Read Baibul, Mizo Genesis 30 Bible Online

Genesis 30 - Baibul, Mizo bible

Genesis 30

¹Tin, Rakili chuan Jakoba chu fa reng reng a hrinsak lo tih a inhriat chuan a laizawnnu chu a itsik ta a; tin, Jakoba hnenah chuan, "Fate mi pe rawh, chutilochuan ka thi ang," a ti a.

²Tin, Rakili chungah chuan Jakoba thin chu a lo ur ta thut a: tichuan, "I rila rah phal lotu Pathian aiawhtu em ka nih ni?" a ti a.

³Tin, anni chuan, "En teh, ka bawihnu Bilhaii saw, amah saw pawl rawh; chutichuan kei pawhin ama lakah fate ka neih ve tehihna'n ka mal chungah hian fa a hring dawn nia," a ti a.

⁴Tichuan a bawihnu Bilhaii chu a nupui atan a pe a: tin, Jakoba chuan ani chu a lo pawl a.

⁵Tin, Bilhaii chu a rai a, Jakoba chu fapa a hrinsak ta a.

⁶Tin, Rakili chuan, "Pathianin mi ngaihtuah a, ka aw a hre bawk a, fapa mi pe a nih hi," a ti a: chuvangin a hmingah chuan Dana a sa a.

⁷Tin, Rakili bawihnu Bilhaii chu a rai leh a, Jakoba chu fapa dang a hrinsak leh a.

⁸Tin, Rakili chuan, "Pathian buanin ka laizawnnu ka buan a, ka hneh ta," a ti a: tichuan a hmingah chuan Naphtalia a sa a.

⁹Tin, Leaii chuan fa dang a hring leh ta lo fo tih a inhriatin, a bawihnu Zilpaii chu a hruai a, a nupui atan Jakoba a pe a.

¹⁰Tichuan Leaii bawihnu Zilpaii chuan Jakoba chu fapa a hrinsak a.

¹¹Tin, Leaii chuan, "Ava vanneihthlak em!" a ti a: tichuan a hmingah chuan Gada a sa a.

¹²Tin, Leaii bawihnu Zilpaii chuan Jakoba chu fapa dang a hrinsak leh a.

¹³Tin, Leaii chuan, "Ka va nihlawh em! Hmeichheho chuan nihlawh mi ti ngawt dawn a nih hi," a ti a: tichuan a hmingah chuan Asera a sa a.

¹⁴Tin, buh lak laiin Reubena chuan phulah chuan zawlaidi a va hmu a, a nu Leaii hnenah a rawn la a. Chutichuan Rakilin Leaii hnenah, "Khawngaih takin i fapa zawlaidi thenkhat mi pe teh," a ti a.

¹⁵Tin, ani chuan, a hnenah, "Ka pasal mi chhuhsak hi thil duai em ni? Ka fapaa zawlaidi pawh hi mi chhuhsak i tum leh zel maw?" a ti a. Tin, Rakili chuan, "A nih loh leh, i fapaa zawlaidi aiah hian zaninah a mutpui ang che," a ti a.

¹⁶Tin, tlai lamah chuan Jakoba chu phul atang chuan a lo hawng a, tin, Leaii chu a hmuak turin a chhuak a, "Mi pawl tur a ni; ka fapaa zawlaidiin ka hawh tawh tlat si chia," a ti a. Tichuan chu mi zan chuan a mutpui ta a.

¹⁷Tin, Pathianin Leaii tawngtaina a ngaithla a, tichuan a rai a, Jakoba chu fapa pangana a hrinsak leh ta a.

¹⁸Tin, Leaii chuan, "Ka bawihnu chu ka pasal hnena ka pek avangin Pathianin ka hlawh mi pe ta a nih hi," a ti a: tichuan a hmingah chuan Isakara a sa a.

¹⁹Tin, Leaii chu a rai leh a, Jakoba chu fapa parukna a hrinsak leh a.

²⁰Tin, Leaii chuan, "Pathianin thuam tha tak mi neihtir a; tunah zawng ka pasal chu, fapa paruk ka hrinsak tak avangin ka hnenah a cheng tawh ang," a ti a: tichuan a hmingah chuan Zebuluna a sa a.

²¹Tin, chu mi hnuah chuan fanu a hring leh a, a hmingah chuan Dinaii a sa a.

²²Tin, Pathianin Rakili chu a hre reng a, tichuan Pathianin a tawngtaina a ngaithla a, a chhul a hawnsak ta a.

²³Tichuan a rai a, fapa a hring ta a: tin, "Pathianin ka hming chhia a chhilh ta," a ti a:

²⁴tin, "Lalpa chuan fapa dang mi pek belhchhah leh rawh se," tiin a hmingah chuan Josefa a sa a.

²⁵Tin, heti hi a ni a, Rakili chuan Josefa chu a hrin hnuin, Jakoba'n Labana hnenah, "Keima awmna pangngaiah, kan ram lama ka hawna turin mi kaltir tawh rawh khai.

²⁶I rawng ka bawl chhan ka nupuite leh ka fate hi mi pe la, mi kaltir rawh; i rawng ka bawlsakzia che chu i hre si a," a ti a.

²⁷Tin, Labana chuan a hnenah, "Mi khawngaih theih chuan la awm ta rih che: LALPA chuan nangma zaran mal mi sawm tih aienin ka hria a sin," a ti a.

²⁸Tin, ani chuan a hnenah, Engtin nge i rawng ka bawl a, engtin nge i ran chu ka hnenah an awm i hria alawm.

²⁹Tin, ani chuan a hnenah, "Engtin nge i rawng ka bawl a, engtin nge i ran chu ka hnenah an awm i hria alawm.

³⁰Ka lo kal hma zawngin tlemte chauh i nei a, tunah zawng tam taka an lo chan tak hi; ka penna lam apiangah LALPA chuan mal a sawm zel che a ni: amaherawhchu engtikah nge keima chhungkua atan ka thawh chhuah ve ang?" a ti a.

³¹Tin, ani chuan, "Engnge ka pek ang che?" a ti a. Tin, Jakoba'n, "Engmah mi pek tur a ni lo: he thil hi mi tihsak chuan i ran rual chu ka thlahin ka veng leh ang e.

³²Vawiinah hian i ran rual chu ka va en chhuak vek ang a, beram zinga a hangin a kah chik nuk leh a hangin a kah phoh phoh leh a varin a kah chik nuk leh a varin a kah phoh phohte chu chuta ta chu ka hruai hrang zel ang: tin, tun achina chutiang a lo piang apiangte chu ka hlawh tur ni ang hmiang.

³³Chutichuan tun achinah, i mithmuha awm ka hlawh kawng thuah i lo kal hun chuan, ka felna hian mi chhansak mai ang: kel zinga a varin a kah phoh phoh loh leh, beram zinga a hang lo ka hnena i hmuh apiang chu ka rukah i ruat mai tur a ni," a ti a.

³⁴Tin, Labana chuan, "Ngai teh, i sawi ang tak chu ni ang hmiang," a ti a.

³⁵Tichuan chu mi ni tak chuan kelpa, a vara ze tan leh a varin a kah phoh phoh zawng zawng leh, kelnu, a varin a kah chik nuk leh a varin a kah phoh phoh zawng zawng, a var tel apiang chu, beram zinga a hang zawng zawngte nen chuan a hruai hrang a, a fapate kutah a pe a;

³⁶tin, amah leh Jakoba karah chuan ni thum kalah a awmtir a; tin, Jakoba chuan Labana ran rual dang zawng zawng chu a thlah leh ta a.

³⁷Tin, Jakoba'n hriang leh vai umkhal leh thingse tiang a la a, a pil a khawk var thliah a, tiangahte chuan a var chi a tilang a.

³⁸Tin, a tiang pil khawhte chu ran rualten an rawn in thinna tui inna thlengahte, tui luannaahte chuan, ran rualte hma zawn zelah a dah ta a; tin, tui in tura an lo kal lai chuan an lo rai tan thin a.

³⁹Tichuan ran rualte chu tiang zawnahte chuan an rai tan a, a ze tan te, a ze chik nuk te, a ze phoh phoh te an rawn hring thin a.

⁴⁰Tin, heti hi a ni a, ran chak deuhte chu a rai tan apiangin tiang zinga an rai tan tehihna turin, Jakoba chuan tui luannaah, ran mithmuhah chuan tiangte chu a dah thin a;

⁴¹amaherawhchu ran chu an tan a that loh chuan a dah thin lo: chutichuan a no tantha lo deuhte chu Labana ta a ni zel a, a chak deuhte chu Jakoba ta a ni zel a.Tichuan Jakoba chu nasa takin a lo pung a, ran rual, rual lian tak tak te, bawihnu te, bawihpa te, sanghawngsei te, sabengtung te a lo nei ta a.

⁴²Tichuan Jakoba chu nasa takin a lo pung a, ran rual, rual lian tak tak te, bawihnu te, bawihpa te, sanghawngsei te, sabengtung te a lo nei ta a.