Read Baibul, Mizo Genesis 25 Bible Online

Genesis 25 - Baibul, Mizo bible

Genesis 25

¹Tin, Abrahama chuan nupui dang a nei a, a hming chu Keturi a ni a.

²Tin, ani chuan Zimrana tem Jakssana te, Medana te, Midiana te, Isbaka te, Suaha te a hrinsak a.

³Tin, Joksana chuan fapa Sheba leh Dedana a nei a. Tin, Dedana fapate chu Assurima te, Letusima te, Leumima te an ni a.

⁴Tin, Midiana fapate chu Epha te, Ephera te, Hanoka te, Abida te, Elda te an ni. Chung zawng zawng chu Keturi fate an ni a.

⁵Tin, Abrahama chuan a neih zawng zawng Isaaka a pe a.

⁶A hmeiho fapate erawh chu Abrahama chuan lawmmante a pe a; tin, amah a la dam lai ngei chuan afapa Isaaka hnen ata chu khaw chhak lamah, khaw chhak ramah c huan a kal botir ta*hlawm a.

⁷Tin, Abrahama dam chhung chu kum 175 a ni a.

⁸Tin, Abrahama chuan a thlarau a thlah a, lua kelsam to vek, putar tak, tar kuna damin a thi a, chipuite hnenah chuan hruaiin a awm ve ta a.

⁹Tin, a fapa Isaaka leh Ismaela chuan Hit mi Zohara fapa Ephona loa Mamre zawna Makpela pukah chuan an phum ta a;

¹⁰chu mi lo chu Abrahama'n Hetha thlahte laka a lei a ni: chutah chuan Abrahama chu an phum a, a nupui Sari nen khan.

¹¹Tin, heti hi a ni a, Abrahama thih hnuah chuan Pathianin a fapa Isaaka chu mal a sawm a; tin, Isaaka chu Beer-la-hai-roi kiangah chuan a awm a.

¹²Tin, he'ng hi Abrahama fapa Ismaela, Sari bawihnu, Aigupta mi Hagarin Abrahama a hrinsaka thlahte chu an ni:

¹³he'ng hi an hming theuh leh an thlahte ang zelin Ismaela fapate hming chu a ni: Ismaela fa upa ber chu Nebaiotha a ni a; a naute chu Kedara leh Adbeela leh Mibsama leh,

¹⁴Misma leh Duma leh Massa an ni a;

¹⁵Hadada leh Tema, Jeturaaa, Naphisa leh Kedema an ni bawk a:

¹⁶chung chu Ismaela fapate an ni a; chung chu an khua ang zel leh an riahbuk ang zelin an hming ziak a ni a; an chi ang zel chuan lal sawm leh pahnih an ni a.

¹⁷Tin, Ismaela dam chhung kum chu hei hi a ni, kum 137 hi: tin, a thlarau a thlah a, a thi a, a chipuite hnenah chuan hruaiin a awm ve ta a.

¹⁸Tin, a fapate chu Havila ram atangin Assuria ram panzawngin Aigupta ram zawn Sur thlengin an awm a: a unau zawng zawng depah chuan a awm a.

¹⁹Tin, he'ng hi Abrahama fapa Isaaka thlahte chu an n: Abrahama chuan fapa Isaaka a nei a:

²⁰Isaakan Paddanaram rama Suri mi Bethuela fanu, Suri mi, Labana farnu Rebeki chu a nupuia a neih lai chuan kum 40 mi a ni a.

²¹Tin, a nupui chu a chin avangin Isaaka chuan LALPA hnenah a ngensak chiam a: tin, LALPA'n a dilna chu a ngaihthlaksak a, tichuan a nupui Rebeki chu a rai ta a.

²²Tin, a nau paite chu a kawchhungah chuan an insual a; tin, ani chuan, "hetiang a nih si chuan eng vangin nge ka dam reng le?" a ti a. Tichuan LALPA zawt turin a kal ta a.

²³Tin, LALPA chuan a hnenah, "I chhulah chuan chi hnih an awm a, i pum chhung atang ngei chuan hnam hnih an inthen ang a: Hnam pakhat chu hnam pakhat ai chuan a chak zawk ang a: Tin, a upa zawk chuan a naupang zawk rawng chu a bawl ang," a ti a.

²⁴Tin, a nau hrin a hun chuan ngai teh, a chhulah chuan phir an lo awm a.

²⁵Tin, a hmasa zawk chu a sena sen tur, puan hmul anga hmul thupin a lo chhuak a; tichuan a hmingah chuan Esauva an sa a.

²⁶Chu mi zawhah chuan a nau chu a chhuak leh a, a kutin Esauva ke artui chu a chelh reng a; tichuan ani hmingah chuan Jakoba an sa a: tin, Rebekin anmahni chu a hrin lai chuan Isaaka chu kum 60 mi a ni a.

²⁷Tin, naupangte chu an lo thang lian a: tin, Esauva chu sa pel thiam tak, mi ramvachal a ni a; Jakoba erawh chu mi ni chauh, puan in lamtea awm mi a ni.

²⁸Tin, Isaaka chuan a sakhi sa a ei thin avangin Esauva chu a ngaina a; Rebeki erawh chuan Jakoba chu a ngaina zawk a.

²⁹Tin, Jakoba chuan englo a chhum kawi a; tin, Esauva chu ram lam atangin a lo hawng a, a chau hle a:

³⁰tin, Esauvan Jakoba hnenah chuan, :Khawngaih takin i englo sen chhum kawi ngei kha mi eitir teh khai; ka chau em mai," a ti a. Chuvangin a ni, a hming chu Edoma an tih ni.

³¹Tin, Jakoba chuan, "I fa tir nihna mi leitir zet la le," a ti a.

³²Tin, Esauva chuan, "Ngai teh, ka thi lek lek a ni si a: fa tir nihna mai hi ka tan eng nge sawt ang?" a ti a.

³³Tin, Jakoba chuan, "Ka hnenah chhia chham zet rawh le," a ti a; tin, a hnenah chhia a chham a: tichuan a fa tir nihna chu Jakoba hnenah a hralh ta mai a.Tin, Jakoba chuan Esauva chu chhang leh dailuah chhum kawi a pe a; tichuan a eiin a in a, a tho a, a kal ta a: chutiang chuan Esauva chuan a fa tir nihna chu a ngainep a ni.

³⁴Tin, Jakoba chuan Esauva chu chhang leh dailuah chhum kawi a pe a; tichuan a eiin a in a, a tho a, a kal ta a: chutiang chuan Esauva chuan a fa tir nihna chu a ngainep a ni.