Read Baibul, Mizo Genesis 12 Bible Online

Genesis 12 - Baibul, Mizo bible

Genesis 12

¹Tin, LALPA'n Abrama hnenah chuan, "I khaw lam ata leh i laichinteho zing ata leh i pa in ata chhuak la, ram ka la entir tur che lamah kal rawh:

²tichuan chi ropui takah ka siam ang chia, mal pawh ka sawm ang chia, i hming ka tiropui bawk ang; tin, nang malsawmna ni ang che:

³tin, malsawmsaktu apiang che chu mal ka sawm ang a, anchhe lawhtu che chu anchhia ka lawh ang: nangmahah chuan leia hnam tin an la thawveng ang," a ti a.

⁴Chutichuan Abrama chu LALPA'n a hnena a sawi angin a kal ta a; Lota chu a hnenah a kal ve a: tin, Abrama chu Haran khua ata a chhuah lai chuan kum 75 mi a ni a.

⁵Tin, Abraman a nupui Saraii leh, a nau fapa Lota leh an sum deh chhuah zawng zawng leh Haran khuaa an mi neih takte chu a hruai a; Kanaan rama kal turin an chhuak a; tin, Kanaan ram chu an thleng ta a.

⁶Tin, Abrama chu, chu mi ramah chuan Sekem hmun thlengin, More sasua thleng chuan a kal zel a. Chung lai chuan Kanaanhote chu chu mi ramah chuan an awm a.

⁷Tin, LALPA chu Abrama hnenah a inlar a, "He ram hi i thlahte hnenah ka la pe ang," a ti a: tichuan chutah chuan a hnena inlar LALPA tan chuan maicham a siam a.

⁸Tin, chuta tang chuan Bethel chhak lama tlangah chuan a insawn a, a chutah chuan a puan in a zar a, a thlang lamah chuan Bethel chu a awm a, a chhak lamah Ai khua a awm a: chutah chuan LALPA tan maicham a siam leh a, LALPA hming chu a lam a.

⁹Tin, Abrama chu chhim ram lam pan cheuin a insawn ta zel a.

¹⁰Tin, chu mi ramah chuan tam a lo tla a: tin, chu mi ramah chuan tam chu a nasat em avangin Abrama chu Aigupta rama awm rih turin a chhuk ta a.

¹¹Tin, heti hi a ni a, Aigupta rama an luh dawn lai chuan a nupui Saraii hnenah chuan, "Ngai teh, hmeichhe hmel tha tak i ni tih ka hria:

¹²tichuan hetiang hi a ni ang, Aigupta-hoin an hmuh hunah che chuan, 'Hei hi a nupui a nih hi,' an ti ang a: tin, kei chu mi that mai ang, nang erawh chu an zuah ang che.

¹³I zara tha taka ka awm theihna'n leh nangmah avanga ka nun theih nan, 'A farnu ka ni,' khawngaih takin ti zel ang che," a ti a.

¹⁴Tin, heti hi a ni a, Abrama chu Aigupta rama a luh chuan, Aiguptaho chuan hmeichhia chu an hmu a, a hmel chu tha an ti em em a.

¹⁵Pharaoa mi liante pawhin an hmu a. Pharaoa inah an hruai lut ta a.

¹⁶Tin, ani chuan Saraii avangin Abrama chu tha takin a ti a: tichuan beram te, bawng te, sabengtungpa te, bawihpa te, bawihnu te, sabengtungnu te, sanghawngsei te a neih phah ta a.

¹⁷Tin, LALPA chuan Abrama nupui Saraii avangin Pharaoa leh a chhungte chu sawisak namen lohin a sawisa ta a.

¹⁸Tichuan Pharaoa chuan Abrama chu a ko a, "Ka chunga i thiltih hi eng tizia nge ni le? I nupui a ni tih engati nge mi hrilh loh?

¹⁹Ka farnu a ni,' engati nge i tih? Chu mi avang chuan alawm ka nupuia ka lo neih tak hial ni: aw le, tunah en rawh i nupui hi, hruai la, kal daih rawh," a ti a.Tin, Pharaoa chuan a chungchang thuah chuan mi hnenah thu a pe a, tichuan amah an han thlah ta a, a nupui nen a neih zawng nen.

²⁰Tin, Pharaoa chuan a chungchang thuah chuan mi hnenah thu a pe a, tichuan amah an han thlah ta a, a nupui nen a neih zawng nen.