Read Baibul, Mizo Genesis 2 Bible Online

Genesis 2 - Baibul, Mizo bible

Genesis 2

¹Tichuan lei leh van chu an chunga awmho zawng zawngte nen chuan siam zawh a ni ta a.

²Tin, Pathianin ni sarih niah chuan a thil siam chu a ti zo a: ni sarih niah chuan a thil siam zawng zawng chu a chawlhsan ta a.

³Tichuan Pathianin ni sarih ni chu mal a sawm a, a serh ta a: chu mi niah chuan Pathianin a thil siam zawng zawng, thu ngawta a siam leh kuta a siamte chu a chawlhsan tak avangin.

⁴Lei leh van siam lai khan an thlahte chu he'ng hi an ni, LALPA Pathianin lei leh van a siam ni khan.

⁵Tin, leia hnim reng reng hi leiah a la awm lo a, leia thlai reng reng pawh hi a Ia to hek lo: LALPA Pathianin lei chungah ruah a la surtir si lo a, lei lettu turin mihring lah an la awm hek lo;

⁶amaherawhchu lei atangin chhum a lo chhuak a, lei chung zawng zawng chu a tihnawng thin a ni.

⁷Tin, LALPA Pathianin Ieia vaivutin mihring a siam a, a hnarah chuan nunna thaw chu a thaw liut a; tichuan mihring chu mi nung a lo ni ta a.

⁸Tin, LALPA Pathianin chhak lamah, Eden-ah chuan huan a siam a; a mihring siam chu chutah chuan a awm tir ta a.

⁹Tin, lei atangin LALPA Pathianin thing mit la tak leh ei mi tinreng a totir a; nunna thing pawh huan lai takah chuan a totir bawk a, a chhia leh tha hriatna thing pawh.

¹⁰Tin, Eden atangin huan tihnawng turin lui a luang chhuak a; chuta tang chuan a peng darh a, peng li a lo ni ta a.

¹¹A pakhatna hming chu Pison a ni a: chu chu Havila ram zawng zawng hualtu chu a ni a, chutah chuan rangkachak a awm a;

¹²chu mi rama rangkachak chu tha tak a ni: chutah chuan bedolak leh berul lung pawh a awm.

¹³Tin, lui pahnihna hming chu Gihon a ni a: chu mi ngei chu Kus ram zawng zawng hualtu chu a ni.

¹⁴Tin, lui pathumna hming chu Hiddekel a ni a: chu chu Assuria ram chhak lama luang chu a ni. Tin, lui palina chu Euphrates a ni.

¹⁵Tin, LALPA Pathian chuan mihring chu a hruaia, Eden huanah chuan a enkawl leh a veng turin a dah ta a.

¹⁶Tin, LALPA Pathian chuan mihring hnenah chuan, "Huana thing tinreng rahte hi i duh duhin i ei thei e;

¹⁷a chhia leh a tha hriatna thing rah erawh hi chu i ei tur a ni lo: i ei chuan i ei ni la lain i thi ngei tur a ni," tiin thu a pe a.

¹⁸Tin, LALPA Pathian chuan, "Mihring amah chauha awm hi a tha lo e: a mah tanpuitu tur a kawppui awm mi ka siamsak teh ang," a ti a.

¹⁹Tin, LALPA Pathian chuan, leiin ram sa tinreng leh chungleng sava tinreng chu a siam a; tin, an hmingah eng nge a vuah dawn tih hriatna'n Adama hnenah a hruai hlawm a; tin, thil nung tinrengte chu Adama'n an hminga a lo vuah apiang chu an hming a lo ni hlen ta a.

²⁰Tichuan Adama chuan ran zawng zawng te, chungleng sava te, ram sa tinrengte chu hming a vuahsak theuh a; nimahsela Adama tan chuan tanpuitu tur a kawppui awm mi a awm lo a.

²¹Tichuan LALPA Pathian chuan Adama chu tui takin a muthilhtir a, tichuan a muhil ta a; tin, a nakruh pakhat a la a, chu mi ai chu tisain a awh phuitir ta a;

²²tin, LALPA Pathian chuan Adama laka a lak nakruh chu hmeichhiaah a siam a, Adama hnenah a hruai ta a.

²³Tin, Adama chuan, "Hei zet chu ka ruh ang ruh neia, ka tisa ang tisa nei ngei chu a ni: Mipa laka lak chhuah a nih avangin 'Hmeichhia' tih tur a ni ang", a ti a.

²⁴Chuvangin mipain a nu leh pa a kalsan ang a, a nupui a vuan ang: tichuan tisa pum khat an lo ni tawh ang,Tin, Adama leh a nupui chu an pahnihin saruakin an awm a, an zak lem lo a.

²⁵Tin, Adama leh a nupui chu an pahnihin saruakin an awm a, an zak lem lo a.