Read Baibul, Mizo Genesis 49 Bible Online

Genesis 49 - Baibul, Mizo bible

Genesis 49

¹Tin, Jakoba'n a fapate chu a ko a, heti hian a sawi a, "Ni hnuhnungahte in chunga thil l thleng tur chu ka hrilh theihna tur che uin rawn in khawm rawh u.

²Nangni Jakoba fapate u, rawn inkhawm u la, ngaithla rawh u; In pa Israela thu hi ngaithla rawh u.

³Reuben, nang hi ka fa tir, ka thiltihtheihna, ka chakna rah hmasa ber i ni; San berna leh thuneih berna chu i ta a ni.

⁴Nimahsela tui anga nghet lo i ni, chungnun berna chu i nei lo ang; i pa khumpui i kai avangin

⁵Simeona leh Levia hi unau an ni a; An khandaihte chu thisen chhuahna hriamhrei a ni.

⁶Aw, ka thlarau, nang zawng an inrawnnaah chuan inrawlh ve suh; Ka ropuina, nang zawng an inkhawmnaah chuan tel ve suh; An thinurin mi an that a, An tihmawhin Bawngpa tha an chhat a.

⁷An thinurna chuan anchhia dawng rawh se, kawlh tak a ni si a; An thinrimna pawh chuan anchhia dawng rawh se, nun chhe tak a ni si a: Jakob-hovah chuan anni chu ka tithen ang a, Israel-hovah chuan ka tidarh bawk ang.

⁸Juda, nang zawng i unauten an fak ang che: i kut chu i dote nghawngah i nghat ang a; i pa fapate chu i hmaah an kun ang.

⁹Juda hi sakeibaknei no a ni; Ka fapa, i sa she chu i chhohsan ta a: A kun a, sakeibakneipa angin a bawk a, Sakeibakneinu ang bawk siin; tuin nge titho ngam ang?

¹⁰Lal tiang chu Juda lakah a bo lo ang a, Roreltu tiang chu a ke kar ata a bo hek lo ang a, Silova lo kal hma loh chuan; Hnam tinin ama thu an awih ang.

¹¹A sakawr no chu grep hruiah a thlung a, A sabengtung ni chu grep hrui tha miah a thlung bawk a. A silhfente chu uainah a su a. A puan chu grep thisenah a su bawk a; A mitte chu uain thisenin a awm ang a.

¹²A hate chu hnute tui tihvarin a awm bawk ang.

¹³Zebuluna hian tuifinriat kamah awmhmun a khuar ang: Lawng chawlhna vaukam a ni ang; A ramri chu Zidon-ah a ni ang.

¹⁴Isakara hi sabengtung chak tak, Beram huang kara bawk a ni:

¹⁵Chawlh chu thain a hria a, Ram chu nuamin a hre bawk a; Tichuan englo pu turin a koki chu a tihniam a, Hnathawka rawih luihin chhiahhlawhah a lo awm ta a.

¹⁶Dana hian a mite chu, Israel hnam zinga hnam pakhat ni vein, ro a relsak ang.

¹⁷Dana hi lamliana rul, Kalkawnga rulrial, A chunga chuang zangthala tla der khawpa Sakawr kea chu thintu hi a ni ang.

¹⁸Aw LALPA, i chhandamna chu ka nghak reng e. Gada hi, ralin an bei ang a,

¹⁹Nimahsela ani chuan an ke artui lamah a bei zawk ang,

²⁰Asera hi, a ei chu a tha ang a, Lal ei mi tui tak takte a tichhuak ang.

²¹Naphtalia hi zukpui chhuah a ni: Thu tha takte a sawi thin.

²²Josefa hi peng rah duh tak a ni, Tuikhur kianga peng rah duh tak chu; A peng lehchhawngte chuan lung bang a zam khuh a.

²³Thal kapho chuan ani chu nasa takin an tirethei a, An kap a, an tiduhdah a:

²⁴Nimahsela ani thalngul chu khuah takin a awm reng a, A kut thate chu Jakoba Mi Chaka kuta- (Chuta tang chuan Beram vengtu, Israela lungpui chu a lo awm a;)

²⁵I pa Pathian, nangmah tanpuitu tura- Engkimtitheia. Chung lam van malsawmnate, Hnuai lama bawk reng tui thuk tak malsawmnate, Hnute leh chhul malsawmnatea Nangmah malsawmtu tur ngeia Tihchakin a awm a.

²⁶I pa malsawmsaknate hian, Mi thlahtute malsawmsakna te chu Chatuan tlang tawp ret thlengin a khum ta zawk a ni: Chungte chu Josefa lu-ah a awm ang a, A unaute hnen ata tihhrana awma chhipah chuan a awm ang.

²⁷Benjamina hi chinghne koham a ni: zingah chuan a sa she chu a ei a ng a, Tlai lamah chuan a rallak chu a sem ang," a ti a.

²⁸Chung zawng zawngte chu Israel hnam sawm leh hnam hnihte chu an ni a: chu thu pawh chu anmahni malsawma an hnena an pa thusawi chu a ni; an malsawm dawn tur tawk ang zelin mal a sawmsak theuh a.

²⁹Tin, anni chu thuro a chhiah a, an hnenah, "Ka chipuite hnenah hruaiin ka awm ve dawn ta a: Hit mi Ephrona loah puk, Kanaan rama Mamre zawna Makpela loa puk, Abrahama'n phumna hmun ro atan, Hit mi Ephrona laka a lo chawpa a leiah khan mi thlahtute hnenah mi phum ve ang che u:

³⁰Tin, anni chu thuro a chhiah a, an hnenah, "Ka chipuite hnenah hruaiin ka awm ve dawn ta a: Hit mi Ephrona loah puk, Kanaan rama Mamre zawna Makpela loa puk, Abrahama'n phumna hmun ro atan, Hit mi Ephrona laka a lo chawpa a leiah khan mi thlahtute hnenah mi phum ve ang che u:

³¹chutah chuan Abrahama leh a nupui Sari chu an phum a; chutah chuan Isaaka leh a nupui Rebeki chu an phum a; chutah bawk chuan Leaii ka phum a:

³²lo leh a chhunga puk awm chu Hetha thlahte laka lei a ni," a ti a.Tin, Jakoba chuan a fapate hnena thuro a chhiah zawh chuan a kete chu khumah a hlang kai a, a thlarau a thlah a, a chipuite hnenah chuan hruaiin a awm ve ta a.

³³Tin, Jakoba chuan a fapate hnena thuro a chhiah zawh chuan a kete chu khumah a hlang kai a, a thlarau a thlah a, a chipuite hnenah chuan hruaiin a awm ve ta a.