Read Baibul, Mizo Genesis 31 Bible Online

Genesis 31 - Baibul, Mizo bible

Genesis 31

¹Tin, ani chuan Labana fapaten, "Jakoba'n kan pa ta zawng zawng chu a laksak vek a, kan pa taa mi a ni, he'ng ropuina zawng zawng hi a hmuh a ni," an tih thute a lo hre ta a.

²Tichuan Jakoba'n Labana hmel a en a, tin, ngai teh, tun hma lam angin a chungah a tha ta lo tih a hria a.

³Tin, LALPA chuan Jakoba hnenah, "I thlahtute ramah leh i laichinte hnenah haw leh tawh rawh; i hnenah ka awm zel dawn nia," a ti a.

⁴Tichuan Jakoba chuan mi a tir a, Phula a ran rual awmna lamah chuan Rakili leh Leaii chu a ko a,

⁵tin, an hnenah, "In pa hmel ka hmuhin, tun hma lam angin ka chungah a tha ta lo tih ka hria a; nimahsela ka pa Pathian chu ka hnenah a awm reng a ni.

⁶Nangni pawhin in pa rawng hi ka tehihtawpin ka bawl tih in hria a.

⁷Nimahsela in pa chuan mi bum a, ka hlawh hi vawi sawm lai mi tihdanglamsak tawh a; nimahsela Pathianin ka pawi a khawih a phal lo a ni.

⁸A ze chik nukte chu i hlawh a ni ang,' a tih leh, ran zawng zawng chuan a ze chik nukte an hring thin a; tin, ' A ze tante chu i hlawh a ni ang,' a tih leh, ran zawng zawng chuan a ze tante an hring thin.

⁹Chutiangin Pathianin in pa rante chu a laksak a, keimah mi pe ta a nih hi.

¹⁰Tin, heti hi a ni a, rante chu an rai tan lai chuan, ka mumangah chuan ka han dak a, tin, ngai teh, a pa, ran bawhtute chu, a ze tan te, a ze chik nuk te, a ze zeng zung te an ni tih ka hmu a ni.

¹¹Tin, ka mumangah chuan Pathian vantirhkohin, 'Jakob' mi lo ti a: tin, keiin "Heta hi ka awm," ka ti a.

¹²Tin, ani chuan, 'Han dak la, en rawh, a pa, ran bawhtu zawng zawng saw, a ze tan te, a ze chik nuk te, a ze zeng zung te an nih saw: Labanan i chunga a thiltih zawng zawng hi ka hmu a sin.

¹³Kei hi, lungphuna sahriak i hnawihna, ka hnena thu i tiamna Bethel, kha Bethel Pathian kha ka ni: tunah tho la, he ram ata hi chhuak la, i pianna ramah chuan haw leh tawh rawh, a ti a" a ti a.

¹⁴Tin, Rakili leh Leaii chuan an chhang a, a hnenah, "Kan pa inah chuan kan tan chanvo leh ro khawm tur reng a la awm cheu em ni?

¹⁵Ani chuan mikhual ang lekin min ngai tawh a ni lo'm ni? Min hralh a, kan man pawh a ei zo vek tawh si a.

¹⁶Pathianin kan pa laka sum a laksak zawng zawngte chu keimahni leh kan fate ta a nih hi: chutichuan Pathianin i hnena a sawi apiang chu ti rawh khai," an ti a.

¹⁷Tichuan Jakoba chu a tho a, a fapate leh a nupuite chu sanghawngsei chungahte a chuantir a;

¹⁸tin, Kanaan rama a pa Isaaka hnena kal turin a ran zawng zawng leh a sum khawl khawm zawng zawng, a ran hmuhte, Paddan-aram rama a khawl khawmte chu a kalpui ta vek a.

¹⁹Tin, Labana chu a beram hmul met turin a kal daih a: tin, Rakili chuan a pa milemte a ruksak a.

²⁰Tin, Jakoba chu Suri mi Labana hriat loh hlanin a kal ru ta daih a, a tlan bo tur chu a hrilh lo a.

²¹Chutichuan a neih zawng zawng nen chuan a tlanbo ta a: tin, a tho a, Luipui chu a kan a, Gilead tlang lam chu hmachhawnin a pan zel a.

²²Tin, a ni thum niah chuan Jakoba a tlan bo tih Labana chu an hrilh a.

²³Tichuan a unaute a hruai a, ni sarih kal a um a; Gilead tlangah chuan a umpha ta a.

²⁴Tin, Suri mi Labana hnenah chuan zan a mumangah Pathian a lo kal a, a hnenah, "Jakoba hnenah a chhia a tha engamah sawi lo turin fimkhur rawh," a ti a.

²⁵Tin, Labana chuan Jakoba chu a umpha ta a. Tin, Jakoba c huan a puan in chu tlangah a lo zar tawh a: tin, Labana pawhin a unaute nen chuan Gilead tlangah an zar ve ta a.

²⁶Tin, Labana chuan Jakoba hnenah, "I thiltih hi engti zia nge ni le, ka hriat loh hlana i kal ruk daih a, chemsen bawihte ang maia ka fanute i hruai bo hi?

²⁷Eng vangin nge aruka i tlan bo a, mi kal ruksan a, hlimna te nen, hla te nen, khuangte te nen, tingtang te nen ka thlahna tur chein mi hrilh loh a,

²⁸ka tute leh ka fanute ka fawh i phal loh ni? Atthlak takin a ni, thil i tih ni.

²⁹Tichhe tehi che ka ni a sin: nimahsela i pa Pathian chuan nizanah khan, 'Jakoba hnenah a chhia a tha a engamah sawi lo turin fimkhur rawh,' tiin mi bia a ni.

³⁰Tin, i pa in i ngaih em em avangin kal chak hle mah la, eng vangin nge ka Pathiante mi ruksak ni?" a ti a.

³¹Tin, Jakoba chuan a chhang a, Labana hnenah, "Ka hlauh avang a ni: i fanute hi mi lak luihsak dah ang e, ka ti a ni.

³²Tupawh i pathiante i hmuhna apiang chu an nung lo ang: kan unaute mithmuhah hian i ta ka hnena awm chu en chiang la, la ta che," a ti a. Rakilin a lo ru tih Jakoba'n a hre si lo a.

³³Tin, Labana chu Jakoba puan inah te, Leaii puan inah te, bawihnu pahnih puan inah te a lut zel a; nimahsela a hmu lo a. Tin, Leaii puan in ata chu a chhuak a, Rakili puan inah chuan a lut leh a.

³⁴Tin, Rakili chuan milemte chu a lo la a, sanghawngsei thuamhnaw zingah a lo dah a, a lo thut hnan diam a. Tin, Labana chuan a puan in chhung zawng zawng chu a dap vel vek a, nimahsela a hmu lo a.

³⁵Tin, ani chuan a pa hnenah, "I hmaa ka thawh peih loh avang hian, ka lalpa, thinur suh ang che; hmeichhe awm dan pangngai chu ka chunga a awm lai tak a ni si a," a ti a. Tichuan a zawng a zawng a, nimahsela milemte chu a hmu zo ta lo a.

³⁶Tin, Jakoba chu a thinur ta a, Labana chu a hau va: Jakoba chuan Labana hnenah, "Engnge ka bawhchhiata, eng nge ka sualna, mi rawn um vak mai ni?

³⁷Ka bungrua zawng zawng i dap vel pawhin, i in chhung bungrua reng reng eng nge i hmuh ni? Keini pahnih hi min ngaihtuah tehihna turin ka unaute leh i unaute hmaah hian dah rawh.

³⁸Hei kum sawmhnih zet i hnenah ka awm ta a; i beramtepuite leh i kelpuite chuan an note an hring sual ngai lo a, i beram rual zinga a pate pawh ka ei ngai si lo a.

³⁹Ram sa sehte pawh i hnenah ka rawn thlen ngai loa; keiin a bo ai chu ka tuar zawk thin a: chhuna ni sa leh zana ruk emaw ka rulh i phut thin.

⁴⁰Hetiangin ka awm thin; chhuna ni sa leh zana khaw vawtin mi tihreawm em em thin a; mut pawh ka hmu ngai thin lo a.

⁴¹Chung kum sawmhnih chhung zawng chu i inah ka awm a: i fanute pahnih hlawh turin kum sawm leh kum li i rawng ka bawl a, i rante hlawh turin kum ruk ka bawl leh a: ka hlawh lah chu vawi sawm lai i tidanglam si a.

⁴²Ka pa Pathian, Abrahama Pathian, Isaaka Tiha chu ka hnenah awm lo phei se la chu, tunah pawh hian ruak ngawta mi hawntir ngei ngei tur i nih hi. Pathianin ka hreawmzia leh ka thawh rimzia chu a hmu a, nizanah chuan a zilh che a nih chu," a ti a.

⁴³Tin, Labana chuan a chhang a, Jakoba hnenah, :Fanute hi keima fanu an ni a, naupangte hi keima naupang an ni a, rante hi keima ran an ni a, i hmuh zawng zawng hi keima ta vek an ni: vawiinah hian he'ng ka fanute chungah leh an fa hrinte chungah hian eng nge ka tih tehih ang?

⁴⁴Hawh teh, kei leh nang hian thu i thlung teh ang; chu chu kei leh nanga karah hriatna ni rawh se," a ti a.

⁴⁵Tichuan Jakoba chuan lung a la a, lungphun atan a phun a.Tichuan Jakoba chuan lung a la a, lungphun atan a phun a.

⁴⁶Tin, Jakoba'n a unaute hnenah, lung la khawm rawh u," a ti a; lung an la a, an tiang khawm a: tin, lung tian khawm kiangah chuan chaw an ei a.

⁴⁷Tin, Labana chuan chu lung tian khawm chu Jegar-sahadutha a vuah a; Jakoba erawh chuan Galeed a vuah a.

⁴⁸Tin, Labana chuan, "He lung tian khawm hi vawiinah hian kei leh nanga karah hriatna a nih hi," a ti a. Chuvangin a hmingah chuan Galeed vuah a ni ta a.

⁴⁹Mizpa vuah a ni bawk a, Labanan, "Inthena kan awm hunin LALPA chuan min veng tawn rawh se.

⁵⁰Ka fanute hi i tihretehih a, ka fanute lo hi nupui dangte i neih chuan, tumah kan hnenah an awm lo na a, en teh, Pathian chu kei leh nanga karah hretu a ni," a ti si a.

⁵¹Tin, Labana vekin Jakoba hnenah, "He lung tin khawm hi en la, keimah leh nangma inkara he lung ka phun pawh hi en teh.

⁵²Pawi inkhawihsak turin keiin he lung tian khawm hi pelin i hnen lamah ka lo kal lo ang tih leh, nang pawhin he lung tian khawm leh he pungphun hi pelin ka hnen lamah i lo kal lo ang tih, he lung tian khawm hi hriatna ni se la, he lungphun pawh hi hriatna ni bawk rawh se.

⁵³Abrahama Pathian, Nahora Pathian, an pa Pathian chuan kan kara thu ngaihtuah rawh se," a ti leh a. Tin, Jakoba chuan a pa Isaaka Tiha chu chhalin chhia a chham ta a.

⁵⁴Tin, Jakoba'n tlangah chuan inthawina a hlan a, a unaute chu chhang ei turin a ko va: tichuan chhang an ei a, tlangah chuan an riak ta hlawm a.Tin, zing takah Labana chu a tho a, a tute leh a fanute chu a fawp a, mal a sawm a: tin, Labana chu a kal a, ama awmna lamah a haw leh ta a.

⁵⁵Tin, zing takah Labana chu a tho a, a tute leh a fanute chu a fawp a, mal a sawm a: tin, Labana chu a kal a, ama awmna lamah a haw leh ta a.