Read Baibul, Mizo Genesis 36 Bible Online

Genesis 36 - Baibul, Mizo bible

Genesis 36

¹Tin, he'ng hi Esauva thlahte chu an ni (Esauva chu Edoma a ni).

²Esauva chuan a nupui te chu Kanaan rama nula zinga mi a ni, a neih ni; Hit mi Elona fanu Adai leh,Hiv mi Zibeona tunu, Anaa fanu Oholibami te chu an ni;

³Ismaela fanu, Nebaiotha fanu Basemathi nen chuan.

⁴Tin, Adai chuan Eliphaza chu Esauva a hrinsak a; Besemathi chuan Reuela a hring a;

⁵Oholibami chuan Jeusa leh Jalama leh Kora a hring a: chung chu Esauva fapa, Kanaan rama a neihte an ni.

⁶Tin, Esauva chuan a nupuite leh, a fapate leh, a fanute leh a ina mi zawng zawng leh a rante leh a sa zawng zawng leh, a sum zawng zawng, Kanaan rama a hmuhte chu a chhawm a, a nau Jakoba hnen ata chu ram dangah a kal ta daih a.

⁷An thil neihte chu a nasa lutuk a, an awm dun thei lo a ni; an rante avangin an mikhualna ram chuan a daih ta si lo a.

⁸Tichuan Esauva chu Seir tlangah chuan awm ta a: Esauva chu Edoma a ni a.

⁹Tin, he'ng hi Seir tlanga Edom-ho thlahtu Esauva thlahte chu an ni:

¹⁰he'ng hi Esauva fapateho hming chu a ni: Eliphaza, Esauva nupui Adai fapa leh Reuela, Esauva nupui Besemathi fa hi.

¹¹Tin, Eliphaza fapate chu Temana te, Omara te, Zephova te, Gatama te, Kenaza te an ni.

¹²Tin, Timnaii chu Esauva fapa Eliphaza hmei a ni a: ani chuan Eliphaza chu Amaleka a hrinsak a: chung chu Esauva nupui Adai thlahte chu an ni.

¹³Tin, he'ng hi Reuela fapate chu an ni; Nahatha leh Zera te, Sama leh Miza te hi: chung chu Esauva nupui Besemathi thlahte chu an ni.

¹⁴Tin, he'ng hi Zibeona tunu Ana fanu Esauva nupui Oholibama fapate chu an ni: ani chuan Esauva chu Jeusa leh Jalama leh Kora chu a hrinsak a.

¹⁵Heng hi Esauva fapate zinga a hotute chu an ni: Esauva fa tir Eliphaza fapate hi; hotu Temana te, hotu Omora te, hotu Zephova te, hotu Kenaza te,

¹⁶hotu Kora te, hotu Gatama te, hotu Amaleka te hi: chung chu Edom rama Eliphaza laka chhuak hotute chu an ni; chung chu Adai thlahte chu an ni.

¹⁷Tin, he'ng hi Esauva fapa Reuela thlahte chu an ni; hotu Nahatha te, hotu Zera te, hotu Sama te, hotu Miza te hi: chung chu Edom rama Reuela laka chhuak hotute chu an ni; chung chu Esauva nupui Basemathi thlahte chu an ni.

¹⁸Tin, he'ng hi Esauva nupui Oholibami thlahte chu an ni, hotu Jeusa te, hotu Jalam te, hotu Kora te hi: chung hotute chu Ana fanu Esauva nupui Oholibami thlahte chu an ni.

¹⁹Chung chu Esauva fapate chu an ni, chung chu an zinga hotute chu an ni: Esauva chu Edoma a ni.

²⁰Heng hi Hor mi Seira fapa, chu rama awmte chu an ni; Lotana te, Sobala te, Zibeona te, Ana te,

²¹Disona te, Ezera te, Disana te hi: chung chu Edom rama Seira fa Hor-ho laka chhuak hotute chu an ni.

²²Tin, Lotana fate chu Hora leh Hemama an ni; Lotana farnu chu Timnai a ni.

²³Tin, he'ng hi Sobala fate chu an ni; tin, Alvana te, Manahatha te, Ebala te, Sephova te, Onama te hi.

²⁴Tin, he'ng hi Zibeona fate chu an ni; Aia leh Ana hi: he Ana hi a ni, a pa Zibeona sabengtungte a thlah laia thlalera tuilumkhurte hmu chhuaktu kha ni.

²⁵Tin, he'ng hi Ana fate chu an ni: Disona leh Ana fanu Oholibami hi.

²⁶Tin, he'ng hi Disona fate chu an ni; Hemdana te, Esbana te, ithrana te, Cherana te hi.

²⁷Heng hi Ezera fate chu an ni; Bilhana te, Zaavana te, Akana te hi.

²⁸Heng hi Disana fate chu an ni; Uza leh Arana hi.

²⁹Heng hi Hor-ho laka chhuak hotute chu an ni; hotu Lotana te, hotu Sobala te, hotu Zibeona te, hotu Ana te,

³⁰hotu Disona te hi: hotu Ezera te, hotu Disana te hi: chung chu Seir rama an hotu dan anga Hor-ho laka chhuak hotute chu an ni.

³¹Heng hi lal reng rengin Israela thlahte chunga ro an rel hmaa, Edom rama roreltu lalte chu an ni.

³²Tin, Beora fapa Bela chuan Edom ramah ro a rel a; a khawpui hming chu Dinhaba a ni.

³³Tin, Bela chu a thi a, Bozra khuaa mi Zera fapa Jababa chuan a aiawhin ro a rel ta a.

³⁴Tin, Jobaba chu a thi a, timan-ho rama mi Husama chuan a ai awhin ro a rel ta a.

³⁵Tin, Husama chu a thi a, Bedada fapa Hadada, Moab phula Midian-ho thattu khan a aiawhin ro a rel ta a: a khawpui hming hu Avith a ni.

³⁶Tin, Hadada chu a ti a, Masreka mi Samla chuan a aiawhin ro a rel ta a.

³⁷Tin, Samla chu a thi a, Luipui kama Rehoboth khuaa mi Saula chuan a aiawhin ro a rel ta a.

³⁸Tin, Saula chu a thi a, Akbora fapa Baalhanana chuan a aiawhin ro a rel ta a.

³⁹Tin, Akbora fapa Baalhanana chu a thi a, Hadara chuan a aiawhin ra a rel ta a: a khawpui hming chu Pau a ni; a nupui hming chu Mehetabeli a ni a, ani chu Mezahaba fa Matredi fanu chu a ni.

⁴⁰Tin, he'ng hi an chhungkua ang zel leh an hmun ang zel leh an hming ang zelin Esauva thlah hotute hming chu a ni; hotu Timna te, hotu Alva te, hotu Jethetha te.

⁴¹,43 Hotu Magdiela te, hotu Irama te hi: chung chu an ram neihah chuan an awmna ang zelin Edoma thlah hotute chu an ni: chu Esauva chu Edom-ho thlahtu chu a ni.,42 Hotu Magdiela te, hotu Irama te hi: chung chu an ram neihah chuan an awmna ang zelin Edoma thlah hotute chu an ni: chu Esauva chu Edom-ho thlahtu chu a ni.

⁴²,42 Hotu Magdiela te, hotu Irama te hi: chung chu an ram neihah chuan an awmna ang zelin Edoma thlah hotute chu an ni: chu Esauva chu Edom-ho thlahtu chu a ni.