochuan lei chung zawng zawngah hian tihdarhin kan awm dah ang e," an ti a.

⁵Tin, LALPA chu mihring faten khawpui leh in sang an siam vel chu en turin a zuk chhuk a.

⁶Tin, LALPA chuan, "Ngai teh u, mite hi pum khat an ni a, an zain tawng hmun khat an nei si a; hei thil an ti tan a nih hi; tunah zawng an thiltih tum reng rengte pawh khapsak rual a ni tawh lo ang.

⁷Hawh u, i zuk kal ang u khai, tawng an inhriat tawn theih lohna'n khutah khuan an tawng i zuk tihhransak ang u," a ti a.

⁸Chutichuan LALPA'n anniho chu chuta tang chuan lei zawng zawngah chuan a tidarh a: tichuan an khawsiam chu an bansan ta a.

⁹Chuvangin a hming chu Babel an ti a: LALPA'n chutah chuan leia mi zawng zawng tawng chu a a tihhransak tak avangin: chuta tang chuan LALPA'n anniho chu lei chung zawng zawngah chuan a tidarh ta bawk a.

¹⁰Heng hi Sema thlahte chu an ni. Sema chu kum 100 mi a ni a, tui let hnu kum hnih chinah chuan fapa Arpaksada a nei a:

¹¹tin, Arpaksada a neih hnu chuan Sema chu kum 500 a la dam a, fanu leh fapate a nei leh hlawm a.

¹²Tin, Arpaksada chuan kum 35 a nihin fapa Sela a nei a:

¹³tin, Sela a neih hnu chuan Arpaksada chu kum 403 a la dam a, fanu leh fapate a nei leh hlawm a.

¹⁴Tin, Sela chuan kum 30 a nihin fapa Ebera a nei a:

¹⁵tin, Ebera a neih hnu chuan Sela chu kum 403 a la dam a, fanu leh fapate a nei leh hlawm a.

¹⁶Tin, Ebera chuan kum 34 a nihin fapa Pelaga a nei a:

¹⁷tin, Pelega a neih hnu chuan Eberra chu kum 430 a la dam a, fanu leh fapate a nei leh hlawm a.

¹⁸Tin, Pelega chuan kum 30 a nihin fapa Reuva a nei a:

¹⁹tin, Reuva a neih hnu chuan Pelega chu kum 209 a la dam a, fanu leh fapate a nei leh hlawm a.

²⁰Tin, Reuva chuan kum 32 a nihin fapa Seruga a nei a:

²¹tin, Seruga a neih hnu chuan Reuva chu kum 207 a la dam a, fanu leh fapate a nei leh hlawm a.

²²Tin, Seruga chuan kum 30 a nihin fapa Nahora a nei a:

²³tin, Nahora a neih hnu chuan Seruga chu kum 200 a la dam a, fanu leh fapate a nei leh hlawm a.

²⁴Tin, Nahora chuan kum 29 a nihin fapa Tera a nei a:

²⁵Tin, Tera a neih hnu chuan Nahora chu kum 119 a la dam a, fanu leh fapate a nei leh hlawm a.

²⁶Tin, Tera chuan kum 70 a nihin fapa Abrama te, Nahora te, Harana te a nei a.

²⁷Tin, he'ng Tera thlahte chu an ni. Tera chuan fapa Adrama te, Nahora te, Harana te a nei a; tin, Harana chuan fapa Lota a nei a.

²⁸Tin, Harana chu a pianna rama, Kaldai-ho khua Ur-ah, a pa Tera hmaah chuan a thi a.

²⁹Tin, Abrama leh Nahora chuan nupui an nei a: Abrama nupui hming chu Saraii a ni a; Nahora nupui hming chu Harana fanu Milkaii a ni a, Harana chu Milkaii pa leh Iskaii pa chu a ni.

³⁰Tin, Saraii chu a ching a; fa reng a nei lo a.

³¹Tin, Tera chuan a fapa Abrama te, a fapaa fapa (Harana fapa) Lota te, a mo, a fapa Abrama nupui Saraii te a hruai a; tin, Kanaan-a kal turin Kaldai-ho khua Ur atang chuan an chhuak ho ta a; tin Haran khua an lo thleng a, chutah chuan awm hmun an khuar ta a.Tin, Tera dam chhung chu kum 205 a ni a: tin, Tera chu Haran khuaah chuan a thi ta a.

³²Tin, Tera dam chhung chu kum 205 a ni a: tin, Tera chu Haran khuaah chuan a thi ta a.