Read Baibul, Mizo Genesis 35 Bible Online

Genesis 35 - Baibul, Mizo bible

Genesis 35

¹Tin, Pathianin, Jakoba hnenah chuan, "Tho la, Bethel-ah chho la, chutah chuan awm rawh: tin, i u Esauva hnen ata i tlan bo laia i hnena inlar Pathian tan khan chutah chuan maicham siam rawh," a ti a.

²Tichuan Jakoba'n a chhungte leh a hnena awm zawng zawngte hnenah chuan, "In zinga mi dang Pathian awmte chu dah bo daih u la, intithianghlimin in silhfente thlak rawh u:

³tho i la, Bethelah i chho ang u; tichuan ka mangan laia mi chhang a, ka kalnaa ka hnena awm zel Pathian tan khan maicham ka siam dawn nia," a ti a.

⁴Tichuan mi dang pathian an kuta awm zawng zawng leh an benga bengbeh an buh zawng zawng chu Jakoba an pe a; tin, Jakoba chuan Sekem khaw kianga sasaw hnuaiah chuan a thukru ta a.

⁵Tin, an kal a: an vel khuate chuan an lo hlau nasa ta em a, Jakoba fapate chu an um ta lo a.

⁶Chutichuan Jakoba chuan Kanaan rama Luz khua chu a thleng a, amah leh a hnena awm zawng zawngte nen (Luz chu Bethel a ni a).

⁷Tin, chutah chuan maicham a siam a, a u hnen ata a tlan bo lai khan chutah chuan Pathian a hnena a inlar avangin a hmun chu El-Bethel a ti ta a.

⁸Tin, Rebeki awmtu Debori chu a thi a, Bethel hnuaia sasaw hnuaiah chuan an phum a: sasaw hming chu Allon-bakuth an ti ta a.

⁹Tin, Jakoba chu Paddan-aram ram atanga a lo hawnin Pathian a hnenah a inlar leh a, mal a sawm a.

¹⁰Pathian chuan a hnenah, "I hming hi Jakoba a ni a; i hming chu Jakoba an ti tawh lo ang, I hming chu Israela a ni zawk ang," a ti a: tichuan a hmingah chuan Israela a ti ta a.

¹¹Tin, Pathian vekin a hnenah, "Kei, Pathian Engkimtitheia ka ni: chi tam tak thlahin lo pung rawh; i thalbe atangin lalte pawh an lo la chhuak bawk ang;

¹²tin, Abrahama leh Isaaka ram ka pek hi ka pe ang che, i awm loh hnua i thlahte pawh ram hi ka pe zel ang," a ti a.

¹³Tin, Pathianin a mah a biakna hmun atang chuan Jakoba chu a chhosan ta a.

¹⁴Tin, a biakna hmunah chuan Jakoba'n englo a phun a (lung a ni a phun ni): a chungah chuan thilhlan, in mi, a leih a, a chungah sahriak a leih bawk a.

¹⁵Tin, Jakoba chuan Pathianin amah a biakna hmun hmingah chuan Bethel a vuah a.

¹⁶Tin, Bethel atang chuan an kal a; tin, Ephrath khaw thlenna tur chu hla fe a la ni a; tin, Rakili chuan nau a vei a, na takin a vei ta a.

¹⁷Tin, heti hi a ni a, na taka a vei laiin nau chhar mi chuan, "Hlau suh; fapa dang i nei dawn a nih hi," a ti a.

¹⁸Tin, heti hi a ni a, a thlarau a chhuah dawn laiin (a thi ta si a) a hmingah chuan Benonia a sa a: a pa erawh chuan Benjamina a sa a.

¹⁹Tichuan Rakili chu a thi a, Ephrath khua kawngah chuan an phum a (Ephrath khua chu Bethlehem khua a ni).

²⁰Tin, a thlan chungah chuan Jakoba'n lung a phun a: chu chu tun thlengin Rakili thlan Lungphun a la ni.

²¹Tin, Israela chu a kal zel a, Migdol Eder piahah chuan a puan in a zar ta a.

²²Tin, heti hi a ni a, Israela chu chu mi ramah chuan a awm laiin Reubena chuan a pa hmei Bilhaii chu a va mutpui a: tin, Israela chuan chu chu a hre ta a.Tin, Jakoba fapate chu sawm leh pahnih an ni a:

²³Leaii fapate chu Reubena (Jakoba fa tir) te, Simeona te, Levia te, Juda te, Isakara te, Jebuluna te an ni a:

²⁴Rakili fapate chu Josefa leh Benjamina an ni a:

²⁵tin, Rakili bawihnu Bilhaii fapate chu Dana leh Napthalia an ni a:

²⁶tin, Leaii bawihnu Zilpaii fapate chu Gada leh Asera an ni a: chung chu Jakoba fapa, Paddan-aram rama a neihte kha an ni.,

²⁷Tin, Jakoba chuan Kiriath-araba khuaa Abrahama leh Isaaka awmna Mamre-a a pa Isaaka hnen chu a thleng ta a. (Kiriath-arba khua chu Hebron a ni).

²⁸Tin, Isaaka dam chhung chu kum 180 a ni a.Tin, Isaaka chuan a thlarau a thlah a, upa tak, tar kuna damin a thi a, a chipuite hnenah hruaiin a awm ve ta a: tin, a fapa Esauva leh Jakoba chuan an phum ta a.

²⁹Tin, Isaaka chuan a thlarau a thlah a, upa tak, tar kuna damin a thi a, a chipuite hnenah hruaiin a awm ve ta a: tin, a fapa Esauva leh Jakoba chuan an phum ta a.