Read Baibul, Mizo Genesis 5 Bible Online

Genesis 5 - Baibul, Mizo bible

Genesis 5

¹Hei hi Adama thlahte chuanna lehkha bu chu a ni. Pathianin thu ngawta mihring a siam ni khan Pathian anpuiin amah chu a siam a;

²thu ngawtin mipa leh hmeichhiaah anmahni chu a siam a ni; thu ngawta siama an awm ni khan mal a sawmsak a, an hmingah chuan "Mihring" a vuah a.

³Tin, Adama chuan kum 130 a nihin amah ang tak, ama anpui ngei fapa a nei a; a hmingah Setha a sa a:

⁴Tin, Setha a neih hnu chuan Adama chu kum 800 a la dam a: fanu leh fapate a nei leh hlawm a.

⁵Tichuan Adama dam chhung zawng zawng chu kum 930 a ni a: tin, a thi ta a.

⁶Tin, Setha chuan kum 105 a nihin fapa Enosa a nei a:

⁷tin, Enosa a neih hnu chuan Setha chu kum 807 a la dam a, fanu leh fapate a nei leh hlawm a:

⁸tichuan Setha dam chhung zawng zawng chu kum 912 a ni a: tin, a thi ta a.

⁹Tin, Enosa chuan kum 90 a nihin fapa Kenana a nei a:

¹⁰tin, Kenana a neih hnu chuan Enosa chu kum 815 a la dam a, fanu leh fapate a nei leh hlam a:

¹¹tichuan Enosa dam chhung zawng zawng chu kum 905 a ni a: tin, a thi ta a.

¹²Tin, Kenana chuan kum 70 a nihin fapa Mahalalela a nei a:

¹³tin, Mahalalela a neih hnu chuan Kenana chu kum 840 a la dam a, fanu leh fapate a nei leh hlawm a:

¹⁴tichuan Kenana dam chhung zawng zawng chu kum 910 a ni a: tin, a thi ta a.

¹⁵Tin, Mahalalela chuan kum 65 a nihin fapa Jareda a nei a:

¹⁶tin, Jareda a neih hnu chuan Mahalalela kum 830 a la dam a, fanu leh fapate a nei leh hlawm a:

¹⁷tichuan Mahalalela dam chhung zawng zawng chu kum 895 a ni a, tin, a thi ta a.

¹⁸Tin, Jareda chuan kum 162 a nihin fapa Enoka a nei a:

¹⁹tin, Enoka a neih hnu chuan Jareda chu kum 800 a la dam a, fanu leh fapate a nei leh hlawm a:

²⁰tichuan Jareda dam chhung zawng zawng chu kum 962 a ni a: tin, a thi ta a.

²¹Tin, Enoka chuan kum 65 a nihin fapa Methusela a nei a:

²²tin, Methusela a neih hnu chuan Enoka chu kum 300 chhung zawng Pathian nen an leng dun thin a, fanu leh fapate a nei leh hlawm a:

²³tichuan Enoka dam chhung zawng zawng chu kum 365 a ni a:

²⁴tin, Enoka chu Pathian nen an leng dun thin a: tin, a awm ta loa; Pathianin a la bo ta a ni.

²⁵Tin, Methusela chuan kum 187 a nihin fapa Lameka a nei a:

²⁶tin, Lameka a neih hnu chuan Methusela chu kum 782 a la dam a, fanu leh fapate a nei leh hlawm a:

²⁷tichuan Methusela dam chhung zawng zawng chu kum 969 a ni a: tin, a thi ta a.

²⁸Tin, Lameka chuan kum 182 a nihin fapa a nei a:

²⁹tin, "He mi ngei hian Lalpa anchhe lawh lei avanga kan hnathawhna leh kuta kan thawh rimnaah hian min thlamuan tawh ang," tiin. a hmingah Nova a sa a.

³⁰tin, Nova a neih hnu chuan Lameka chu kum 595 a la dam a, fanu leh fapate a nei leh hlawm a:

³¹tin, Lameka dam chhung zawng zawng chu kum 777 a ni a: tin, a thi ta a.Tin, Nova chu kum 500 mi a ni a: Nova chuan fapa Sema te, Hama te, Japhetha te a nei a.

³²Tin, Nova chu kum 500 mi a ni a: Nova chuan fapa Sema te, Hama te, Japhetha te a nei a.